ओहाङः वाह्तोक्हाङः येसुकुस् वाह्ओमयःइ योङ्क्राय्ती झ्यान्ते गहुङ्कोः चुय्लम् काव्ह्ती जेःआकानी। ओउःमयःइ चुय् काव्ह्ती जेःओपाय् फरीसीलम्इ च्यवःती ओउःमयः येसुकःताङ् वाङ्ती “लौ योउ दै। इ ङीइ जवओ धोओ दीन्हाङः नाङ्कुस् वाह्ओमयःइ इत चुय् काव्ह्ओ काम्मा अरु दोह् काम्मा जाङ्ह्सा स्याव्ल बा” त दाय्ह्ती तोनीतो
लुका 13:14 - चेपाङ14 ओउः थनःओ कीम्कोः ताङ्ह्ओ मान्ताखे “धोओ दीन्हाङः मान्ताकायः इत स्याक्ताक्सा स्याव्ल” त म्हर्ती ल्हुङ् मल्ह्तो स्याव्आ। “ङीकायः यात् सातहाङः छगोता काम् जाङ्ह्सा स्याव्ओ दीन्लम् मुलेःनाः। ओउः दीन्लम्हाङः स्याक्ताक्साकायः काःहाल्लाङ् वाङ्न। इ धोओ दीन्हाङः काःहाल्लाङ् वाङ्लाम्” त दाय्ह्ती सबै हुम्ओलम्कायः ओउः ताङ्ह्ओ मान्ताइ जान्ती तोआथास। အခန်းကိုကြည့်ပါ။ |
लुका 13:14
20 ပူးပေါင်းရင်းမြစ်များ
ओहाङःसैको फरीसीलम्मा धर्मा स्यान्ओमयःमा मुती “लौ इ धोओ दीन्हाङःपाय् जाङ्ह्सा स्याव्मालो त जवती तोओ काम् जाङ्ह्ती येसुइ इ जीक्ओकायः स्याक्ताक्नौया स्याक्ताक्उलुया। स्याक्ताक्नौ त खेःया ओउःकायः गाल्तुम्ती तोसा खाय्नाःतय्ह्नी” त दाय्ह्ती लयःमयःकुस् नोःकाय्ती येसुकायः ल्हुङ्तुक् कुःती योसा बोङःनीतो।
ओहाङःसैको यात्चाक् याय्रुस् त तोओ थनःओ कीम्कोः ताङ्ह्ओ मान्ता वाङ्ती येसुकायः बाःती स्यवआथै। ओउःकोः यातैज्याङ् ह बार बर्स स्याव्ओ चोःद्याङ् जोक्तोलेः जीक्ती सीखेःओ खेःतो ओउःत झ्यान्ते स्यवतोक् बेलाहाङः “लौ ङाकोः कीम्ताङ् चोःद्याङ्कायः स्याक्ताक्लाङ् वाङ्अ दै” त दाय्ह्ती येसुकः काःहाल्ती तेआ। याय्रुस् इत तेओ सायःती ग्याती येसुपाय् ओउःकुस् पाय्ह्आकाय्। ओउःमयः पाय्ह्ती आल्तोक्हाङः नाःतो मान्तालम्इ हुम्लाङ् वाङ्ती येसुकायः आन न्हेङःआथै।
ओहाङःसैको मोसाइ बयःओ ऐन्मा उय्ह्लेकोः परमेस्वर्कायः कुरा छ्यानःओलम्इ लेखओ कुरामा पह्रआक्तीको ओउः थनःओ कीम्कोः ताङ्ह्ओ मान्तालम्इ पावुल् बर्नाबास् नीस्कायःमा गोत्आथाच “लौ पुःनीस् नीङ्जी ल्हुङ् र्यानःओ कुरा मुनाः त खेःया इ हुम्ओ मान्तालम्कायः नोःनु दा” त दाय्ह्ती ओउःनीस्कायः तोआथाच।
ကြော်ငြာတွေ