“लौ परमेस्वर्कोः राजीकोः कुरा चीःओ धर्मा स्यान्ओमयः साहुलो लेखा मुलेःनाः। ओउः साहुइपाय् लयःकोः त्युम्ह्ती गम्सा थाव्सै नयामा पुरानो थोक्लम्मा त्युत्नौ। ओउःलो लेखालेः परमेस्वर्कोः राजीकोः कुरा चीःओ धर्मा स्यान्ओमयःइमा नया कुरामा पुरानो कुरामा छ्यान्ह्सा खाय्लेःनौ” त दाय्ह्ती येसुइ सबै कोदीङःती तोती स्यान्आकान्।
लुका 12:42 - चेपाङ42 “पेओ काम् जाङ्ह्सा नोकरी सु मान्तालो खेःनाः। ओउःइ दोह् हायःनौ दाय्ह्सा। ओउः नोकरीकायः ओउःकोः मालीक्इ सबै कीम्कोः नोकरी योसा काम्कायःमा जेःगा ज्याला बोसा काम्कायःमा ग्वम् बयःलेःनौ। အခန်းကိုကြည့်ပါ။ |
लुका 12:42
29 ပူးပေါင်းရင်းမြစ်များ
ओउःत तोओ सायःआक्तीको ओउःइ नीस्चाक् लयःकुस् मुओलम् येसुकुस् नोःसाकायः ल्होक्आकान्। “लौ ‘ओउः परमेस्वर्इ तोती गम्ओ वाङ्सा खेःचाक्ओपाय् नाङ्लेःतेः खेःतेःनाःया खेःतेःलया। खेःतेःल त खेःयाकायः ङीइ अरुकायः ल्युङ्ह्ती योती मुसा खेःनाङी यादो’ त दाय्ह्ती येसुकायः व्हत्लाङ् आल्ज दा” त दाय्ह्ती ओउःनीस्कायः तोती ल्होक्आकान्।
ङाइ नीङ्कायः पेतो स्यान्नेःआलाङ्स त झ्यान्ते नीङ् लःलयःकायः साहीनीङ्सी लयःकोः येसुकायः ङ्हाम्ओ पुःचोङ्लम् हौचोङ्लम्कायः लव्ह्ती ओम्पायःती गम्नु दा। ओउःमयःकायः योसाकायः परमेस्वर्कोः ग्वालामःइ बयःतेःआकाय्। ओहाङःसैको लयःकायः ङ्हाम्ओलम्कायः येसुइ क्ल्याय्ओ सीङःहाङः ल्हाङःती लयःकोः वयः बयःआकान् ओउःत झ्यान्ते प्रभुकोः मान्तालम् पेतो योती साहीती मुन दा। इ ङाइ तोओ कुरा सुइमा म्हेःलाम्।
नीङ्कायः स्यालःओलम्इ तोओ कुरापाय् ग्याती जाङ्ह्नु। ओउःमयःइ नीङ्कोः रुआङ्कायः ल्युङ्ह्ती योतीमा स्यास्तीमा गम्नानी। लोने ओउःमयःकोः स्यालःओ काम् “गत स्याव्ओ आने” त दाय्ह्ती परमेस्वर्कायः ल्हाक्ती छ्यानःसालेः खेःइतो। ओउःमयःकोः कुरा नीङ्इ म्रोताक्तीलेः जाङ्ह्तेःनानी त खेःया ओउःमयःकोः काम्पाय् लीःताक्सा काम्पाय् खेःल हाःताक्सा लेःआः बा। ओउःमयःकोः काम् नीङ्इ लीःताक्तेःचानी त खेःया नीङ्कायः दोह्मा पेतो स्याव्ल।
ကြော်ငြာတွေ