लुका 12:32 - चेपाङ32 लौ ङाइ स्यालःओ मान्तालम्य ओउःकोः राजीकोः पेओ थोक्लम्पाय् परमेस्वर् आपाइ बयःसा आन झाक्लेःनाः। အခန်းကိုကြည့်ပါ။ |
लुका 12:32
30 ပူးပေါင်းရင်းမြစ်များ
ओउःत तोतोक् बेलाहाङःपाय् येसुकायः परमेस्वर्कोः ग्वालामःइ दोःती आन चोङाय्ताक्आथै। येसुपाय् एत चोङाय्तो स्याव्ती “लौ परमेस्वर् आपाय नाङ्पाय् ल्हाव्ह्दैबाङ् फेल्बाङ्कोः राजा लेःतेःआः ङाकोः कुरापाय् नाङ्इ व्हाय्ती चीःओ मान्तालम्खेकायः छ्यान्ह्माःत इ मीओ व्हाय्आक्मालो मान्तालम्खेकायः ह छ्यान्ह्तेःआकान् ओउःत हायःओपाय् नाङ्कोः लयः झाक्ओ कुरा लेःआः बा। ओउःत झ्यान्ते नाङ्कायः ङाइ आन ‘च्युता’ त लुङ्तीलेः तोनेःनाङ्।
ङाइ नीङ्कायः पेतो स्यान्नेःआलाङ्स त झ्यान्ते नीङ् लःलयःकायः साहीनीङ्सी लयःकोः येसुकायः ङ्हाम्ओ पुःचोङ्लम् हौचोङ्लम्कायः लव्ह्ती ओम्पायःती गम्नु दा। ओउःमयःकायः योसाकायः परमेस्वर्कोः ग्वालामःइ बयःतेःआकाय्। ओहाङःसैको लयःकायः ङ्हाम्ओलम्कायः येसुइ क्ल्याय्ओ सीङःहाङः ल्हाङःती लयःकोः वयः बयःआकान् ओउःत झ्यान्ते प्रभुकोः मान्तालम् पेतो योती साहीती मुन दा। इ ङाइ तोओ कुरा सुइमा म्हेःलाम्।
लयःकोः म्हुक्ओ ल्हुङ्इ ह मान्ताइ परमेस्वर्कायः तय्ह्सा खाय्नीली दोह् हायःती दाय्ह्सा परमेस्वर् पेतो चीःती लयः झाक्ती झ्यान्ते दोह् थोल्ह्ती कुरालो ङ्हाम्सा ग्यामालोलम्खेइ “भ्यामःती नोःओ” त तोनानी ओउः कुराकायःलेः ग्याती ङ्हाम्आक्तीको ओउः ङ्हाम्ओ मान्तालम्खे दल्तो स्याव्नै।
ओउःत खेःओ “गतलो पेतो वाह्साकायः ओउःइ गोत्तेःआकाय् ओउःतलेः वाह्पनै” त दाय्ह्ती नीङ्कायः परमेस्वर्कः गलमा तेती तोमानाङःसु। “लौ परमेस्वर्य ओउःमयः पेतो झाक्ओ कुरालम्मा ङ्हाम्ती जाङ्ह्सा पेओ काम्लम्मा नाङ्कोः ग्वम् दोःती दप्तोलेः जाङ्ह्पानानी” त दाय्ह्तीमा नीङ्कायः ङाइ परमेस्वर्कः तेती तोनेःनाङ्स।
ကြော်ငြာတွေ