लुका 11:34 - चेपाङ34 फेरी नीङ्कोः ल्हुङ्कायः थोङ्ताक्ओपाय् मीक् लेःआः बा। नीङ्कोः मीक् धेस्लेःनाः त खेःया नीङ्कोः ल्हुङ् थोङ्तोलेः स्याव्नाः। नीङ्कोः मीक् धेस्ल त खेःया नीङ्कोः ल्हुङ् पेमालो च्याक्तोलेः स्याव्नाः। အခန်းကိုကြည့်ပါ။ |
लुका 11:34
28 ပူးပေါင်းရင်းမြစ်များ
लौ द्याह् नाङ्कायः परमेस्वर्इ न्युम्ह्ताक्तेःनाः। नाङ्कोः मीक्पाय् नाःतो दीन्कायः राक्ताक्लेःनाः थोङ्ओमा च्यवःतेःउलु” त दाय्ह्ती सावुल्इ एलीमस्कायः तोआथै। सावुल् त तोओकोः अरु मय्ङ् पावुल् खेःतो। ओहाङःसैको एत तोओ कुस्ब्रक्त बार्येसुकोः मीक् गाल्तो च्याक्धबलप्त स्याव्माआ ओउःपाय् साम्भार्ती याम्भार्ती वाह्ती क्रुत् ज्योती लात्सा मान्ताकायः बोङःआकान्।
ओहाङःसैको दीन्का दीन् ओउःमयः ब्राङ्ती परमेस्वर्कोः मन्दीर्ताङ् आल्इतो लःलयःकोः कीम्लम्हाङः हुम्ती लाङ् फन्ह्ती म्रोती जेःनीतो परमेस्वर्कायः लुङ्ती तोती मुओ खेःइतो। ओउःमयःइ तोओ कुरा नाःतो मान्तालम्इ म्रोती सायःनीतो दीन्का दीन् प्रभुइ अरु ङ्हाम्ओ मान्तालम् दल्ताक्ती ओउःमयःकःताङ् पाःती त्योम्ताक्आकान्।
ओहाङःसैको ल्होक्आक्तीको यहुदी खेःमालो जात्लम्कःताङ् आल्ती ओउःमयःकायः मीक् दोङ्ह्तोलेः ल्हुङ् थोङ्ताक्ती तोआक्तीको ओउःमयःइ सैतान्कोः रेव्ओ काम् फेती परमेस्वर्कोः पेओ काम् जाङ्ह्चानी। ओउःत हायःती ङाकोः कुरा ङ्हाम्ती ओउःमयःकोः रेव्झ्याङ्कोः क्युम्ह्ती वाय्आक्तीको ओउःमयः परमेस्वर्कोः छय्ङ्ओ मान्ताले स्याव्चै। इ कुरा तोती स्यान्साकायः नाङ्कायः ङाइ छ्युङ्ह्ती तोती ल्होक्नेःनाङ्’ त दाय्ह्ती प्रभु येसुइ तोआताङः।
ल्हाव्ह्दैबाङ्हाङः ङीपाय् दोङ् नीङ्तो रेव्मालो ल्हुङ्इ पेतो हायःती वाह्आलाङी। नीङ्कःहाङःमा ङी न्हाङ्तोलेः ओउःत पेतो हायःलाङ् वाह्आलाङी। ओउःत वाह्ओ बेलाहाङःपाय् ङीकोः व्हाय्तो चीःओपाय् मान्ताकःसै दोःओ खेःल परमेस्वर्कःसै दोःओ लेःआः बा। ओउःत झ्यान्ते ङी ल्हुङ्हाङः ङाःतीलेः नोःसा खाय्नाङःसु।
ကြော်ငြာတွေ