लुका 11:15 - चेपाङ

¹⁵ कोय् मान्‍तालम्‌खे ग्‍याङ्‌ह्आकाय् अरुलम्‌खे “इ येसुकायः बाल्‌जीबुल् त तोओ लान्‌कोः राजाइ बास्आथै रैस ओउःत झ्‍यान्‍ते ओउःकोः ग्‍वम्इ येसुइ अरु लान्‌लम्‌कायः ल्‍हेस्‌ती वाय्‌सा खाय्‌नौ” त दाय्‍ह्‌ती लयःमयःकुस् नोःकाय्आकाय्।

लुका 11:15 ပူးပေါင်းရင်းမြစ်များ

मत्ती 10:25

स्‍यान्ओ मान्‍तापाय् लयःकोः गुरुकुस् घार्‌तोलेः चीःसा ह स्‍याव्‌लेःनाः। काम् जाङ्‌ह्ओ मान्‍तापाय् लयःकोः मालीक्‌कुस् घार्‌तीमा ओउः ह ङोस्आनाः। दोङ्‌सीलेः मान्‍तालम्इ ङा नीङ्‌कोः गुरुकायःपाय् ‘लान्‌कोः राजा लेःआः’ त दाय्‍ह्‌ती तोनाःताङः ओउःत खेःया नीङ् ङाकुस् स्‍यान्ओमयःकायःमा न्‍हाङ्‌तोलेः रेव्‌तो तोतेःनै बा।

मत्ती 12:22

ओहाङःसैको यात्‌चाक् लान्इ ङायःओ च्‍यवःसामा नोःसामा खाय्‌मालो मान्‍ता येसुकःताङ् वानःआकानी। वानःआक्‌तीको येसुइ ओउःकायः स्‍याक्‌ताक्आथै ओहाङःसै स्‍याक्‌ताक्आक्‌तीको ओउः मान्‍ता नोःसामा च्‍यवःसामा खाय्ओ खेःतो।

मत्ती 4:24

ओउःत वाह्‌तोक्‌हाङः येसुकोः कुरा सीरीया देस्‌हाङःमा सबै मान्‍तालम्इ ल्‍हाक्‌ती नोःकाय्‌ती झ्‍यान्‍ते ओउःकःताङ् नाःतो जीक्ओलम् वाह्‌सा खाय्‌मालोलम् लान्इ ङायःओलम्‌कायःमा वानःआकानी।

मत्ती 9:34

ओउः फरीसीलम्‌खे “येसुपाय् लान्‌कोः राजाइ बास्ओआः त खेःओ लान्इ ल्‍हेस्‌सा खाय्‌नौ” त दाय्‍ह्‌ती नोःआकाय्।

युहना 10:20

“लौ ओउःकायःपाय् लान्इ आन ब्रःताक्ओ लेःआः बा। ओउःकोः कुरा सायःलाम्” त यात्‌नीस् दाय्‍ह्‌ती

युहना 7:20

“खेःल नाङ्‌कायः लान्इ ङायःती ब्रःताक्‌तेःनाः बा। सुसुइ नाङ्‌कायः सात्‌सा बोङःतेःचनै र” त दाय्‍ह्‌ती ओउः हुम्‌ती मुओलम् त्‍याङ्आकाय्।

युहना 8:48

“लौ ङीइ दोङ्‌सीलेः ‘नाङ्‌पाय् समारीया देस्‌सै वाङ्ओ स्‍यो लेःतेःआः’ त दाय्‍ह्‌ती तोनेःनाङ्‌सतो ‘नाङ्‌कायः लान्इ ब्रःताक्‌तेःआ’ तमा तोनेःनाङ्‌सतो” त दाय्‍ह्‌ती ओउः यहुदीलम्इ तोआथै।

युहना 8:52

येसुइ ओउःत तोओ सायःआक्‌तीको “लौ द्याह् नाङ्‌कायः ‘लान्इ ब्रःताक्‌तेःआ’ त दोङ्‌सीलेः चीःनेःनाङ्‌सु बा। आब्राहाम्‌मा सीओ लेःआः ओउः परमेस्‍वर्‌कोः कुरा छ्यानःओमयःमा सीओ लेःआः बा। दोह् हायःतीतेः ‘लौ सुसुइ ङाइ तोओ कुराकः ग्‍याती मुचै ओउःलेः गलमा सीतो स्‍याव्इली’ त नाङ्इ तोतेःनौ रैस।