लुका 10:42 - चेपाङ42 नाङ् नाःतो काम्कायः ल्हुङ् रुःतेःतो यात्ज्याङ् काम् ह जाङ्ह्सालेः खेःतो। इ जाङ्ह्सा खेःओ काम्पाय् नाङ्कोः मरीयम् हौद्याङ् द्याह् जाङ्ह्धैलेः मुनाः। ओउः पेतो काम् जाङ्ह्साकायः मरीयम्कायः फेताक्ङल” त दाय्ह्ती प्रभु येसुइ मार्थाकायः तोआकान्। အခန်းကိုကြည့်ပါ။ |
लुका 10:42
36 ပူးပေါင်းရင်းမြစ်များ
ओहाङःसैको यात् दीन्हाङः येसुइ परमेस्वर्कायः तेती तोओलेः मुओ खेःतो। ओउःत तोती द्योक्आक्तीको यात्चाक् ओउःकुस् वाह्ओमयः येसुकःताङ् वाङ्ती “लौ बाप्तीस्मा बयःओ युहनाइ लयःकुस् वाह्ओमयःकायःपाय् ‘प्रभु परमेस्वर्कायः इत तेती तोसा स्याव्नाः’ त स्यान्आथास। युहनालो लेखालेः नाङ्इमा परमेस्वर्कायः गत तेती तोसा त ङीकायःमा स्यान्ताङी दा” त दाय्ह्ती ओउःमयः येसुकः तेआकाय्।
नीङ्कोः ल्हाव्ह्दैबाङ्कोः थोक्लम् माल्ताल्लम् वीनःती ओउःकोः मोल्कोः पैसालम् नाःतो नाःमालो मान्तालम्कायः बयःनु दा। ओउःत हायःतीलेः नीङ्कायः लाङ्काहाङः परमेस्वर्इ लोनेः न्हाङ्तोलेः नाःतो बयःतेःनै बा। ओहाङःसै ओउःहाङःकोः थोक्लम्पाय् गलमा ह्र्योल गलमा मीह्ल। ओहाङःपाय् सुमा कुःलाङ् वाङ्इली घुन्इमा दोह्इमा माक्ती वाय्उलु।
“लौ नाङ्इ यातै कुरा ह जाङ्ह्तेःधाङ्तेःउलु। नाङ् नाःओ गह्र्पाय् दोह् गुच्युक् मुलेःनाः ओउःच्युक्लेः जुदालेः वीनःउ दा। वीनःआक्तीको ओउःकोः मोल्कोः पैसापाय् जेःसा दोःमालो ह्र्यात्लम्कायः वेःती बयःउसु ओहाङःसैको सबै फेती ङाकुस् वाह्अ। ओउःत हायःआक्तीको लाङ्काहाङः नाङ्पाय् आनतेः दोःतेःनाः बा” त दाय्ह्ती येसुइ तोआथै।
लौ परमेस्वर्कोः कुरा पेतो ङ्हाम्तीलेः सायःनु दा। सुसुखे इ कुरा ल्हुङ्हाङः सेती गम्ती नाःतोपाय् नाःलेःनै ओउःकायःलेः न्हाङ्तोलेः बयःनाःथास। सुसुखेकुस् नाःतो नाःमाःत मुलेःनै ओउःकोः दोह् दोह् कुरापाय् ‘इच्युक्लेः नाःआलाङः’ त म्हर्ती लयःकायः ताःचाःइसी ओउःलेः सबै लाती आल्नाः” त दाय्ह्ती येसुइ तोआथास।
लौ इ ल्हाव्ह्दैबाङ्कोः जेःगालम् सय्ङ्ती ल्ह्योह्ती वाय्नाः ओउः जेःगाखेकायः केलःती काम् जाङ्ह्माःत ओउः गलमा द्योक्मालो रौ जीङः दोःताक्सा जेःगाखेकायः काम् जाङ्ह्नु। इ जेःगापाय् ङा मान्ताकोः चोः त तोओइ बयःनेःनाङ्स। एत हायःसाकायः ङाकोः परमेस्वर् आपाइ ङाकायः दोक्तीलेः गम्आताङः बा” त दाय्ह्ती येसुइ तोआकान्।
ကြော်ငြာတွေ