लुका 10:39 - चेपाङ

³⁹ कीम्‌हाङः रोम्‌ती गम्आक्‌तीको कीम् पोक्आक्‌तीको येसुइ कीम्‌कोः मान्‍तालम्‌कायः स्‍यान्‌ती मुओ खेःतो। स्‍यान्‌ती मुतोक्‌हाङः मार्‌थाकोः हौद्याङ् मरीयम् त तोओ प्रभु येसु द्याङ्‌तो च्‍युङःती ओउःइ स्‍यान्ओ कुरापाय् सायःती मुओ खेःतो।

लुका 10:39 ပူးပေါင်းရင်းမြစ်များ

लुका 10:42

नाङ् नाःतो काम्‌कायः ल्‍हुङ् रुःतेःतो यात्‌ज्‍याङ् काम् ह जाङ्‌ह्‌सालेः खेःतो। इ जाङ्‌ह्‌सा खेःओ काम्‌पाय् नाङ्‌कोः मरीयम् हौद्याङ् द्याह् जाङ्‌ह्‌धैलेः मुनाः। ओउः पेतो काम् जाङ्‌ह्‌साकायः मरीयम्‌कायः फेताक्‌ङल” त दाय्‍ह्‌ती प्रभु येसुइ मार्‌थाकायः तोआकान्।

लुका 2:46

सुम् दीन् पुत्आक्‌तीकोलेः ओउःनीस्इ येसुकायः परमेस्‍वर्‌कोः मन्‍दीर्‌हाङः च्‍यवःआकाचु। ओहाङः येसु धर्‌मा स्‍यान्ओमयःकुस् मुती ओउःमयःइ स्‍यान्ओ कुरा सायःतीमा मुओ ओउःमयःकायः व्‍हत्‌तीमा मुओ खेःतो।

लुका 8:35

ओउःमयःइ छ्यानःओ कुरा सायःती ओहाङःकोः मान्‍तालम् येसुकःताङ् योलाङ् वाङ्आकाय्। वाङ्आक्‌तीको ओउः लान्‌लम्इ ङ्‌हा फेओ मान्‍तापाय् येसुकोः दोम्‌हाङः च्‍युङःती द्याह् सोह् खेःमाःत नाय् लावओमा सेलः मुओमा च्‍यवःआकानी। इत च्‍यवःतीलेः ओउः योलाङ् वाङ्ओलम्‌पाय् रैआकाय्।

युहना 11:1

ओहाङःसैको बेथानी त तोओ गाव्‌हाङः यात्‌चाक् लाजरुस् त तोओ जीक्‌ती मुओलेः खेःतो। ओउःकोः हौद्याङ्‌नीस् मरीयम् त तोओमा मार्‌था त तोओमा बेथानी गाव्‌हाङः याक्ओ खेःचतो।

युहना 11:19

फेरी यरुसालेम्‌सै नाःतो यहुदीलम् मार्‌था मरीयम् नीस् नाःचाःकायः ल्‍हुङ् द्युमःताक्‌सा तोलाङ् वाङ्आकाय्।

युहना 12:3

मार्‌थाखेइ आम्‍ह् बोथासतो ओउःकोः हौद्याङ् मरीयम्‌खेइ आन महङ्‌गो पेतो सय्‍ङ्ओ साती वानःती येसुकायः दोम् ल्‍यानःआथै। ओउःकोः दोम् ल्‍यानःआक्‌तीको मरीयम्इ लयःकोः म्‍याङ्इ ओउःकोः दोम्‌सै साती थ्‍युर्‌आथै। थ्‍युर्‌तोक्‌हाङः ओउः कीम् तोमःती आन पेतो सय्‍ङ्आ।

खबरदुत 22:3

ओहाङःसैको पावुल् फेरीलेः नोःती “लौ ङापाय् सीलीसीया जील्‍लाकोः तार्‌सुस् सहर्‌हाङः ओत्ओ यहुदी मान्‍ता लेःआः ङ। लोन्‍ते इ यरुसालेम् सहर्‌ताङ् वाङ्‌ती ङाइ गामालीएल् त तोओ मास्‍तर्‌कःहाङः ङीकोः आय्‌कानः तोकानःइ जवओ ऐन् पेतो स्‍यान्आलाङःस। नीङ्‌लो लेखा ङाइ परमेस्‍वर्‌कोः कुरा जाङ्‌ह्ओ आन पेतोलेः झाक्‌ती जाङ्‌ह्आलाङः।