लुका 10:28 - चेपाङ

²⁸ “नाङ्इ चीःतोलेःतेः त्‍याङ्‌तेःआ रैस। ओउःत हायःसा नाङ्इ जाङ्‌ह्‌तेःनौ त खेःया नाङ् गलमा द्योक्‌मालो जीङः दोःतेःनाः बा” त दाय्‍ह्‌ती येसुइ तोआथै।

लुका 10:28 ပူးပေါင်းရင်းမြစ်များ

मत्ती 19:17

“दोह् हायःतीतेः ङाकायःपाय् ‘पेओ काम् दोह्‌लो’ ततेः व्‍हत्‌तेःनाःची। यातैज्‍याङ् परमेस्‍वर्‌कायः ह ‘पेओ लेःआः’ त तोसा खेःनाः। लौ नाङ् रौ जीङः दोःसा झाक्‌तेःनाः त खेःया परमेस्‍वर्‌इ उय्‍ह्‌लेहाङः गानाक्‌ती बयःओ कुरा सायःती जाङ्‌ह्उदा” त दाय्‍ह्‌ती येसु त्‍याङ्आ

मर्‌कस् 12:34

ओहाङःसैको ओउः मान्‍ता इत व्‍हाय्‌तोलेः दाय्‍ह्ओ सायःती “लौ नाङ्‌पाय् परमेस्‍वर्‌कोः राजीताङ् दाह्‌खेःतेःनाः बा” त दाय्‍ह्‌ती येसुइ तोआथै। ओउःत तोओ सायःआक्‌तीको अरु सुइमा येसुकायः व्‍हत्‌ती नोःसा ग्‍याइली।

लुका 7:43

“सुखेकायः नाःतो रीन् फेती वाय्ओ खेःतो ओउःपाय् अरुसै साहुकः झाह्‌ती मुलेःनाः माःर” त दाय्‍ह्‌ती सीमोन् त्‍याङ्आ। “माः नाङ्इ चीःतीलेःतेः त्‍याङ्‌तेःआ रैस” त दाय्‍ह्‌ती तोती

रोमी 10:4

ओउःत हायःसा स्‍याव्‌ल दोह् हायःती दाय्‍ह्‌सा ख्रीस्इपाय् ओउः ऐन्‌कोः कुरा दप्‌ती द्युम्‌ताक्आकान्। द्याह् ख्रीस्‌कोः कुरा ङ्‌हाम्आक्‌तीको ह मान्‍ताइ परमेस्‍वर्‌कोः मीक्‌हाङः पेतो स्‍याक्‌सा खाय्‌नानी।

रोमी 3:19

ओहाङःसैको ओउः आखरःहाङः लेखओ ऐन्‌कोः कुरापाय् सबै ऐन् सायःओ मान्‍तालम्‌कायः स्‍याव्‌लेःनाः एत चीःनाःतय्‍ह्‌नी। माः रैस ऐन्‌कोः कुरा चीःती झ्‍यान्‍ते द्याह्‌हाङःसै सुइमा “लौ ङाइ रेव्ओ काम्‌पाय् दोह्‌मा हायःङल” त तोसा खाय्‌नीली सबै ल्‍हाव्‍ह्‌दैबाङ्‌कोः मान्‍तालम्‌कायः परमेस्‍वर्‌इ गाल्‌तुम्‌ती तोसा खाय्‌नौ।

रोमी 7:10

ओहाङःसैको ङाखे सीसा खेःओ मान्‍ता स्‍याव्आलाङः। एतलेः ओउः जीङः बयःसा खेःओ ऐन्इपाय् जीङःखेपाय् वानःओ खेःल सीताक्‌साखे वानःआकान्।

गालाती 3:12

ऐन्‌कोः कुरापाय् ङ्‌हाम्ओ कुरा खेःल ऐन्‌कोः कुरापाय् जाङ्‌ह्‌सा खेःओ कुरा लेःआः। “सुसुइ ऐन्‌कोः कुरा जुगाङ् जाङ्‌ह्‌लेःनौ ओउःपाय् जीङः दोःनै” त दाय्‍ह्ओमा आखरःहाङः लेखती मुनाः।