लुका 10:27 - चेपाङ

²⁷ “ ‘नाङ्‌कोः प्रभु परमेस्‍वर्‌कायः नाङ्इ दोङ् झाह्ओ क्रोङ्ओ ग्‍याओ ल्‍हुङ्इ वाय्‍क्‌तोलेः राप्‌नु दा’ त दाय्‍ह्ओमा ऐन्‌हाङः मुनाः फेरी ‘नाङ्‌कोः ब्रेङःकाय्‌ती याक्ओ मान्‍तालम्‌कायः लयःकायःलो धेःती राप्‌ती स्‍यास्उ’ त दाय्‍ह्ओमा मुलेःनाः” त दाय्‍ह्‌ती ओउः मान्‍ता त्‍याङ्आ।

लुका 10:27 ပူးပေါင်းရင်းမြစ်များ

मत्ती 19:19

लयःकोः आमा आपाइ तोओ कुरा पेतो वाय्‍क्‌तोलेः जाङ्‌ह्उ। नाङ्‌कुस् ब्रेङःकाय्‌ती याक्ओ मान्‍तालम्‌कायः लयःकायःच्‍युक् राप्‌ती स्‍यास्उ” त दाय्‍ह्‌ती येसु त्‍याङ्आ।

लुका 10:26

“लौ नाङ्इ परमेस्‍वर्‌कोः ऐन् पह्रओ बेलाहाङः दोह् दोह् स्‍यान्‌तेःआकास” त येसु दाय्‍ह्‌ती

रोमी 13:9

ओउः ऐन्‌कोः हुकुम्‌पाय् इलेःआः। अरुकोः बुधीकुस् एनःलाम् अरुकायः सात्‌लाम् अरुकोः थोक्‌लम् कुःलाम् मीक् ल्‍हह्‌लाम्। इ हुकुम्‌मा सबै अरु हुकुम्‌लम्‌मा यातैज्‍योः हुकुम्‌हाङः तोसा खाय्ओलेः “लयःकुस् ब्राङ्‌काय्‌ती याक्ओ मान्‍ताकायः लयःकायःच्‍युक् राप्‌ती स्‍यास्उ” त दाय्‍ह्ओ ओउः हुकुम्‌लेः मुनाः।

गालाती 5:13

लौ पुःचोङ् हौचोङ्‌य ओउः ऐन् जाङ्‌ह्ओ फेसाकायः परमेस्‍वर्‌इ गोत्‌तेःआकाय्। ओहाङःसैको ओउः ऐन् फेसापाय् फेताक्‌तेःआकाय् ओउःत स्‍याव्आक्‌तीको लयःकोः ल्‍हुङ्‌कोः पेमालो मोह्‌हाय्ओ कुरा जाङ्‌ह्‌माःत अरुकायः राप्‌ती पेओ काम् जाङ्‌ह्‌नु दा।

हेब्रैनी 8:10

“द्याह् ओउः वाङ्‌सा खेःओ दीन्‌लम्‌हाङः ओउः इस्राएल् त तोओलम्‌कुस् इ नया कुरा होम्‌काय्‌ती गम्‌नाङः ङाकोः हुकुम्‌लम्‌पाय् ओउःमयः ल्‍हुङ्‌तुक्‌हाङः सेती गम्‌ताक्‌लेःनाङःसु। ङापाय् ओउःमयःकोः परमेस्‍वर्‌लेः स्‍याव्‌नाङः ओउःमयःपाय् ङाकोः मान्‍तालेः स्‍याव्‌नै।

याकुब् 2:8

परमेस्‍वर्‌कोः राजीकोः नीयम् आखरःहाङः इलेः लेखती मुनाः “नाङ्‌कोः लयःकोः वेङ्‌ह्‌ग चेङ्‌ह्‌गकोः मान्‍तालम्‌कायः लयःकायः धेःती राप्‌ती स्‍यास्‌सा खेःतो” त दाय्‍ह्ओ मुलेःनाः। ओउः नीयम् नीङ्इ जाङ्‌ह्‌तेःनानी त खेःया ओउःखे पेलेःनाः।

१ युहना 3:18

लौ हौलम्‌य ङीइ नाःमालो हौकायः योती “लौ ङाकोः हौकायः आन राप्‌नाङः” त तोती दोह्‌मा बयःसा ग्‍यामालो मुचाःतय्‍ही त खेःया ओउःपाय् स्‍याव्‌ल। दोह्‌त नीङ्इ लेइ नोःतेःनै ओउःतलेः क्रुत्इमा जाङ्‌ह्‌सा खेःतो।