लुका 10:22 - चेपाङ

²² ङाकोः परमेस्‍वर्‌ आपाइ सबै कुरालेः स्‍यान्‌साकायःमा जाङ्‌ह्‌साकायःमा बयःआताङः। चोःकायः आपाइ ह तय्‍ह्‌नाःथै ओउः चोःइ ह परमेस्‍वर्‌ आपाकायः तय्‍ह्‌नौ। अरुइ आपाकायःमा चोःकायःमा तय्‍ह्‌नीली। सुसुखेकायः ओउः चोःइ लयः झाक्‌ती छ्यानःनाःथास ओउः मान्‍तालम्इ ह परमेस्‍वर्‌ आपाकायः तय्‍ह्‌नानी” त दाय्‍ह्‌ती येसु दाय्‍ह्आ।

लुका 10:22 ပူးပေါင်းရင်းမြစ်များ

मत्ती 11:25

ओहाङःसैको ओउः बेलाहाङः येसुइ परमेस्‍वर्‌ आपाकायः ताङ्‌ह्‌ताक्‌ती तोआकान् “लौ परमेस्‍वर्‌ आपाय नाङ् फेल्‌बाङ् ल्‍हाव्‍ह्‌दैबाङ्‌कोः प्रभुलेः ङाइ तोओ कुरापाय् व्‍हाय्‌तो चीःओ मान्‍तालम्‌कायः छ्यान्‍ह्‌माःत इलो खेःओ मीओलम्‌कायः ह नाङ्इ लयः झाक्‌तीलेः छ्यान्‍ह्‌तेःआकान्।

मत्ती 11:27

ङाकोः परमेस्‍वर्‌ आपाइ सबै कुरालेः स्‍यान्‌साकायःमा जाङ्‌ह्‌साकायःमा बयःआताङः। चोःकायःपाय् आपाइ ह तय्‍ह्‌नाःथै चोःइमा ह आपाकायः तय्‍ह्‌नौ। अरुइ आपाकायःमा चोःकायःमा तय्‍ह्‌नीली सुसुखेकायः चोःइ छ्यानःआथै ओउः मान्‍ताइ ह परमेस्‍वर्‌ आपाकायः तय्‍ह्‌नानी।

मत्ती 28:18

फेरी येसु वाङ्‌ती “लौ द्याह्‌पाय् लाङ्‌काहाङःमा ल्‍हाव्‍ह्‌दैबाङ्‌हाङःमा सबै जाङ्‌ह्‌सा खाय्ओ ग्‍वम्‌पाय् ङाकायः बयःओ लेःआः।

युहना 1:18

परमेस्‍वर्‌कायः सुइमा च्‍यवःनीली ओउःकोः यातैज्‍योः गोय्‌चोःइलेः ह लयः आपाकुस् द्याङ्‌तो मुती ओउः आपाकायः मान्‍ताकःताङ् छ्यानःआथै।

युहना 13:3

येसुखेइ “लौ ङाकायःपाय् ङाकोः आपाइ सबै ग्‍वम् बयःओआः बा। ङा ओउःकःसै वाङ्ओ लेःआः ङ ओउःकःताङ् पाय्‍ह्‌सा” त चीःआकास।

युहना 17:10

नाङ्इ बयःओलम् नाङ्‌कोः लेःआः ङाकोःपाय् जुदालेः नाङ्‌कोः लेःआः नाङ्‌कोःमा जुदालेः ङाकोःआः। फेरी ओउःमयःइ ङाकायः ताङ्‌ह्‌ताक्‌नाःताङः।

युहना 17:2

नाङ्‌कोः चोःकायःपाय् सबै मान्‍तालम् रौ जीङः दोःताक्‌सा ग्‍वम् बयःतेःआकान्। ओहाङःसै सुसु चोःकायः बयःतेःआकान् ओउःकायःलेः ओउःइ रौ जीङः दोःताक्‌नाःथास।

युहना 17:26

ओउःमयःकायः नाङ्‌कोः कुरा ङाइ छ्यानःआलाङःसु लोनेमा छ्यानःलेःनाङःसु। ओहाङःसैको गतलो नाङ्इ ङाकायः राप्‌तेःनाःची ओउःतलेः ओउःमयःकोः राप्ओ ल्‍हुङ् मुपै। ओहाङःसै ङा ओउःमयःकुस् ब्राङ्‌नाङी” त दाय्‍ह्‌ती येसुइ परमेस्‍वर्‌ आपाकः तेती तोआकान्।

युहना 17:5

द्याह् ङा ङ्‌हासै ल्‍हाव्‍ह्‌दैबाङ् जाङ्‌ह्‌धाङ्‌माःखाकोः नाङ्‌कुस् मुओ बेलाहाङःलो लेखालेः द्याह् ङाकायः ताङ्‌ह्‌ताक्‌ची दा।

युहना 3:35

परमेस्‍वर्‌ आपाइ लयःकोः चोः राप्‌ती झ्‍यान्‍ते ओउःकायः जाङ्‌ह्‌सा ग्‍वम्‌मा दोह्‌मा सबै बयःआकान्।

१ कोरीन्‍थी 15:24

ओहाङःसैको ओउः द्युम्ओ बेलाहाङः वाङ्‌नाः। ओउःतोक्‌हाङः सबै राजालम्‌कायःमा हुकुम् बयःओलम् ग्‍वम्‌लम्‌कायःमा ख्रीस्इपाय् क्‍लीमःनौ। क्‍लीमःआक्‌तीको ओउःकोः राजी ख्रीस्इपाय् लयःकोः परमेस्‍वर्‌ आपाकायः ल्‍हानौ।

२ कोरीन्‍थी 4:6

परमेस्‍वर्‌इलेः “लौ च्‍याक्ओहाङः थोङ्‌तो स्‍याव्‌पाः” त दाय्‍ह्‌ती तोओआः बा ओउः परमेस्‍वर्‌इपाय् ङीकोः ल्‍हुङ्‌मा थोङ्‌ताक्आताङी। ओहाङःसैको ओउः थोङ्ओपाय् येसु ख्रीस्‌कोः खेन्‌सै वाङ्‌ती परमेस्‍वर्‌ गुच्‍युक् पेओमा ताङ्‌ह्ओमा त चीःताक्‌नाःताङी।

एफेसस् 1:21

ओहाङः ख्रीस्‌पाय् सबै द्यव्‌तालम्‌सै पुःमानाः सबै राजालम् प्रभुलम् तेन्‌छ्याङ्‌कोः हुकुम् बयःओलम्‌मा लोनेकोः हुकुम् बयःओलम्‌मा इ सबैकायः ख्रीस्‌पाय् पुःलेःनाः बा।

१ युहना 5:20

फेरी परमेस्‍वर्‌कोः चोः वाङ्‌ती ङीकायः व्‍हाय्‌ताक्आतय्‍ही ओहाङःसै ङीइ दोङ् परमेस्‍वर्‌कायः तय्‍ह्‌सा खाय्‌नाःतय्‍ह्‌नी। ओउःतलेः चीःनाःतय्‍ह्‌नी फेरी ङीपाय् ओउः दोङ् परमेस्‍वर्‌कुस्‌लेः ओउःकोः चोः येसु ख्रीस्‌कुस् मुनाःतय्‍ही। ओउःपाय् दोङ् परमेस्‍वर्‌ लेःआः ओउःइ गलमा द्युम्‌मालो रौ जीङः बयःनौ बा।

२ युहना 1:9

सुसुखेइ येसुकोः स्‍यान्‌राय्‌कुस् अरु थे कुरा स्‍यान्‌ती तोचानी ओउःलेः परमेस्‍वर्‌कोः ल्‍हुङ्‌तुक् चीःनीली। ख्रीस्‌कोः स्‍यान्‌राय् झुङ्आले स्‍यान्ओमयःखेपाय् ओउःमयःइ परमेस्‍वर्‌ आपाकोः ल्‍हुङ्‌तुक्‌मा चीःनानी चोःकोः ल्‍हुङ्‌तुक्‌मा चीःनानी।