लुका 10:2 - चेपाङ2 ल्होक्तोक् बेलाहाङः “लौ राङ्हाङः भुङ्ह्ती मीन्ओ सायःलो लेखालेः ङाकःताङ् वाङ्सा खेःओ मान्तालम् नाःतोलेः मुइतो ओउःमयःकायः ङाकःताङ् त्युम्ह्ती वानःसा मान्तालम्पाय् नाःतो नाःइली ओउःत झ्यान्ते ‘अ प्रभुय वानःसा मान्तालम्पाय् ल्होक्चाक्उ दा’ त दाय्ह्ती परमेस्वर्कायः तेती तोनु दा” त दाय्ह्ती येसुइ लयः छ्युङ्ह्ओ मान्तालम्कायः तोती အခန်းကိုကြည့်ပါ။ |
लुका 10:2
48 ပူးပေါင်းရင်းမြစ်များ
ङाइ तोओ कुरा इलो लेखा मुनाः। लोक्तो थोयःती वाह्तोक्हाङः यात्चाक्इ लयःकोः नोकरीलम्कायः स्योताङ् स्योताङ् काम् बयःनाःथास ‘लौ ङाकोः रम्ह्गहाङः इ काम्पाय् नाङ्कोःलेः’ त दाय्ह्ती बयःआथास। फेरी कीम् ल्युङ्ह्सा मान्ताकायः ‘लौ ङाकोः कीम् पेतो योउ दा’ त दाय्ह्ती तोआक्तीको लोक्तोताङ् आल्नाः। ओउः ल्युङ्ह्ओ मान्ताइ न्हीदीङ्मा याह्दीङ्मा योसा खेःतो ओउःमयःकोः मालीक् ‘गलखा वाङ्नाः’ त चीःमाःत झ्यान्ते एत योसा खेःतो।
ओउःमयः परमेस्वर्कायः झाह्ती तोआकानी ओहाङःसैको स्तीफन्कायः सात्ओ बेलाहाङः अरु येसुकायः ङ्हाम्ओलम् रुनःधती क्रव्ती यात्नीस्खे फोनीस्या देस्ताङ् आल्आकाय्। अरुखे क्युप्रस् देस्ताङ्मा अन्तीयोक् देस्ताङ्मा आल्आकाय्। आल्तोक् बेलाहाङः ओउःमयःइ येसुकोः पेओ कुरा यहुदी जात्कोः मान्तालम्कायः झुङ्आले तोआकानी।
ङाइ नीङ्कायः पेतो स्यान्नेःआलाङ्स त झ्यान्ते नीङ् लःलयःकायः साहीनीङ्सी लयःकोः येसुकायः ङ्हाम्ओ पुःचोङ्लम् हौचोङ्लम्कायः लव्ह्ती ओम्पायःती गम्नु दा। ओउःमयःकायः योसाकायः परमेस्वर्कोः ग्वालामःइ बयःतेःआकाय्। ओहाङःसैको लयःकायः ङ्हाम्ओलम्कायः येसुइ क्ल्याय्ओ सीङःहाङः ल्हाङःती लयःकोः वयः बयःआकान् ओउःत झ्यान्ते प्रभुकोः मान्तालम् पेतो योती साहीती मुन दा। इ ङाइ तोओ कुरा सुइमा म्हेःलाम्।
ङ्हाम्ओलम्कायःपाय् परमेस्वर्इ मान्ता मान्ताकायः लःलयः जोक्कोः काम् बयःआकान्। ङ्हापाय् यात्नीस्चाक् परमेस्वर्इ छ्युङ्ह्ती ल्होक्ओ मान्ता लेःआः। ओहाङःसै अरुखे परमेस्वर्कोः कुरा छ्यानःओमयः लेःआः अरुलम् परमेस्वर्कोः कुरा स्यान्ओमयःलेः इ। ग्याङ्ह्राय् जाङ्ह्ओलम् जीक्ओ मान्ता स्याक्ताक्ओलम् लव्ह्ती बयःओलम् अरुकायः हुकुम् बयःओलम् थेथे भासा नोःओलम् इ सबै मुलेःनै।
ङामा लोने वाङ्सा बोङःनाङः द्याह् ङीकोः हौ एपाफ्रोदाय्तस् त तोओकायः नीङ्कःताङ् “द्यान्ह्ती ल्होक्सा खेःतो” त म्हर्आलाङः। ओउःकायः नीङ्इ ङाकःताङ् ल्होक्तेःआकानी ल्होक्आक्तीको ओउःइ पेतोलेः लव्ह्आताङः। ओहाङःसैको नीची नीस्चाक्इ ब्राङ्तोलेः परमेस्वर्कोः पेओ कुराकायः काम् जाङ्ह्माआलाङःचु त्यानःकाय्माआलाङःच।
लौ उया पुःचोङ् हौचोङ्य प्रभु येसुकोः पेओ नोःराय् नीङ्कःहाङः रेन्ह्तोलेः छालःओ खेःतो ओहाङःसै थोल्ह्ती तोधार्नालेः नीङ्इ पेतो ङ्हाम्तेःआकानी। ओउःत झ्यान्ते परमेस्वर्कः तेती तोतोक्हाङः “ङीकःहाङःलो लेखालेः चार् दोवाताङ् प्रभुकोः पेओ नोःराय् रेन्ह्तोलेः पेतो स्याव्पाः” त दाय्ह्तीमा ङीकोः काम् पेतो स्याव्साकायः तेन दा।
लौ ङीकुस् काम् जाङ्ह्ओ आन राप्ओ साथी फीलेमोन्य नाङ्कायःमा ङीकोः ख्रीस्कायः ङ्हाम्ओ हौद्याङ् अफीयामा ङीकुस् काम् जाङ्ह्ओ आर्खीपस्मा नाङ्कोः कीम्हाङः थनःती वाङ्ओ ङ्हाम्ओलम्कायःमा इ चेती ङा पावुल्इ येसु ख्रीस्कोः काम् जाङ्ह्साकायः थुनती मुओहाङः लेखती ल्होक्नेःनाङ्स। इ चेती ङीकोः ख्रीस्कायः ङ्हाम्ओ हौ तीमोथीइमा लेखती ल्होक्तेःनाः।
ကြော်ငြာတွေ