लुका 10:17 - चेपाङ

¹⁷ ओहाङःसैको ओउः बहत्तर्‌जन ल्‍होक्आक्‌तीको ओउःमयः आल्‌ती लोनेः आन चोङाय्‌ती चोङाय्‌तीलेः येसुकःताङ् द्यान्‍ह्‌ती वाङ्आकाय् “लौ प्रभुय नाङ्‌कोः मय्‍ङ् पेह्‌ती ङीइ लान्‌लम्‌कायःमा तोती ल्‍हेस्‌ती वाय्‌सा खाय्आलाङःसु” त दाय्‍ह्‌ती येसुकायः तोआथै

लुका 10:17 ပူးပေါင်းရင်းမြစ်များ

मत्ती 4:24

ओउःत वाह्‌तोक्‌हाङः येसुकोः कुरा सीरीया देस्‌हाङःमा सबै मान्‍तालम्इ ल्‍हाक्‌ती नोःकाय्‌ती झ्‍यान्‍ते ओउःकःताङ् नाःतो जीक्ओलम् वाह्‌सा खाय्‌मालोलम् लान्इ ङायःओलम्‌कायःमा वानःआकानी।

मर्‌कस् 16:17

ङाकोः कुरा ङ्‌हाम्ओ मान्‍तालम् पेतो जाङ्‌ह्‌सा खाय्‌नानी। ङाकोः मय्‍ङ् पेह्‌ती लान्‌लम्‌कायः ल्‍हेस्‌मानानी नया भासालम् नोःमानै रु चुम्ओमा बीस् तुङ्ओ त खेःया ओउःमयः सीमाइली। जीक्ओ मान्‍ताकायः क्रुत्इ दीन्‍ह्आक्‌तीको स्‍याक्‌ताक्‌मानानी” त दाय्‍ह्‌ती येसुइ थातोक्‌हाङःपाय् ओउः एघारजनकायः तोआकान्।

लुका 10:1

ओहाङःसैको येसुइ अरु बहत्तर्‌जन छ्युङ्‌ह्आकान्। छ्युङ्‌ह्आक्‌तीको ओउःमयःकायः येसुइ ओउःकोः ङ्‌हासै ओउः लयः दाह्‌सा खेःओ सहर्‌ सहर्‌ताङ् गाव् गाव्‌ताङ् नीःनीस्‌चाक् ल्‍होक्आथास।

लुका 10:20

लौ लान्‌लम्‌कायः नीङ्इ गानाक्‌ती तोसा खाय्‌तेःनानी त झ्‍यान्‍ते नीङ् द्याह् म्रोतेःइतो ओउःत हायःओसै लाङ्‌काहाङः नीङ्‌कोः मय्‍ङ् लेखती गम्ओ लेःआः त चीःसाकायःलेः न्‍हाङ्‌तोलेः म्रोतेःपै” त दाय्‍ह्‌ती येसुइ तोआकान्।

लुका 10:9

ओउःहाङः मुओ जीक्ओलम्‌कायःमा स्‍याक्‌ताक्‌नु फेरी ओउःमयःकायः स्‍यान्‌तोक् बेलाहाङः ‘लौ तेन्‌पाय् परमेस्‍वर्‌कोः राजीकोः कुरा नीङ् दोःतेःखेःतेःनै’ त दाय्‍ह्‌ती स्‍यान्‌ती तोनु।

लुका 9:1

ओहाङःसैको येसुइ लयः छ्युङ्‌ह्ओ बारजनलम्‌कायः गोत्‌ती वानःती ओउःमयःकायः जीक्ओलम्‌कायः स्‍याक्‌ताक्‌सा ग्‍वम्‌मा लान्‌कायः गानाक्‌ती तोसा ग्‍वम्‌मा बयःआथास।

रोमी 16:20

ओहाङःसैको ङाकोः ल्‍हुङ् धोमाय्‌ताक्ओ परमेस्‍वर्‌इलेः रेन्‍ह्‌तोलेः नीङ्‌कायः सैतान् क्‍लीमःती वाय्‌ताक्‌तेःनै। ङाकोः प्रभु येसुइ नीङ्‌कायः योनःतीतेः योतेःपै।

एफेसस् 5:24

ओउःत झ्‍यान्‍ते दोह् खेःयाकायःमा लयःकोः बुधाइ तोओ कुरा बुधीलम्इ सायःसा खेःतो ओउः ङ्‌हाम्ओलम्इ ख्रीस्‌कायः सायःओलो लेखालेः।