लुका 1:68 - चेपाङ68 “लौ इस्राएल्कोः प्रभु परमेस्वर्कायः लुङ्ती ताङ्ह्ताक्ती तोनी दा। ओउःइ लयः छीङ्ह्ओ मान्तालम्कःताङ् वाङ्ती ओउःमयःकायः पेमालोसै दल्ताक्आथास। အခန်းကိုကြည့်ပါ။ |
लुका 1:68
24 ပူးပေါင်းရင်းမြစ်များ
ओहाङःसैको सहर् पोक्ती नीङ्कायःमा नीङ्कोः मान्तालम्कायःमा जुदालेः सात्तेःनै। ओउःत हायःआक्तीको नीङ्कोः सहर्पाय् जुगाङ् वाय्तोलेः स्याव्नाः ह्र्योङःती वाय्आक्तीको यातैज्योः देती मुओ बाङ्पाय् च्यवःल बा। इत दोह् हायःती स्याव्लेःनाः दाय्ह्सा परमेस्वर्इ ल्होक्ओ नीङ्कायः दल्सा खाय्ओचाक् वाङ्ओ बेलाहाङःपाय् नीङ्इ तय्ह्तेःनीली ओउःत झ्यान्ते नीङ् वाय्तोलेः स्याव्तेःनै” त दाय्ह्ती येसु दाय्ह्आ।
ओहाङःसैको येसुकायः वानःतोक्हाङः हानामा मन्दीर्ताङ् दाह्आ। मन्दीर्ताङ् दाह्ती येसु चोःखेकायः च्यवःती हानाखेइ परमेस्वर्कायः चोङाय्तीलेः लुङ्ती तोआकान्। ओहाङःसैको सबै “लौ यरुसालेम्कायः दल्ताक्सा चाक्पाय् वाङ्पाः” त दाय्ह्ती ओउः वाङ्सा खेःओ ख्रीस्कायः ल्युङ्ह्ती मुओलम्कायः “लौ ओउः ख्रीस् वाङ्ओपाय् ङाइमा च्यवःआलाङः बा” त दाय्ह्ती हानाइ ल्हाक्ती छ्यानःआथास।
ओहाङःसैको ओउः ङ्हा सीओ मान्तापाय् च्योक्ओ लेःआः त च्यवःती एत च्यवःओ मान्तालम्इ आन रैती “दोङ्सीलेः ङीकःहाङः यात्चाक् आन ताङ्ह्ओ परमेस्वर्कोः कुरा छ्यानःओ मान्ता दाह्आबत्आतय्ही बा” त दाय्ह्तीमा “परमेस्वर्पाय् लयःकोः मान्तालम्कायः दल्ताक्लाङ् वाङ्ओ लेःआः बा” त दाय्ह्तीमा परमेस्वर्कायः लुङ्तीमा ताङ्ह्ताक्तीमा तोआकानी।
द्याह् ङीकोः प्रभु येसु ख्रीस्कोः परमेस्वर् आपाकायः लाङ्काताङ् त्याव्ती लावार्ताङ् गोय्ह्ती “च्युता” त तोसा खेःतय्हीतो। दोह् हायःती दाय्ह्सा ङीकायःपाय् आन योनःती योती परमेस्वर्इ रौ जीङः दोःताक्नाःतय्ही। येसु ख्रीस्पाय् सीआक्तीको ओउःकायः परमेस्वर्इ उह्ती स्याक्ताक्ओ त चीःती “लोने ङीमा रौ जीङः दोःनाःतय्ही” त दाय्ह्ती आन चोङाय्तो मुनाःतय्ही।
ကြော်ငြာတွေ