लुका 1:57 - चेपाङ

⁵⁷ मरीयम्‌खे लयःकोः कीम्‌ताङ् पाय्‍ह्आ ओहाङःसैको इलीसबाखेकोः चोः धुङ्ओ दीन् दाह्आक्‌तीको गोय्‌चोःचोः ओत्आकान्।

लुका 1:57 ပူးပေါင်းရင်းမြစ်များ

लुका 1:13

ओउःत रैतोक्‌हाङः “अ जखरीयाय रैतेःचाःनाः। नाङ्इ चोः तेओ कुरापाय् परमेस्‍वर्‌इ म्रोती सायःतेःनाः। नाङ्‌कोः इलीसबा त तोओ बुधीइ गोय्‌चोःचोःलेः दोःबत्‌तेःनाः। दोःआक्‌तीको ओउः चोःकायः ‘युहना’ त मय्‍ङ्उ” त दाय्‍ह्‌ती ओउः ल्‍होक्ओमयः तोआथै।

लुका 1:5

यहुदीया देस्‌हाङः यात्‌चाक् हेरोद् राजा मुओ खेःतो। ओउः राजा मुतोक्‌हाङः अबीयाह् त तोओ पुरोहीत्‌कोः खलक्‌हाङः यात्‌चाक् जखरीया त तोओ खेःतो। ओउःकोः बुधीपाय् इलीसबा त तोओलेः ओउःपाय् जुगाङ् ङ्‌हा स्‍याव्ओ पुरोहीत् हारन् त तोओकोः मोमःदाने खेःतो।

लुका 1:56

एत दाय्‍ह्आक्‌तीको मरीयम्‌पाय् इलीसबाकुस् सुम् महीनाकायःच्‍युक् मुआ ओहाङःसैको लयःकोः कीम्‌ताङ् द्यान्‍ह्‌ती पाय्‍ह्आ।

लुका 1:58

गोय्‌चोःचोः ओत्आक्‌तीको “लौ इलीसबाकायःजा आन पेतो योनःती योती परमेस्‍वर्‌इ गोय्‌चोःचोः दोःताक्आथै रैस” त सायःती ओउःकोः लयःकोः मान्‍तालम्‌मा गाव्‌कोः मान्‍तालम्‌मा म्रोती चोङाय्‌ती हुम्‌लाङ् वाङ्आकाय्।