47 ङाकायः दल्ताक्सा परमेस्वर्इ आन म्रोताक्आताङः बा।
लौ दावुद् राजाकोः लयः दोःओ गाव्हाङः तेन्पाय् यात्ज्योः गोय्चोःचोः ओत्ओ लेःआः। ओउःइ मान्तालम्कायः ओउःमयःकोः रेव्झ्याङ्कःसै दल्ताक्लाङ्लेः वाङ्ओआः बा। ओउःपाय् परमेस्वर्इ तोती गम्ओ वाङ्सा खेःओ प्रभु ख्रीस् त तोसालेः।
इ चेती ङा पावुल्इ नाङ् तीमोथीकायः लेखती ल्होक्नेःनाङ्। ङीकायः दल्ताक्ओ परमेस्वर्इमा ङीइ झाह्ओ प्रभु येसु ख्रीस्इमा छ्युङ्ह्ती ल्होक्ओ मान्ता ङालेः खेःनाङः।
एत हायःओपाय् पेलेःनाः ङीकायः दल्ताक्ओ परमेस्वर्कायः म्रोताक्नाःथै।
ओउःमयःकोः मालीक्कोः चीस् दोह्मा कुःमाःत सबै काम् जाङ्ह्ओ बेलाहाङः ङ्हाम्सीःओ मुपै। ओउःत हायःती ङीकायः दल्ताक्सा परमेस्वर्कोः स्यान्राय् “पेओ लेःआः” त सबैकायः छ्यानःनानी।
लोने दाङ्सा पेओ दीन्कायः झाह्ती ल्युङ्ह्तोक्कायः एतलेः वाह्नाःतय्ही। ओउः दीन्हाङः ङीकोः ताङ्ह्ओ परमेस्वर् ङीकायः दल्ताक्सा येसु ख्रीस्पाय् आङ्ग थाङ्ग त थाती वाङ्नै।
ङीकायः दल्ताक्सा यातैज्योः परमेस्वर्कायः ङीकोः प्रभु येसु ख्रीस्कुस्इलेः जुगाङ् ताङ्ह्ओ पेओ ग्वम् नाःओलेः ङ्हामा द्याह्मा लोनेःकायःमा मुताक्पाः। ओउःतलेः स्याव्पाः दै।
