लुका 1:43 - चेपाङ

⁴³ ङापाय्‌जा मीओ मान्‍ता खेःङोतो इ ङाकोः प्रभुकोः आमापाय् ङाकायः क्रुस्‌लाङ् वाङ्‌साकायः दोह् दयःती दोःताक्‌नाःताङः ती।

लुका 1:43 ပူးပေါင်းရင်းမြစ်များ

मत्ती 12:46

ओहाङःसैको हुम्ओलम्‌कायः एत तोतोक्‌हाङः येसुकोः आमामा हौचोङ्‌लम्‌मा ओउःकुस् नोःलाङ् कीम् बाहीरहाङः दाह्‌ती वाङ्आकाय्।

मत्ती 3:14

वाङ्आक्‌तीको “लौ ङाकायः बाप्‍तीस्‍मा बयःची दा” त दाय्‍ह्‌ती येसु युहनाकः तेतो “खेःल दा ङाखेकायः नाङ्‌खेइ बाप्‍तीस्‍मा बयःसा खेःतेःतो बा। नाङ् ङाकःहाङः तेसा खेःतेःआक्‌ल” त दाय्‍ह्‌ती युहना त्‍याङ्आ

लुका 1:42

ओहाङःसैको इलीसबापाय् परमेस्‍वर्‌कोः ग्‍वालामः दोःती “लौ अरु मोमःचोःलम्‌कःसै नाङ्‌कायः परमेस्‍वर्‌इ आन पेतो जाङ्‌ह्‌तेःआ बा। नाङ्इ लात्ओ चोःमा आन पेतोमा ताङ्‌ह्‌तोमा स्‍याव्आनाः।

लुका 1:44

नाङ्इ स्‍यवती नोःओ सायःओ कुस्‌ब्रक्‌त ङाकोः तुक्‌कोः चोःपाय् चोङाय्‌तीलेः त्‍योनःमाआ।

लुका 2:11

लौ दावुद् राजाकोः लयः दोःओ गाव्‌हाङः तेन्‌पाय् यात्‌ज्‍योः गोय्‌चोःचोः ओत्ओ लेःआः। ओउःइ मान्‍तालम्‌कायः ओउःमयःकोः रेव्‌झ्‍याङ्‌कःसै दल्‌ताक्‌लाङ्‌लेः वाङ्ओआः बा। ओउःपाय् परमेस्‍वर्‌इ तोती गम्ओ वाङ्‌सा खेःओ प्रभु ख्रीस् त तोसालेः।

लुका 7:7

इहाङः वाङ्‌मामाःत लोक्‌तोसै गानाक्‌ती तोचाक्‌ची दै ओहाङःसैको ङाकोः नोकरी स्‍याक्‌लेःनाः।

युहना 13:13

ङाकायःपाय् गुरु तमा तोतेःनानाङ्‌स प्रभु तमा तोतेःनानाङ्‌स ओउःत तोसापाय् स्‍याव्‌लेःनाः नीङ्‌कोः गुरुमा प्रभुमा खेःलेःआनाङः।

युहना 20:28

“लौ ङाकोः प्रभुय ङाकोः परमेस्‍वर्‌य” त दाय्‍ह्‌ती थोमा दाय्‍ह्आ।

फीलीपी 2:3

दोह् खेःयामा अरुकः लती लयःकायः ताङ्‌ह्‌ताक्‌ती जाङ्‌ह्‌तेःचानी। मीओ ल्‍हुङ् स्‍याव्‌ती अरुलम्‌कायः “ङासै ताङ्‌ह्ओ लेःआः” त म्‍हर्‌न।

फीलीपी 3:8

इ कुरामा सबै ल्‍हाव्‍ह्‌दैबाङ्‌कोः पेओ कुरामा “आह्रे लेःआः” त म्‍हर्‌ती जुगाङ् फेती वाय्आलाङः। ओहाङःसै ओउः न्‍हाङ्‌तोलेः पेओ कुरापाय् ङाकोः प्रभु येसु ख्रीस्‌कायः तय्‍ह्‌सा दोःनाङः। ख्रीस्‌कोः मान्‍ता स्‍याव्‌साकायः सबै अरु कुराकायः “आह्रे वाय्‌सा खेःओ धान्‍ह्‌लम्‌लो लेखालेः” त म्‍हर्‌ती फेती वाय्आलाङः बा