लुका 1:36 - चेपाङ

³⁶ ओहाङःसैको नाङ्‌कोः इलीसबा त तोओ मह्आमा चोःतुक् लात्‌ती मुलेःनाः। ओउःकायःपाय् सबै मान्‍तालम्इ ‘चोः लात्‌सा खाय्उलु’ त तोथातो ओउःपाय् बुधी स्‍याव्‌तोक्‌हाङः द्याह् ६ महीनाकोः चोःतुक् लात्‌ती मुनाः

लुका 1:36 ပူးပေါင်းရင်းမြစ်များ

लुका 1:35

“लौ नाङ्‌कःताङ् परमेस्‍वर्‌कोः ग्‍वालामः ग्‍ल्‍युङ्‌ह्‌ती खुप्‌लाङ् वाङ्‌ती ओउःकोः ग्‍वम् दोःआक्‌तीको इ परमेस्‍वर्‌इ तोती गम्ओ कुरा स्‍याव्‌नाः। ओउःत झ्‍यान्‍ते नाङ्‌कोः लोने वाङ्‌सा खेःओ चोःपाय् छय्‍ङ्ओ लेःआः ओउःकायः ‘परमेस्‍वर्‌कोः चोः लेःआः’ त तोनाः।

लुका 1:37

दोह् हायःती दाय्‍ह्‌सा परमेस्‍वर्‌इ जाङ्‌ह्‌सा खाय्‌मालो थोक्‌पाय् दोह्‌मा नाःल बा” त दाय्‍ह्‌ती ओउः ल्‍होक्ओमयःइ तोआथै।

लुका 1:5

यहुदीया देस्‌हाङः यात्‌चाक् हेरोद् राजा मुओ खेःतो। ओउः राजा मुतोक्‌हाङः अबीयाह् त तोओ पुरोहीत्‌कोः खलक्‌हाङः यात्‌चाक् जखरीया त तोओ खेःतो। ओउःकोः बुधीपाय् इलीसबा त तोओलेः ओउःपाय् जुगाङ् ङ्‌हा स्‍याव्ओ पुरोहीत् हारन् त तोओकोः मोमःदाने खेःतो।

हेब्रैनी 11:11

ओउःइ ङ्‌हाम्‌ती झ्‍यान्‍ते बुधा स्‍याव्ओहाङः आब्राहाम्‌पाय् सराह्‌कुस् चोः दोःसाकायः ग्‍वम् दोःआ दोह् हायःती दाय्‍ह्‌सा परमेस्‍वर्‌इ तोओ कुरापाय् ओउःइ ङ्‌हाम्आकान्।