लुका 1:27 - चेपाङ

²⁷ ओउः नासरेत् सहर्‌हाङः यात्‌चाक् मरीयम् त तोओ मोमःचोः खेःतो। मरीयम्‌कायः यात्‌चाक् युसेफ् त तोओ गोय्‌चोःइ वानःसा धयःती गम्ओ खेःतो। ओउः युसेफ्‌पाय् उय्‍ह्‌लेकोः दावुद् राजाकोः प्‍लोमःदाने लेःआः।

लुका 1:27 ပူးပေါင်းရင်းမြစ်များ

मत्ती 1:16

याकुब्‌कोः युसेफ्। युसेफ् त तोओपाय् मरीयम्‌कोः बुधा खेःतो। फेरी मरीयम् त तोओपाय् येसुकोः आमा खेःतो। येसुपाय् परमेस्‍वर्‌कःसै वाङ्‌सा खेःओ ख्रीस् त तोओ लेःआः।

मत्ती 1:18

ओहाङःसैको येसुकोः ओत्‌नम् दीन् गतलो दाय्‍ह्‌सा। ओउः मरीयम् त तोओकायः युसेफ्इ धयःती गम्ओ खेःतो। फेरी युसेफ्‌कुस् गलमा एनःधाङ्‌मालोहाङः मरीयम्‌कायः परमेस्‍वर्‌कोः ग्‍वालामःइ चोःतुक् स्‍याव्‌सा दोःताक्आथै।

मत्ती 1:23

“लौ यात्‌चाक् बुधाकः पाय्‍ह्‌मालो मोमःचोः चोःतुक् स्‍याव्‌ती गोय्‌चोःचोः दोःतो स्‍याव्‌नाः। ‘परमेस्‍वर्‌ ङीकुस् मुनाःतय्‍ही’ त दाय्‍ह्‌ती ओउः चोःकायः एमानुएल् त मय्‍ङ्‌नानी” त दाय्‍ह्‌ती दाय्‍ह्ओ कुरा द्याह् ताप्‌तो स्‍याव्‌नाः।

लुका 1:28

ओहाङःसैको परमेस्‍वर्‌इ ल्‍होक्आक्‌तीको गब्रीएल्‌पाय् मरीयम्‌कःताङ् थाती वाङ्आ “लौ नाङ् पेतोतेः स्‍याव्‌जेःआ। नाङ्‌कः परमेस्‍वर्‌पाय् आन म्रोती झ्‍यान्‍ते नाङ्‌कुस् मुलेःनाः” त दाय्‍ह्‌ती ओउः गब्रीएल् त तोओ ल्‍होक्ओमयःइ तोआथै।