यहुदा 1:20 - चेपाङ20 नीङ्पाय् ङाइ राप्ओलम्खेइपाय् परमेस्वर्कायः न्हाङ्तोलेः ङ्हाम्ती ग्रमःत मुन। परमेस्वर्कोः ग्वालामः दोःती ओउःकायः तेती तोनु। အခန်းကိုကြည့်ပါ။ |
यहुदा 1:20
28 ပူးပေါင်းရင်းမြစ်များ
ओहाङःसैको ल्होक्आक्तीको यहुदी खेःमालो जात्लम्कःताङ् आल्ती ओउःमयःकायः मीक् दोङ्ह्तोलेः ल्हुङ् थोङ्ताक्ती तोआक्तीको ओउःमयःइ सैतान्कोः रेव्ओ काम् फेती परमेस्वर्कोः पेओ काम् जाङ्ह्चानी। ओउःत हायःती ङाकोः कुरा ङ्हाम्ती ओउःमयःकोः रेव्झ्याङ्कोः क्युम्ह्ती वाय्आक्तीको ओउःमयः परमेस्वर्कोः छय्ङ्ओ मान्ताले स्याव्चै। इ कुरा तोती स्यान्साकायः नाङ्कायः ङाइ छ्युङ्ह्ती तोती ल्होक्नेःनाङ्’ त दाय्ह्ती प्रभु येसुइ तोआताङः।
सावुल् आल्आक्तीको ओउः यहुदीया अन्चल्हाङः गालील अन्चल्हाङःमा समारीया अन्चल्हाङःमा येसुकायः ङ्हाम्ओमयः पेतोलेः मुआकाय्। ओउःमयःकायः अरुलम्इ पानःसा सात्सा सुइमा बोङःनीली। येसुकायः ङ्हाम्ओमयःइपाय् परमेस्वर्कायः लुङ्ती झाह्ती तोआकानी। ओउःमयःकायः परमेस्वर्कोः ग्वालामःइ पेतो स्याव्ताक्ती झ्यान्ते ओउःमयः नाःतोलेः ब्याव्आकाय्।
फेरी ओउःमयःकोः आय्कानः तोकानःलम्सै दोःओ आह्रे ल्हाक्राय् कुरालम्मा आन होह्र्कोः कुराकायःमा “इत स्यान्ओ फेनु दा” तमा तोसा खेःतेःनाः। ओउः कुरापाय् परमेस्वर्कोः काम् पेतो स्याव्ताक्उलु स्यान्आक्तीको काय्काय्ओ ह वाङ्आनाः। परमेस्वर्कोः कुरा ङ्हाम्आक्तीको ह ओउःकोः काम् मान्ताइ पेतो स्याव्ताक्सा खाय्नानी बा।
इ चेती ङा पावुल्इ ङाकुस् दोङ् पेतो ङ्हाम्ओ हौ तीतस्कायः लेखती ल्होक्नेःनाङ्। ङाकायःपाय् परमेस्वर्कोः काम् जाङ्ह्साकायः येसु ख्रीस्इ छ्युङ्ह्ती ल्होक्आताङः। ओउःइ छीह्ओ मान्तालम्कायः पेतो ङ्हाम्ताक्साकायःमा ओउःकोः दोङ् कुरा पेतो चीःती वाह्ताक्साकायःमा परमेस्वर्इ छ्युङ्ह्आताङः। लोने दोःसा गलमा वाय्मालो रौ जीङःकायः ङीइ झाह्तीलेः ल्युङ्ह्ती मुनाङी। इ रौ जीङःकोः कुरापाय् ओउः गलमा माःताक्मालो परमेस्वर्इ उय्ह्लेहाङःसै ङीकायः तोती गम्ओ लेःआः। ओउःइपाय् लयःकोः क्रोःओ बेलाहाङः ओउः कुराकोः नोःराय् छ्यानःआकान्। ओहाङःसैको ओउः नोःराय्पाय् थोल्ह्ती तोसाकायः ङीकायः दल्ताक्सा परमेस्वर्इपाय् ङाकायःलेः बयःती ल्होक्आताङः। लौ तीतस्य ङीकोः परमेस्वर् आपाइमा ङीकायः दल्ताक्सा येसु ख्रीस्इमा नाङ्कायः योनःती योती ल्हुङ् धोमाय्ताक्तेःपाः।
दोह् हायःती दाय्ह्सा परमेस्वर्कोः चोःलम्इ ल्हाव्ह्दैबाङ्कोः रेव्ओकायः क्लीमःसा खाय्नानी। सुसु परमेस्वर्कोः चोः स्याव्नै ओउःलेः “येसुपाय् परमेस्वर्कोः चोः लेःआः” त दाय्ह्ती ङ्हाम्ती झ्यान्ते ल्हाव्ह्दैबाङ्कोः रेव्ओकायः क्लीमःनानी। ओउःलो लेखा ङ्हाम्ओलम् ह रेव्ओकायः क्लीमःसा खाय्नानी।
ကြော်ငြာတွေ