युहना 9:4 - चेपाङ

⁴ ङीइ देङी इ थोङ्‌तो स्‍याव्ओहाङःलेः ङाकायः ल्‍होक्औ परमेस्‍वर्‌कोः काम् जाङ्‌ह्‌सा खेःनाःतय्‍ही। लोने वाङ्‌सा च्‍याक्ओहाङः सुइमा पेओ काम् जाङ्‌ह्‌सा खाय्‌नीली।

युहना 9:4 ပူးပေါင်းရင်းမြစ်များ

मत्ती 20:7

‘ङीपाय् काम् दोःङीली ओउःत झ्‍यान्‍ते ङी नल्आय् गुल्‍ह्आय्‌त मुआलाङी’ त दाय्‍ह्‌ती त्‍याङ्आकाय्। ‘लौ उया नीङ्‌मा ङाकोः राङ्‌ताङ् काम् जाङ्‌ह्‌लाङ् आल्‌न दा। नीङ्‌कोः जाङ्‌ह्‌झ्‍याङ्‌कोः पेतो बयःनेःनाङ्‌स’ त दाय्‍ह्‌ती ओउःमयःकायःमा ल्‍होक्आकान्।

मर्‌कस् 3:3

ओहाङःसैको ओउः क्रुत् जीक्ओकायः “लौ इहाङः वाङ्अ दा” त दाय्‍ह्‌ती येसुइ तोआकान्।

युहना 10:32

“लौ ङाकोः आपाइ बयःओ पेओ काम्‌लम्‌पाय् ङाइ नाःतो जाङ्‌ह्आलाङः। ओउः काम्‌कोःपाय् गाव्‌खेकायःतेः बाङ्इ आप्‌सातेः बोङःनानाङ्‌स” त दाय्‍ह्‌ती येसुइ व्‍हत्‌ती

युहना 10:37

ङाकोः आपाइ बयःओ काम् ङाइ जाङ्‌ह्‌ङल त खेःया ङाकायः ङ्‌हाम्‌सा परल।

युहना 12:35

“लौ नीङ्‌कःहाङः ङा मुओहाङः थोङ्‌तो स्‍याव्‌ती मुधाङ्‌नाः लोनेः च्‍याक्‌तोलेः स्‍याव्‌नाः। ओउः थोङ्‌तो मुओहाङः पेओ काम् जाङ्‌ह्‌ती वाह्‌न दा लोनेः च्‍याक्‌तो स्‍याव्ओहाङः च्‍यवःती वाह्‌सामा दोःल काम् जाङ्‌ह्‌सामा दोःल।

युहना 17:4

लौ नाङ्इ बयःओ काम् दप्‌तोलेः जाङ्‌ह्‌ती नाङ्‌कायःपाय् ल्‍हाव्‍ह्‌दैबाङ्‌हाङः ताङ्‌ह्‌ताक्‌नेःआलाङ्।

युहना 4:34

ओउःमयः एत नोःकाय्‌तोक्‌हाङः “लौ ङाकायः ल्‍होक्ओ परमेस्‍वर्‌ आपाकोः काम् जाङ्‌ह्‌ती खाय्‌सा इत हायःसाकायः ल्‍हुङ् क्राय्आताङः।

युहना 5:19

ओहाङःसैको “लौ दोङ्‌सीलेः तोनेःनाङ्‌स बा ओउः चोःपाय् लयःइलेः दोह्‌मा हायःसा खाय्उलु ओउःकोः परमेस्‍वर्‌ आपाइ जाङ्‌ह्ओ काम्‌पाय् ओउः ह च्‍यवःआक्‌तीको चोःइमा जाङ्‌ह्‌लेःनौ। गतलो ओउः आपाइ हायःचौ ओउःतलेः ओउःकोः चोःइमा हायःनौ।

युहना 5:36

ङाकायः पाःती तोओ कुराखे युहनाकोः कुरासै ताङ्‌ह्‌लेःनाः बा। ङाइ जाङ्‌ह्ओ काम्‌लम् दप्‌ताक्‌साकायः ङाकोः आपाइ बयःआताङः। ओउः काम्‌लम् च्‍यवःती ङाकायःपाय् ‘परमेस्‍वर्‌इ ल्‍होक्आथै’ त चीःसा खाय्‌तेःनानी।

युहना 7:33

ओउः सीपाहीलम् ल्‍होक्‌तोक्‌हाङः “लौ देङी ङा नीङ्‌कुस् मुधाङ्‌नाङः ओहाङःसै ङा आल्‌ती ङाकायः ल्‍होक्ओकःताङ् पाय्‍ह्‌नाङः।

खबरदुत 4:20

नीचीइ लयः च्‍यवःओमा सायःओमा इ कुरा नीचीइ नोःमाःत छ्यानःमाःत मुसा खाय्‌धै खाय्‌ङुसुलु” त दाय्‍ह्‌ती पत्रुस्‌मा युहनामा त्‍याङ्आकाच।

गालाती 6:10

ओउःत खेःओ ङी पेतो हायःसा दोःनाःतय्‍ही त खेःया सबै मान्‍तालम्‌कायः पेतोलेः हायःनी ङीकोः ङ्‌हाम्ओ पुःचोङ् हौचोङ्‌लम्‌कायः न्‍हाङ्‌तोलेः पेतो जाङ्‌ह्‌सा बोङःनु दा।

एफेसस् 5:16

तेन्‌छ्याङ्‌पाय् पेमालो साल्‌लम् वाङ्‌ती मुधाङ्‌नाः ओउःत झ्‍यान्‍ते पेओ काम्‌लम् म्‍ह्याङ्‌ती जाङ्‌ह्‌नु दा।

कोलसी 4:5

ङ्‌हाम्‌मालो मान्‍तालम्‌कायः तोतोक्‌हाङः आह्रे नोःमाःत व्‍हाय्‌तोलेः तोउसु।