आल्आक्तीको लोनेकोः धोओ दीन्हाङः येसु यहुदीकोः थनःओ कीम्हाङः पोक्ती वाङ्आ। कीम् पोक्ती वाङ्तोक्हाङः ओहाङः हुम्ती मुओलम्कुस् यात्चाक् क्रुत् स्रीत्ती जीक्ओ मान्ता मुओ खेःतो। ओहाङःसैको यात्नीस् फरीसीलम् मुती “लौ धोओ दीन्हाङः मान्ताकायः स्याक्ताक्सा काम् जाङ्ह्सा स्याव्नाःया स्याव्लया” त दाय्ह्ती येसुकायः व्हत्आथै। “येसु ‘माः स्याव्लेःनाः’ त त्याङ्नाः त खेःया ङीइ ओउःकायः गाल्तुम्ती तोसा खाय्नाङःसु” त दाय्ह्ती फरीसीलम् म्हर्आकाय्।
युहना 9:16 - चेपाङ16 एत सायःआक्तीको “लौ ओउः मान्तापाय् परमेस्वर्कोः धोओ दीन् जवउलु ओउःपाय् परमेस्वर्कःसै खेःल बा” त यात्नीस् फरीसीलम्खे दाय्ह्आकाय् “ओउःत खेःया गत हायःती ओउःलो लेखा रेव्तो जाङ्ह्ओ मान्तापाय् इत ग्याङ्ह्सीःओ काम् जाङ्ह्सा खाय्चौ” त अरु दाय्ह्ती ओउः फरीसीलम् ब्राङ्काय्ती नोःकाय्सा खाय्नीली। အခန်းကိုကြည့်ပါ။ |
युहना 9:16
18 ပူးပေါင်းရင်းမြစ်များ
ओहाङः वाह्तोक्हाङः येसुकुस् वाह्ओमयःइ योङ्क्राय्ती झ्यान्ते गहुङ्कोः चुय्लम् काव्ह्ती जेःआकानी। ओउःमयःइ चुय् काव्ह्ती जेःओपाय् फरीसीलम्इ च्यवःती ओउःमयः येसुकःताङ् वाङ्ती “लौ योउ दै। इ ङीइ जवओ धोओ दीन्हाङः नाङ्कुस् वाह्ओमयःइ इत चुय् काव्ह्ओ काम्मा अरु दोह् काम्मा जाङ्ह्सा स्याव्ल बा” त दाय्ह्ती तोनीतो
ओउः थनःओ कीम्कोः ताङ्ह्ओ मान्ताखे “धोओ दीन्हाङः मान्ताकायः इत स्याक्ताक्सा स्याव्ल” त म्हर्ती ल्हुङ् मल्ह्तो स्याव्आ। “ङीकायः यात् सातहाङः छगोता काम् जाङ्ह्सा स्याव्ओ दीन्लम् मुलेःनाः। ओउः दीन्लम्हाङः स्याक्ताक्साकायः काःहाल्लाङ् वाङ्न। इ धोओ दीन्हाङः काःहाल्लाङ् वाङ्लाम्” त दाय्ह्ती सबै हुम्ओलम्कायः ओउः ताङ्ह्ओ मान्ताइ जान्ती तोआथास।
यात्दीन्हाङः नीकोदेमस्पाय् येसुकःताङ् याह्दीङ्हाङःलेः वाङ्आ। येसुकःताङ् वाङ्ती “लौ गुरुय नाङ्पाय् परमेस्वर्कःसै स्यान्लाङ् वाङ्ओ मान्ता लेःतेःआः बा। नाङ्इ इच्युक् पेओ ग्याङ्ह्राय् जाङ्ह्ती झ्यान्ते परमेस्वर् नाङ्कुस् मुनाः त ङीइ चीःनाङःसु। परमेस्वर्पाय् ओउःकुस् ब्राङ्ती मुमाया सुइमा इ काम् जाङ्ह्सा खाय्नीली” त दाय्ह्ती नीकोदेमस् दाय्ह्आ।
ကြော်ငြာတွေ