युहना 8:49 - चेपाङ

⁴⁹ “खेःल बा। ङापाय् लान्इ ब्रःताक्ओ खेःबाय्‌ङल। ङाखेइ लयःकोः आपाकायः ताङ्‌ह्‌ताक्‌ङोतो नीङ्‌खेइ ङाकायः मीतेःताक्‌तेःनेःनाङ्‌स बा।

युहना 8:49 ပူးပေါင်းရင်းမြစ်များ

युहना 11:4

ओहाङःसैको इ कुरा सायःती “लौ लाजरुस् जीक्‌सापाय् जीक्‌तीलेः मुनाः ओउः जीक्ओपाय् जुगाङ् सीओ खाल् खेःल। परमेस्‍वर्‌इ लयःकोः चोःकोः ग्‍वम् सबैकायः छ्यानःती ओउःकायः ताङ्‌ह्‌ताक्‌साकायः ओउः द्याह् जीक्‌ती मुनाः” त दाय्‍ह्‌ती येसुइ तोआकान्।

युहना 12:28

लौ उया आपाय नाङ्‌कोः मय्‍ङ् ताङ्‌ह्‌तोलेः स्‍याव्‌पानाः” त दाय्‍ह्‌ती येसुइ परमेस्‍वर्‌कायः तोआकान् तोतोक्‌हाङः लाङ्‌कासै हाव्‌नयः वाङ्आ “लौ ङाकोः मय्‍ङ् ताङ्‌ह्‌तो स्‍याव्‌ताक्आलाङः बा। लोनेः फेरीलेः ताङ्‌ह्‌तो स्‍याव्‌ताक्‌नाङः” त दाय्‍ह्‌ती नोःओ।

युहना 14:13

फेरी दोह्‌लोकायः ङाकोः मय्‍ङ् पेह्‌ती नीङ्इ तेती तोतेःचानाङ्‌स ओउःलेः ङाइ जाङ्‌ह्‌नेःनाङ्‌स ओउःत हायःती ङाकोः आपाकायः ङाइ ताङ्‌ह्‌ताक्‌नाङः।

युहना 17:4

लौ नाङ्इ बयःओ काम् दप्‌तोलेः जाङ्‌ह्‌ती नाङ्‌कायःपाय् ल्‍हाव्‍ह्‌दैबाङ्‌हाङः ताङ्‌ह्‌ताक्‌नेःआलाङ्।

युहना 7:20

“खेःल नाङ्‌कायः लान्इ ङायःती ब्रःताक्‌तेःनाः बा। सुसुइ नाङ्‌कायः सात्‌सा बोङःतेःचनै र” त दाय्‍ह्‌ती ओउः हुम्‌ती मुओलम् त्‍याङ्आकाय्।

युहना 8:29

फेरी ङाकायः ल्‍होक्ओ आपाइ ङाकुस् काम् जाङ्‌ह्‌नाङःचु ङा लयः झुङ्आले जाङ्‌ह्‌सा खेःङल दोह् हायःती दाय्‍ह्‌सा ङाकोः आपा झाक्ओ कुरा ङाइ गलमा जाङ्‌ह्‌नाङः” त दाय्‍ह्‌ती येसुइ स्‍यान्आथास।

खबरदुत 5:41

फेआक्‌तीको ओउः छ्युङ्‌ह्ओमयःलम् सभासै ग्‍ल्‍युङ्‌ह्‌ती “लौ येसुकोः कुरा तोसाकायः परमेस्‍वर्‌इ ङीकायः लीह्‌सीःओ च्‍यवःसा ताक्आतय्‍ही बा” त चोङाय्‌तीलेः पाय्‍ह्आकाय्।

१ कोरीन्‍थी 11:14

माः रैस गोय्‌चोःखे ग्‍याङ्ओ म्‍याङ् मुसा अह्र्सीःतो त नीङ्इ लयःकोः ल्‍हुङ्‌हाङः चीःतेःनानी।

१ कोरीन्‍थी 15:43

ङ्‌हापाय् ओउः म्‍हाङ् पेमालो अह्र्सीःतो स्‍याव्‌ती साःहाङः पाम्‍ह्‌ती गम्ओआः लोनेः पेतो उह्‌ती च्‍योक्‌नाः ङ्‌हापाय् ग्‍वम् नाःमालो खेःतो च्‍योक्आक्‌तीको ग्‍वम् नाःओ मुनाः।

१ पत्रुस् 2:23

अरुइ ओउःकायः रेव्ओ कुरा नोःतोक्‌हाङः ओउःपाय् सुकःमा रेव्‌तो त्‍याङ्‌ल। लीह्‌सीःओ च्‍यवःतोक्‌हाङः ओउःइ सुकायःमा क्‍योङ्‌ह्‌ती तोमाःत ओउः गलकायःमा पेतोलेः तय्‌छनःती योओ परमेस्‍वर्‌कायः “लौ ङाकायः पेतो योचाक्‌ची दा” त दाय्‍ह्‌ती ङ्‌हाम्‌ती तोआकान्।