युहना 8:48 - चेपाङ

⁴⁸ “लौ ङीइ दोङ्‌सीलेः ‘नाङ्‌पाय् समारीया देस्‌सै वाङ्ओ स्‍यो लेःतेःआः’ त दाय्‍ह्‌ती तोनेःनाङ्‌सतो ‘नाङ्‌कायः लान्इ ब्रःताक्‌तेःआ’ तमा तोनेःनाङ्‌सतो” त दाय्‍ह्‌ती ओउः यहुदीलम्इ तोआथै।

युहना 8:48 ပူးပေါင်းရင်းမြစ်များ

मत्ती 10:25

स्‍यान्ओ मान्‍तापाय् लयःकोः गुरुकुस् घार्‌तोलेः चीःसा ह स्‍याव्‌लेःनाः। काम् जाङ्‌ह्ओ मान्‍तापाय् लयःकोः मालीक्‌कुस् घार्‌तीमा ओउः ह ङोस्आनाः। दोङ्‌सीलेः मान्‍तालम्इ ङा नीङ्‌कोः गुरुकायःपाय् ‘लान्‌कोः राजा लेःआः’ त दाय्‍ह्‌ती तोनाःताङः ओउःत खेःया नीङ् ङाकुस् स्‍यान्ओमयःकायःमा न्‍हाङ्‌तोलेः रेव्‌तो तोतेःनै बा।

मत्ती 10:5

इ बारजनकायः येसुइ ल्‍होक्आथास “लौ यहुदी खेःमालो मान्‍तालम्‌कःगनमा आल्‌लाम्। समारीया मान्‍तालम्‌कोः सहर्‌लम्‌हाङःमा पोक्‌लाम्।

मत्ती 11:18

ओउःलो लेखालेः बाप्‍तीस्‍मा बयःओ युहना वाङ्‌ती मुतोक्‌हाङः ओउःइ हान् तुङ्‌माःत उपाङ् काःओ जवती झ्‍यान्‍ते

मत्ती 12:24

ओउःमयः नोःकाय्ओ फरीसीलम्इ सायःती “लौ इपाय् बाल्‌जीबुल् त तोओ लान्‌कोः राजाइ बास्आथै ओउःत झ्‍यान्‍ते ओउः लान्‌कोः ग्‍वम्इ अरु लान्‌कायः ल्‍हेस्‌ती वाय्‌नौ बा” त दाय्‍ह्‌ती तोआकानी।

मत्ती 12:31

ओउःत झ्‍यान्‍ते ङाइ इत तोनेःनाङ्‌स दा। सुसुखेइ रेव्‌तो जाङ्‌ह्‌मानौ रेव्‌तोमा नोःलेःनौ ओउःकोः रेव्‌तो हायःओलेः परमेस्‍वर्‌ क्‍युम्‍ह्‌ताक्‌सापाय् ग्‍यालेःनाः सुसुखेइ परमेस्‍वर्‌कोः ग्‍वालामःकायः रेव्‌तो नोःचै ओउःकोः रेव्ओपाय् गलकायःमा क्‍युम्‍ह्‌सा दोःल बा।

मत्ती 15:7

नीङ्‌लो लेखा माःती तोओलम्‌कायः तय्‍ह्‌ती एसाया त तोओइ उय्‍ह्‌ले परमेस्‍वर्‌कोः कुरा चीःती लेखआकान् बा।

युहना 1:19

ओहाङःसैको यात्‌दीन्‌हाङः यहुदीलम्इ यरुसालेम्‌सै पुरोहीत्‌लम्‌मा लेवीत तोओ मन्‍दीर्‌हाङः काम् जाङ्‌ह्ओमयःमा ल्‍होक्आथास “इ युहना त तोओ ‘सुखेलो’ ” त लयः चीःताक्‌सा थेङा ओउःकःताङ् सायःती योसाकायः ल्‍होक्आथास। ओउः ल्‍होक्‌ती वाङ्ओलम्‌पाय् युहनाकःहाङः दाह्‌ती “लौ नाङ् सुलोतेः खेःतेःनाः” त व्‍हत्‌थातो

युहना 10:20

“लौ ओउःकायःपाय् लान्इ आन ब्रःताक्ओ लेःआः बा। ओउःकोः कुरा सायःलाम्” त यात्‌नीस् दाय्‍ह्‌ती

युहना 13:13

ङाकायःपाय् गुरु तमा तोतेःनानाङ्‌स प्रभु तमा तोतेःनानाङ्‌स ओउःत तोसापाय् स्‍याव्‌लेःनाः नीङ्‌कोः गुरुमा प्रभुमा खेःलेःआनाङः।

युहना 4:9

“अहै गत हायःती नाङ् यहुदीकोः मान्‍ताइ ङालो लेखा समारीयाकोः मोमःचोःकः तीः तेतेःनाः” त दाय्‍ह्‌ती ओउः मोमःचोः ग्‍याङ्‌ह्‌ती दाय्‍ह्आ दोह् हायःती दाय्‍ह्‌सा ओउः बेलाहाङः यहुदीलम्इ समारीया देस्‌सै वाङ्ओमयःकः अह्र्ती ब्राङ्‌काय्‌सा ग्‍याइली।

युहना 7:20

“खेःल नाङ्‌कायः लान्इ ङायःती ब्रःताक्‌तेःनाः बा। सुसुइ नाङ्‌कायः सात्‌सा बोङःतेःचनै र” त दाय्‍ह्‌ती ओउः हुम्‌ती मुओलम् त्‍याङ्आकाय्।

युहना 8:22

“लौ ओउःइपाय् दोह् हायःती ‘ङा आल्ओहाङः नीङ्‌खे आल्‌सा दोःतेःइली’ त तोनाःतय्‍ही ती ओउःपाय् लयः सात्‌सा बोङःनाःस यादो” त दाय्‍ह्‌ती ओउः यहुदीलम् लयःकुस् नोःकाय्आकाय्।

युहना 8:52

येसुइ ओउःत तोओ सायःआक्‌तीको “लौ द्याह् नाङ्‌कायः ‘लान्इ ब्रःताक्‌तेःआ’ त दोङ्‌सीलेः चीःनेःनाङ्‌सु बा। आब्राहाम्‌मा सीओ लेःआः ओउः परमेस्‍वर्‌कोः कुरा छ्यानःओमयःमा सीओ लेःआः बा। दोह् हायःतीतेः ‘लौ सुसुइ ङाइ तोओ कुराकः ग्‍याती मुचै ओउःलेः गलमा सीतो स्‍याव्इली’ त नाङ्इ तोतेःनौ रैस।

रोमी 15:3

ओउःतलेः ख्रीस्इलेः हायःआकान् ओउःइपाय् लयःकायः म्रोताक्‌सा गलमा बोङःउलु। ओहाङःसैको इ कुरापाय् परमेस्‍वर्‌कोः आखरःहाङः लेखती मुनाः “लौ नाङ् परमेस्‍वर्‌कायः रेव्‌तो नोःओ कुरापाय् ङाकःहाङः वाङ्ओ लेःआः” त दाय्‍ह्ओ लेखती मुनाः।

हेब्रैनी 13:13

ओउःत झ्‍यान्‍ते ङीमा येसुकःताङ् बाहीर आल्‌ती ओउःकुस् ब्राङ्‌तीलेः ब्‍लाय्‍क्‌सीःओ स्‍याव्‌पाःतय्‍ही

याकुब् 2:19

“यातैज्‍याङ् परमेस्‍वर्‌ लेःआः” त दाय्‍ह्ओ नाङ्इ ङ्‌हाम्‌तेःनौया ओउःपाय् पेसापाय् पेलेःनाः बुरु लान्‌लम्इमा ओउःतलेः ङ्‌हाम्‌ती “लोनेः ङी न्‍युम्‍ह्‌तो स्‍याव्‌नाङी” त चीःती ओउः लान्‌लम् रैतीलेः रीङ्‌ह्‌नै।