युहना 8:42 - चेपाङ

⁴² “लौ नीङ्‌कोः आपा दोङ्‌सी परमेस्‍वर्‌ लेःआः त खेःया नीङ्इ ङाकायःतेः राप्‌तेःचानानाङ्‌स खेःतेःइतो दोह् हायःती दाय्‍ह्‌सा ङाखे परमेस्‍वर्‌कःसै दाह्‌ती वाङ्ओआः ङ। ङा लयः झाक्‌राय्‌कोः वाङ्ओ खेःङल ङाकायः परमेस्‍वर्‌इलेः ल्‍होक्आताङः बा।

युहना 8:42 ပူးပေါင်းရင်းမြစ်များ

युहना 1:14

ओहाङःसै ओउः नोःराय् त तोओपाय् मान्‍तालेः स्‍याव्‌ती ङीकःहाङः याक्‌ती मुओ खेःतो। ङीकःहाङः याक्‌ती मुतोक्‌हाङः ओउःपाय् दोङ् कुरा स्‍यान्‌ती मान्‍तालम्‌कायः योनःती योती आन बाल्‌ती जाङ्‌ह्आकान्। बेला बेलाहाङः ओउःकायः परमेस्‍वर्‌कोः ल्‍हुङ्‌गोरे चोःलो लेखा अङ्‌ग थङ्‌ग त पेओमा ताङ्‌ह्ओमा च्‍यवःआलाङःसु।

युहना 12:49

ङा लयः नोःओ खेःङल। ङाइ नोःओ कुरा ङ्‌हाहाङःलेः ङाकायः ल्‍होक्ओ आपाइ स्‍यान्‌ती बयःआताङः।

युहना 13:3

येसुखेइ “लौ ङाकायःपाय् ङाकोः आपाइ सबै ग्‍वम् बयःओआः बा। ङा ओउःकःसै वाङ्ओ लेःआः ङ ओउःकःताङ् पाय्‍ह्‌सा” त चीःआकास।

युहना 14:10

ङा आपाकुस् ब्राङ्‌तोलेः मुनाङः ओउः ङाकुस्‌मा ब्राङ्‌तोलेः मुनाः। ओउःत ङ्‌हाम्‌तेःउलुया। लौ ङाइ तोओ कुरा लयःकोः ल्‍हुङ्‌सै खेःल ङाकुस् ब्राङ्‌ती मुओ आपाइ इ कुरा जाङ्‌ह्‌नौ बा।

युहना 16:30

‘नाङ्इ मान्‍ताकोः ल्‍हुङ्‌कोः कुरामा सबै कुरामा चीःती झ्‍यान्‍ते सुइमा नाङ्‌कायः व्‍हत्‌सा परइली’ त ङीइ द्याह् चीःनाङःसु ओउःत हायःती नाङ्‌पाय् ‘दोङ्‌सीलेः परमेस्‍वर्‌कःसै वाङ्ओतेःआः’ त ङीइ ङ्‌हाम्‌नाङःसु” त दाय्‍ह्‌ती येसुकुस् वाह्ओमयःइ तोआथै।

युहना 17:25

लौ नाङ् जय्‌कुमःओ आपाय ओउः ल्‍हाव्‍ह्‌दैबाङ्‌हाङः मुओलम्‌खेइ नाङ्‌कायः तय्‍ह्‌तेःल ङाखेइ तय्‍ह्‌नेःनाङ्। ङाकायःपाय् नाङ्इ ‘ल्‍होक्ओआः’ त इ ङाकुस् वाह्ओमयःइ चीःनानी।

युहना 17:8

दोह् हायःती दाय्‍ह्‌सा नाङ्इ बयःओ कुरा ङाइ सबै तोआलाङःसु तोआक्‌तीको ओउःमयःइ ङ्‌हाम्‌ती सायःती झ्‍यान्‍ते ङाकायःपाय् ‘आपाकःसै ल्‍होक्ओआः’ तमा ‘ओउःकोः कुरा आपाकोः लेःआः’ तमा द्याह् पेतोलेः चीःनानी।

युहना 3:17

ल्‍हाव्‍ह्‌दैबाङ्‌कोः मान्‍तालम्‌कायः गाल्‌तुम्‌ती नोःसाखेकायः परमेस्‍वर्‌इ लयःकोः चोः ल्‍होक्ओ खेःबाय्‌ल मान्‍ता दल्‌ताक्‌साखेकायः परमेस्‍वर्‌इ चोः ल्‍होक्आथै।

युहना 5:23

बयःआक्‌तीको आपालो लेखा एङःतो चोःकायःमा एङःतोलेः स्‍याव्‌नाः। सुसुइ चोःकायः एङःथाल ओउःइलेः चोः ल्‍होक्ओ आपाकायःमा एङःथाल।

युहना 5:43

“लौ ङा परमेस्‍वर्‌ आपाकःसै वाङ्‌ङोतो नीङ्इ ङाखेकायः रोम्‌सा ग्‍यातेःइली। अरु परमेस्‍वर्‌कःसै वाङ्‌मालो लयःकोः मय्‍ङ्‌हाङः वाङ्ओ मान्‍ताखेकायः नीङ्इ रोम्‌सा ग्‍यातेःनै बा।

युहना 8:14

“लयःकायः तोसापाय् तोङसतो ङाइ तोओपाय् दोङ्‌सी लेःआः बा दोह् हायःती दाय्‍ह्‌सा ‘ङापाय् गाःहाङःसै वाङ्ओआः ङ गाःताङ् आल्‌साआः ङ’ त ङाखेइ लयः चीःनाङःस नीङ्‌खेइ ङाकायः ‘गाःहाङःसै वाङ्ओआः गाःताङ् आल्‌साआः’ त चीःतेःनीली।

१ कोरीन्‍थी 16:22

सुसुइ प्रभुकायः राप्‌नीली ओउःकायः पेमालो स्‍याव्‌पै। मरनाथा त तोसा “प्रभुय वाङ्अ दै”

गालाती 4:4

ओउःतलेः जाङ्‌ह्‌तय्‍ह्‌नीतो क्रोःओ दीन् पुत्आक्‌तीको परमेस्‍वर्‌इ लयःकोः चोः ल्‍होक्आथै। ओउःकोः चोःपाय् मोमःचोःसै दोःओआः ऐन्‌कोः कुरा जाङ्‌ह्‌सा खेःओ मान्‍ता खेःतो।

१ युहना 4:14

परमेस्‍वर्‌ आपाइ लयःकोः चोः सबैकायः दल्‌ताक्‌सा थेङा ल्‍हाव्‍ह्‌दैबाङ्‌ताङ् ल्‍होक्आकान्। ओउःत ङीइ च्‍यवःती झ्‍यान्‍ते थोल्‍ह्‌ती तोनाङःसु।

१ युहना 5:20

फेरी परमेस्‍वर्‌कोः चोः वाङ्‌ती ङीकायः व्‍हाय्‌ताक्आतय्‍ही ओहाङःसै ङीइ दोङ् परमेस्‍वर्‌कायः तय्‍ह्‌सा खाय्‌नाःतय्‍ह्‌नी। ओउःतलेः चीःनाःतय्‍ह्‌नी फेरी ङीपाय् ओउः दोङ् परमेस्‍वर्‌कुस्‌लेः ओउःकोः चोः येसु ख्रीस्‌कुस् मुनाःतय्‍ही। ओउःपाय् दोङ् परमेस्‍वर्‌ लेःआः ओउःइ गलमा द्युम्‌मालो रौ जीङः बयःनौ बा।

प्रकाश 22:1

ओहाङःसैको ओउः ल्‍होक्ओमयःइ ओउः जीङः बयःसा तीः खोला छ्यानःआताङः। ओउः तीःपाय् आन पेओ छेर्‌लीङ्‌त प्‍लीङ्‌ह्‌ती झेल्ओ तीःलेः खेःतो। परमेस्‍वर्‌कोःमा ओउः भेदाकोः चोःकोःमा च्‍युङःती मुओ थाव्‌सै ओउः तीः ग्‍ल्‍युङ्‌ह्‌ती वाङ्‌ती