युहना 8:21 - चेपाङ

²¹ ओहाङःसैको “लौ ङा इसै आल्‌नाङः। आल्आक्‌तीको नीङ्इ ङाकायः बोङःतेःनाङ्‌सतो लयःकोः रेव्ओ काम् क्‍युम्‍ह्‌माःत सीतेःनै ओउःत झ्‍यान्‍ते ङा आल्ओहाङः नीङ्‌खे वाङ्‌सा दोःतेःइली” त दाय्‍ह्‌तो येसुइ तोआकान्।

युहना 8:21 ပူးပေါင်းရင်းမြစ်များ

मत्ती 23:39

लौ द्याह्‌हाङःसै ङाकायःतेः च्‍यवःतेःनानाङ्‌सल। परमेस्‍वर्‌इ ल्‍होक्ओ मान्‍ताकायः ‘लौ भालातेः वाङ्‌तेःआ नाङ् परमेस्‍वर्‌कःसै वाङ्ओ चाक्‌तेःआः’ त नीङ् दाय्‍ह्‌ती नोःआक्‌तीको ह ङाकायः फेरी च्‍यवःसा दोःतेःनै” त येसु दाय्‍ह्‌ती दाय्‍ह्आ।

मत्ती 25:41

ओहाङःसैको पेओलम्‌कः त्‍याङ्आक्‌तीको ओउः राजापाय् ओउःकोः वेःदोहाङः मुओ रेव्ओलम्‌कःताङ् ल्‍हेःती ‘लौ नीङ्‌कायःतेः परमेस्‍वर्‌इ न्‍युम्‍ह्‌ताक्‌तेःनै। ओउः सैतान्‌कायःमा ओउःकुस् मुओलम्‌कायःमा तय्‍क्ओ गलमा म्‍हीत्‌मालो म्‍हेःताङ् आलःतेःपै।

मत्ती 25:46

लौ इ रेव्ओलम्‌खेपाय् गलकायःमा न्‍युम्‍ह्‌तो स्‍याव्‌पै ओउः पेओलम्‌खे गलमा द्योक्‌मालो रौ जीङः दोःपै’ त दाय्‍ह्‌ती राजाइ तोनाःथास” त दाय्‍ह्‌ती येसुइ लयःकुस् वाह्ओमयःकायः स्‍यान्आथास।

युहना 12:33

येसुइ लयः क्‍ल्‍याय्ओ सीङःहाङः सात्‌सा कुरा छ्यानःती तोआथास।

युहना 12:35

“लौ नीङ्‌कःहाङः ङा मुओहाङः थोङ्‌तो स्‍याव्‌ती मुधाङ्‌नाः लोनेः च्‍याक्‌तोलेः स्‍याव्‌नाः। ओउः थोङ्‌तो मुओहाङः पेओ काम् जाङ्‌ह्‌ती वाह्‌न दा लोनेः च्‍याक्‌तो स्‍याव्ओहाङः च्‍यवःती वाह्‌सामा दोःल काम् जाङ्‌ह्‌सामा दोःल।

युहना 13:33

लौ ङाकोः हौलम्‌य नीङ्‌कुस्इ ङा द्याह् ज्‍याङःतो मुङल। आल्आक्‌तीको ङाकायःतेः बोङःतेःनाङ्‌सतो ङा आल्ओहाङः नीङ्‌खे आल्‌सा दोःतेःइली। ओउःतलेः ङाइ यहुदीलम्‌कायःमा तोआलाङः।

युहना 7:34

पाय्‍ह्आक्‌तीको ङाकायः बोङःतेःनाङ्‌सतो ङाकायः च्‍यवःतेःनाङ्‌सल। ङा आल्ओहाङः नीङ्‌खे आल्‌सा खाय्‌तेःनीली” त दाय्‍ह्‌ती येसुइ तोआथास।

युहना 7:36

लौ ‘ङाकायः बोङःतेःनेःनेःनाङ्‌सतो ङाकायः च्‍यवःतेःनाङ्‌सल ङा आल्ओहाङः नीङ्‌खेइ आल्‌सा खाय्‌तेःनीली’ त दाय्‍ह्‌ती ओउःइ दोह् हायःती तोआतय्‍ही” त दाय्‍ह्‌ती ओउः हुम्ओलम् लयःमयः नोःकाय्आकाय्।

युहना 8:24

ओउःत झ्‍यान्‍ते ‘नीङ्‌पाय् रेव्ओ काम् क्‍युम्‍ह्‌माःत सीतेःचै’ त दाय्‍ह्‌ती तोनेःआलाङ्‌स। ङाइ लयःकायःपाय् ‘ङापाय् ओउः लेःआः ङ’ त तोनाङ्‌स ओउः ङाइ तोओ कुरा नीङ्इ ङ्‌हाम्‌तेःनीली ओउःत झ्‍यान्‍ते नीङ् रेव्ओ क्‍युम्‍ह्‌माःत सीतेःचै” त दाय्‍ह्‌ती येसु दाय्‍ह्‌तो

एफेसस् 2:1

ङ्‌हापाय् नीङ्इ रेव्‌तो काम् जाङ्‌ह्‌ती झ्‍यान्‍ते सीती वाय्ओलम् खेःतेःइतो।