5 ओउःमयःइ येसुकायः ङ्हाम्मालो खेःइतो।
ओहाङःसैको हुम्ओलम्कायः एत तोतोक्हाङः येसुकोः आमामा हौचोङ्लम्मा ओउःकुस् नोःलाङ् कीम् बाहीरहाङः दाह्ती वाङ्आकाय्।
“लौ येसुकायः नाःतोलम् हुम्ती वाङ्ती कोन्आथै” त दाय्ह्ती दाय्ह्ओ येसुकोः लयःकोः मान्तालम्इ सायःती ओउःकायः चुम्ती त्युत्लाङ् वाङ्आकाय् “लौ इ येसुपाय् लयः दोह् दोह् हायःओ त चीःताङःसल ब्रःती मुताङःनाः बा” त दाय्ह्ती नोःकाय्ती वाङ्आकाय्।
ओहाङःलेः मुआ ओहाङःसैको ओउःकोः हौचोङ् आल्आक्तीको येसुमा यरुसालेम्ताङ् अरुइ चीःमाःत आल्आ।
ओउः छ्यात् दाह्खेःतोक्हाङः येसुकोः हौचोङ्लम् ओउःकःताङ् वाङ्ती “लौ इहाङः फेती यहुदीया अन्चल्ताङ् आल्अ दै। ओहाङः आल्ती लयःकुस् वाह्ओमयःकायःमा ग्याङ्ह्राय् छ्यानःसा खाय्तेःनौ।
सुइलो अरुकायः स्यान्सा म्हर्चै ओउःपाय् काम् जाङ्ह्तोक्हाङः नुकुती वाह्इली। नाङ्इ ताङ्ह्ओ काम् जाङ्ह्तेःनौ ओउः काम्पाय् सबैकायः छ्यानःउ दा” त दाय्ह्ती येसुकोः लयःकोः हौचोङ्इ तोआथै
