युहना 7:39 - चेपाङ39 ओउः तीः त तोसापाय् परमेस्वर्कोः ग्वालामः लेःआः। ओउः बेलाहाङःपाय् येसु आपाकःताङ् पाय्ह्ती ताङ्ह्धाङ्आक्ल त झ्यान्ते परमेस्वर्कोः ग्वालामःपाय् ङ्हाम्ओलम्कायः बयःधाङ्आक्मालो खेःतो। အခန်းကိုကြည့်ပါ။ |
युहना 7:39
42 ပူးပေါင်းရင်းမြစ်များ
ओहाङःसैको ओउः ङ्हा सीओ मान्तापाय् च्योक्ओ लेःआः त च्यवःती एत च्यवःओ मान्तालम्इ आन रैती “दोङ्सीलेः ङीकःहाङः यात्चाक् आन ताङ्ह्ओ परमेस्वर्कोः कुरा छ्यानःओ मान्ता दाह्आबत्आतय्ही बा” त दाय्ह्तीमा “परमेस्वर्पाय् लयःकोः मान्तालम्कायः दल्ताक्लाङ् वाङ्ओ लेःआः बा” त दाय्ह्तीमा परमेस्वर्कायः लुङ्तीमा ताङ्ह्ताक्तीमा तोआकानी।
‘ “लौ स्याङ्ह्ससै लोन्दोहाङः ङाकोः ग्वालामः सबै मान्ताकोः जात्लम्कायः बयःनाङःसु” त दाय्ह्ती परमेस्वर्इ तोआकान्। “ओउः बेलाहाङः नाङ्कोः गोय्चोःलम्मा मोमःचोःलम्इमा लोन्ते स्याव्सा कुरा ङ्हाहाङःसै छ्यानःती तोनानी। नीङ्कोः लाव्मयःलम्इमा नीङ्कोः बुधालम्इमा माङःखाहाङः परमेस्वर्कोः कुरा च्यवःनानी।
ओहाङःसैको द्याह् येसुपाय् परमेस्वर्कोः ङोय्दोहाङः मुओ सबैसै व्हाय्ओ गुल्ह्दाङ् स्याव्नाः। ओउःपाय् एत ताङ्ह्तोलेः स्याव्ओआः ओहाङःसैको परमेस्वर्इ ङ्हा तोओलो लेखा येसुइ परमेस्वर्कोः ग्वालामः दोःती ओउः ग्वालामःपाय् मान्तालम्कायः ल्होक्आकान्। इ मान्तालम्कःताङ् ल्होक्आक्तीको नीङ्इ मेस्खा च्यवःओ मेस्खा सायःओ ग्याङ्ह्सीःओ काम् स्याव्आ।
“लौ लःलयःकोः रेव्ओ काम् फेती परमेस्वर्कःताङ् द्यान्ह्ती ओउः पेओ काम् ग्यान। ओहाङःसैको नीङ्कः परमेस्वर्कोः ल्हुङ् मल्ह्ओ ल्हुङ्पाय् स्याक्आनाः। फेरी नीङ्इ एत हायःओ त छ्यानःसाकायः येसु ख्रीस्कोः मय्ङ् पेह्ती तीःहाङः बाप्तीस्मा त्याक्नु दा। ओउःत हायःआक्तीको नीङ्कायःमा परमेस्वर्कोः ग्वालामः दोःतेःनै।
इ स्याक्ताक्साकायः ङीकोः आय्कानः तोकानःइ झाह्ती तोओ परमेस्वर्इ जाङ्ह्आकान्। ङीकोः आब्राहाम् इसाक् र याकुब् त तोओ तोकानःलम्इ झाह्ओ परमेस्वर् ओउःइलेः लयःकोः काम् जाङ्ह्ओ येसुकायः ताङ्ह्तो स्याव्ताक्साकायः इ मेस्कोः ग्याङ्ह्राय् जाङ्ह्ताक्आकान्। नीङ्खेइ इ येसुकायः चुम्ती पानःआक्तीको ओउः पीलातस् त तोओ अन्चलादीस्कःताङ् दाक्तेःआकानी। दाक्आक्तीको पीलातस्खेइ येसुकायः फेसा बोङःउतो ती नीङ्खेइ ‘ओउःकायः फेलाम्’ ततेः तोतेःआकानी।
ကြော်ငြာတွေ