युहना 7:29 - चेपाङ

²⁹ ङाखेपाय् ओउःकःसै वाङ्‌ती झ्‍यान्‍ते ओउःकायः तय्‍ह्‌ती चीःलेःनाङः” त दाय्‍ह्‌ती येसु मन्‍दीर्‌हाङः सबैकायः थोल्‍ह्‌ती तोआथास।

युहना 7:29 ပူးပေါင်းရင်းမြစ်များ

मत्ती 11:27

ङाकोः परमेस्‍वर्‌ आपाइ सबै कुरालेः स्‍यान्‌साकायःमा जाङ्‌ह्‌साकायःमा बयःआताङः। चोःकायःपाय् आपाइ ह तय्‍ह्‌नाःथै चोःइमा ह आपाकायः तय्‍ह्‌नौ। अरुइ आपाकायःमा चोःकायःमा तय्‍ह्‌नीली सुसुखेकायः चोःइ छ्यानःआथै ओउः मान्‍ताइ ह परमेस्‍वर्‌ आपाकायः तय्‍ह्‌नानी।

युहना 1:18

परमेस्‍वर्‌कायः सुइमा च्‍यवःनीली ओउःकोः यातैज्‍योः गोय्‌चोःइलेः ह लयः आपाकुस् द्याङ्‌तो मुती ओउः आपाकायः मान्‍ताकःताङ् छ्यानःआथै।

युहना 13:3

येसुखेइ “लौ ङाकायःपाय् ङाकोः आपाइ सबै ग्‍वम् बयःओआः बा। ङा ओउःकःसै वाङ्ओ लेःआः ङ ओउःकःताङ् पाय्‍ह्‌सा” त चीःआकास।

युहना 17:18

नाङ्इ ङाकायः ल्‍हाव्‍ह्‌दैबाङ्‌कोः मान्‍तालम्‌कःताङ् ल्‍होक्‌तेःआची ओउःतलेः ङाइ ओउःमयःकायः ल्‍हाव्‍ह्‌दैबाङ्‌कोः मान्‍तालम्‌कःताङ् ल्‍होक्आलाङःसु।

युहना 6:46

आपाकायः सुइमा च्‍यवःआक्‌नीली परमेस्‍वर्‌इ ल्‍होक्ओचाक् ह ओउःइलेः च्‍यवःआकान्।

युहना 8:55

खेःल ओउःकायः नीङ्‌खेइ गलकायःमा तय्‍ह्‌तेःनीली ङाखेइ तय्‍ह्‌नाङः। ओउःकायः ‘ङाइ तय्‍ह्‌ङल’ त ङाइ तोचेःनाङ्‌सतो त खेःया ङापाय् नीङ्‌लो लेखा माःरेव् स्‍याव्‌चाङः खेःतो। ओउःकायः ङाइ तय्‍ह्‌मानाङः ओउःकोः कुरा ग्‍यातीलेः सायःमानाङः।

१ युहना 1:2

ओउः जीङः बयःओचाक्‌पाय् ङ्‌हापाय् ओउःकोः आपाकुस् मुओ खेःतो ओहाङःसैको थाआक्‌तीको ङीइ ओउःकायः च्‍यवःती झ्‍यान्‍ते ओउः गलकायः स्‍याव्‌सा जीङः बयःओकोः कुरा द्याह् “दोह्‌लो” त दाय्‍ह्‌ती छ्यानःनेःनाङ्‌स।

१ युहना 4:14

परमेस्‍वर्‌ आपाइ लयःकोः चोः सबैकायः दल्‌ताक्‌सा थेङा ल्‍हाव्‍ह्‌दैबाङ्‌ताङ् ल्‍होक्आकान्। ओउःत ङीइ च्‍यवःती झ्‍यान्‍ते थोल्‍ह्‌ती तोनाङःसु।

१ युहना 4:9

ङी रौ जीङः दोःताक्‌साकायः परमेस्‍वर्‌इ लयःकोः ल्‍हुङ्‌गोरे चोःलेः इ ल्‍हाव्‍ह्‌दैबाङ्‌ताङ् ल्‍होक्आकान्। एत हायःतीलेः ओउःइ ङीकायः आन राप्ओ त छ्यानःआतय्‍ही।