युहना 7:28 - चेपाङ28 “दोङ्सीलेः ङाकायः नीङ्इ तय्ह्तीमा चीःतेःनेःनेःनाङ्स ङा गाःहाङःसै वाङ्ओमा चीःतेःनानी बा। ङापाय् लयः वाङ्ओलेः खेःल ङाकायः ल्होक्ओपाय् दोङ् परमेस्वर् लेःआः बा। ओउःकायः नीङ्खेइ तय्ह्ती चीःतेःनीली အခန်းကိုကြည့်ပါ။ |
युहना 7:28
46 ပူးပေါင်းရင်းမြစ်များ
ङाकोः परमेस्वर् आपाइ सबै कुरालेः स्यान्साकायःमा जाङ्ह्साकायःमा बयःआताङः। चोःकायः आपाइ ह तय्ह्नाःथै ओउः चोःइ ह परमेस्वर् आपाकायः तय्ह्नौ। अरुइ आपाकायःमा चोःकायःमा तय्ह्नीली। सुसुखेकायः ओउः चोःइ लयः झाक्ती छ्यानःनाःथास ओउः मान्तालम्इ ह परमेस्वर् आपाकायः तय्ह्नानी” त दाय्ह्ती येसु दाय्ह्आ।
यात्दीन्हाङः नीकोदेमस्पाय् येसुकःताङ् याह्दीङ्हाङःलेः वाङ्आ। येसुकःताङ् वाङ्ती “लौ गुरुय नाङ्पाय् परमेस्वर्कःसै स्यान्लाङ् वाङ्ओ मान्ता लेःतेःआः बा। नाङ्इ इच्युक् पेओ ग्याङ्ह्राय् जाङ्ह्ती झ्यान्ते परमेस्वर् नाङ्कुस् मुनाः त ङीइ चीःनाङःसु। परमेस्वर्पाय् ओउःकुस् ब्राङ्ती मुमाया सुइमा इ काम् जाङ्ह्सा खाय्नीली” त दाय्ह्ती नीकोदेमस् दाय्ह्आ।
परमेस्वर्इ तोती गम्ओ कुरापाय् दोङ् ङ्हाम्सीःओ कुरा लेःआः बा। माःहै मान्तालम्खेपाय् सबै माःओलेः मुचै त खेःया परमेस्वर्खे दोङ्सीःओ मुलेःनाः। ओउःकोः आखरःहाङः “लौ त्यानःकाय्ती नोःतोक्हाङःमा तय्छनःती योओ बेलाहाङःमा नाङ्कोः कुरा दोङ् पेओ कुरा लेःआः त सबैकायः छ्यानःसाआः” त दाय्ह्ओ परमेस्वर्कायः तोओ कुरा आखरःहाङः लेखती मुनाः।
एतलेः तोतीमा कीरीया जेःतीमा परमेस्वर्इ नीस्ज्योः जुगाङ् क्लोय्क्सा खाय्मालो कुरा गम्आकान्। इनीस् कुराकायःमा दोह् कुराकायःमा ओउःइ गलमा माःसा खाय्उलु। ओउःत झ्यान्ते “ङी परमेस्वर्कःताङ् दल्साकायः वाङ्ओलम् ओउःकोः तोती गम्ओ कुरा दोःनाःतय्ही” त दाय्ह्ती चीःती ल्हुङ् धोमाय्तो स्याव्नाःतय्ही।
ကြော်ငြာတွေ