युहना 7:16 - चेपाङ

¹⁶ “लौ ङाइ स्‍यान्ओ कुरापाय् ङाकोः लयःकोः ल्‍हुङ्‌सै खेःल ङाकायः ल्‍होक्ओ परमेस्‍वर्‌कःसै वाङ्‌नाः।

युहना 7:16 ပူးပေါင်းရင်းမြစ်များ

युहना 14:10

ङा आपाकुस् ब्राङ्‌तोलेः मुनाङः ओउः ङाकुस्‌मा ब्राङ्‌तोलेः मुनाः। ओउःत ङ्‌हाम्‌तेःउलुया। लौ ङाइ तोओ कुरा लयःकोः ल्‍हुङ्‌सै खेःल ङाकुस् ब्राङ्‌ती मुओ आपाइ इ कुरा जाङ्‌ह्‌नौ बा।

युहना 14:24

सुसुइ ङाकायः राप्‌ताङःल ओउःइलेः ङाइ तोओ कुरा जाङ्‌ह्‌नीली। फेरी ङाइ तोओ कुरा ङाकोः ल्‍हुङ्‌तुक्‌कोः खेःल ङाकायः ल्‍होक्ओ आपाकोः कुरा लेःआः।

युहना 17:14

ओउःमयःकायः नाङ्‌कोः स्‍यान्ओ कुरा तोङुसुतो ओउःमयःपाय् ङालो लेखा ल्‍हाव्‍ह्‌दैबाङ्‌कोः खेःइली। ङालो लेखालेः ल्‍हाव्‍ह्‌दैबाङ्‌कोः मान्‍तालम् ओउःमयःकः अह्र्नै।

युहना 17:8

दोह् हायःती दाय्‍ह्‌सा नाङ्इ बयःओ कुरा ङाइ सबै तोआलाङःसु तोआक्‌तीको ओउःमयःइ ङ्‌हाम्‌ती सायःती झ्‍यान्‍ते ङाकायःपाय् ‘आपाकःसै ल्‍होक्ओआः’ तमा ‘ओउःकोः कुरा आपाकोः लेःआः’ तमा द्याह् पेतोलेः चीःनानी।

युहना 3:11

दोङ्‌सी दाय्‍ह्‌भनाङ् ङीइपाय् लयः च्‍यवःओमा लयः चीःओमा तोनेःनाङ्‌सतो ङीइ तोओकायः ङ्‌हाम्‌तेःनीली।

युहना 3:31

ओउः त्‍यावःअसै ग्‍ल्‍युङ्‌ह्‌ती वाङ्ओ चाक्आः अरुसै च्‍योन्‍ह्आनाः। ङाखेपाय् कामःअ ल्‍हाव्‍ह्‌दैबाङ्‌सै वाङ्ओआः ङ ल्‍हाव्‍ह्‌दैबाङ्‌कोःलेः मुनाङः ओउःत झ्‍यान्‍ते ङाइ इ कामःअकोः कुरा ह चीःती तोनाङः। ओउः लाङ्‌कासै वाङ्ओखेपाय् सबैसै ताङ्‌ह्‌लेःनाः बा।

युहना 5:30

ओउः तय्‌छनःती योसा काम् ङाकायः ल्‍होक्ओ आपाकोः ल्‍हुङ्‌तुक् आःताः चीःमाःत ङाइ दोह्‌मा जाङ्‌ह्‌सा खाय्‌ङल। ओउःत हायःती ओउः तय्‌छनःती योसा काम्‌पाय् ङाइ पेतोलेः जाङ्‌ह्‌नाङः लयःकायः खेःल ङाइ ल्‍होक्ओ परमेस्‍वर्‌कायः ह ओउः काम् जाङ्‌ह्‌नाङः।

युहना 6:44

ङाकोः आपाइ ल्‍हुङ् द्यान्‍ह्‌ताक्‌माःत सुमा ङाकःताङ् वाङ्इली। ओहाङःसैको वाङ्ओलम्‌कायः ओउः ल्‍हाव्‍ह्‌दैबाङ् पुत्ओ दीन्‌हाङः ङाइ उह्‌ती च्‍योक्‌ताक्‌नाङःसु।

युहना 8:28

ओहाङःसैको “लौ ङा मान्‍ताकोः चोःकायःपाय् नीङ्इ त्‍यावःअ च्‍युन्आक्‌तीको ङाकायःपाय् ‘ओउः लेःआः बा’ त तय्‍ह्‌तेःनाङ्‌स। ङाइ लयःझुङ्आले दोह्‌मा हायःङल। दोह्‌लो ङाकोः आपाइ स्‍यान्‌चाःताङः ओउःलेः ह ङाइ थोल्‍ह्‌ती तोनाङः।

२ युहना 1:9

सुसुखेइ येसुकोः स्‍यान्‌राय्‌कुस् अरु थे कुरा स्‍यान्‌ती तोचानी ओउःलेः परमेस्‍वर्‌कोः ल्‍हुङ्‌तुक् चीःनीली। ख्रीस्‌कोः स्‍यान्‌राय् झुङ्आले स्‍यान्ओमयःखेपाय् ओउःमयःइ परमेस्‍वर्‌ आपाकोः ल्‍हुङ्‌तुक्‌मा चीःनानी चोःकोः ल्‍हुङ्‌तुक्‌मा चीःनानी।

प्रकाश 1:1

इपाय् येसु ख्रीस्इ छ्यानःओ कुरा लेःआः। ओउःकोः लयःकोः काम् जाङ्‌ह्ओलम्‌कायः “रेन्‍ह्‌तोलेः वाङ्‌सा खेःओ कुरा दोह्‌लो” त स्‍यान्‌सा थेङा इ कुरा परमेस्‍वर्‌इ येसु ख्रीस्‌कायः बयःआथै। ओहाङःसैको येसुइ लयःकोः काम् जाङ्‌ह्ओ युहनाकायः इ कुरा छ्यानःसा थेङा यात्‌चाक् लाङ्‌कासै ल्‍होक्ओमयः ल्‍होक्आकान्।