युहना 7:15 - चेपाङ

¹⁵ ओउःकोः स्‍यान्‌तोक्‌हाङः ओउः यहुदीलम्इ सायःती “लौ इइपाय् गलमा इस्‍कुल्‌हाङः स्‍यान्‌मालो खेःतो गत हायःती ओउःच्‍युक् म्‍हुक्‌ती नोःसा चीःनौ द्याह्” त दाय्‍ह्‌ती ओउःमयः ग्‍याङ्‌ह्आकाय्।

युहना 7:15 ပူးပေါင်းရင်းမြစ်များ

मत्ती 22:22

येसु एत व्‍हाय्‌तोलेः त्‍याङ्ओ सायःती ओउःमयः आन ग्‍याङ्‌ह्‌ती पाय्‍ह्आकाय्।

मत्ती 22:33

ओउःत तोओ सायःती ओउः हुम्‌ती मुओलम् “ओउःइ आन व्‍हाय्‌तोलेः तोनौ बा” त दाय्‍ह्‌ती ग्‍याङ्‌ह्‌ती नोःकाय्आकाय्।

लुका 2:47

“लौ इच्‍युक् दीन् ज्‍याङःधाङ्‌मालो मान्‍तापाय् गत हायःती इलो खेःओ कुरा व्‍हाय्‌तोलेः चीःसा खाय्‌नौ र” त म्‍हर्‌ती ओउः स्‍यान्ओ मान्‍तालम् ग्‍याङ्‌ह्आकाय्।

लुका 4:22

ओहाङःसैको येसुइ इतलेः आन व्‍हाय्ओमा क्‍लोनःती तोओ कुरा स्‍यान्‌ती झ्‍यान्‍ते सायःओलम्इ आन ग्‍याङ्‌ह्आकाय् “ओउःपाय् इहाङःकोः युसेफ् त तोओकोः चोः लेःआः माःर” त दाय्‍ह्‌ती नोःकाय्आकाय्।

युहना 1:19

ओहाङःसैको यात्‌दीन्‌हाङः यहुदीलम्इ यरुसालेम्‌सै पुरोहीत्‌लम्‌मा लेवीत तोओ मन्‍दीर्‌हाङः काम् जाङ्‌ह्ओमयःमा ल्‍होक्आथास “इ युहना त तोओ ‘सुखेलो’ ” त लयः चीःताक्‌सा थेङा ओउःकःताङ् सायःती योसाकायः ल्‍होक्आथास। ओउः ल्‍होक्‌ती वाङ्ओलम्‌पाय् युहनाकःहाङः दाह्‌ती “लौ नाङ् सुलोतेः खेःतेःनाः” त व्‍हत्‌थातो

युहना 7:11

येसुपाय् अरुइ चीःमाःत आल्‌तो ओउः यहुदीकोः ताङ्‌ह्ओ मान्‍तालम्इ ओउःकायः बोङःआकानी “गाःताङ्‌लो मुनाः” त दाय्‍ह्‌ती नोःआकाय्।

युहना 7:13

नोःसापाय् ओउःमयः लयःकुस् नोःनीतो ओउः यहुदीकोः ताङ्‌ह्ओ मान्‍ताकः रैती झ्‍यान्‍ते सुमा फवःती नोःसा ग्‍याइली।

युहना 7:46

“ओउःइ तोओ नोःराय्‌पाय् अरु सुइमा तोआक्‌ल सायःधार्‌नालेः ङीइ चुम्‌सा खाय्‌ङुसुलु” त दाय्‍ह्‌ती सीपाहीलम् त्‍याङ्आकाय्।

खबरदुत 26:24

पावुल्इ ओउःतलेः तोतोक्‌हाङः “अ पावुल् नाङ् ल्‍हुङ् ब्रःतीलेः तोतेःनाः रैस। नाङ्इ आन नाःतो पह्रसा चीःती झ्‍यान्‍ते ब्रःतेःआ” त दाय्‍ह्‌ती फेस्‍तस् अन्‍चलादीस्इ सोतो गोःती तोआथै।

खबरदुत 4:13

एत तोआथास ओहाङःसैको पत्रुस्इ एतलेः फुती नोःओ सायःआक्‌तीको “लौ इनीस्इ गलमा इस्‍कुल्‌हाङः पह्रधाङ्‌चल गत हायःती इत व्‍हाय्‌ती चीःती नोःसा खाय्‌नाःचु र” त ओउःमयः ग्‍याङ्‌ह्‌ती म्‍हर्‌ती “इनीस्‌जा येसुकुस् वाह्ओ लेःआः च रैस बा” त म्‍हर्‌ती चीःनीतो