युहना 7:11 - चेपाङ

¹¹ येसुपाय् अरुइ चीःमाःत आल्‌तो ओउः यहुदीकोः ताङ्‌ह्ओ मान्‍तालम्इ ओउःकायः बोङःआकानी “गाःताङ्‌लो मुनाः” त दाय्‍ह्‌ती नोःआकाय्।

युहना 7:11 ပူးပေါင်းရင်းမြစ်များ

युहना 1:19

ओहाङःसैको यात्‌दीन्‌हाङः यहुदीलम्इ यरुसालेम्‌सै पुरोहीत्‌लम्‌मा लेवीत तोओ मन्‍दीर्‌हाङः काम् जाङ्‌ह्ओमयःमा ल्‍होक्आथास “इ युहना त तोओ ‘सुखेलो’ ” त लयः चीःताक्‌सा थेङा ओउःकःताङ् सायःती योसाकायः ल्‍होक्आथास। ओउः ल्‍होक्‌ती वाङ्ओलम्‌पाय् युहनाकःहाङः दाह्‌ती “लौ नाङ् सुलोतेः खेःतेःनाः” त व्‍हत्‌थातो

युहना 11:56

ओहाङःसैको यरुसालेम्‌कोः मन्‍दीर्‌ताङ् दाह्‌ती वाङ्आक्‌तीको “लौ गततेः ताःतेःचै येसुपाय् इ छ्यात् जाङ्‌ह्‌साकायः यरुसालेम्‌ताङ् वाङ्‌नाःया वाङ्‌लया” त दाय्‍ह्‌ती नोःकाय्‌ती येसुकायः बोङःआकानी।

युहना 7:1

ओहाङःसैको एत तोआक्‌तीको येसु गालील अन्‍चल्‌हाङः ब्‍याह्‌ती वाह्आकाय्। यहुदीलम्इ ओउःकायः सात्‌सा बोङःओ खेःइतो ओउःत झ्‍यान्‍ते यहुदीया देस्‌ताङ् आल्‌सा ग्‍याआक्‌ल।

युहना 7:13

नोःसापाय् ओउःमयः लयःकुस् नोःनीतो ओउः यहुदीकोः ताङ्‌ह्ओ मान्‍ताकः रैती झ्‍यान्‍ते सुमा फवःती नोःसा ग्‍याइली।

युहना 7:15

ओउःकोः स्‍यान्‌तोक्‌हाङः ओउः यहुदीलम्इ सायःती “लौ इइपाय् गलमा इस्‍कुल्‌हाङः स्‍यान्‌मालो खेःतो गत हायःती ओउःच्‍युक् म्‍हुक्‌ती नोःसा चीःनौ द्याह्” त दाय्‍ह्‌ती ओउःमयः ग्‍याङ्‌ह्आकाय्।

युहना 9:12

“ओउः मान्‍तापाय् द्याह् गाःताङ् मुनाः” त दाय्‍ह्‌ती व्‍हत्‌ती “चीःङल गाःताङ् आल्आ गाःताङ्” त दाय्‍ह्‌ती ओउः मान्‍ता त्‍याङ्‌लेःआ।