युहना 6:69 - चेपाङ

⁶⁹ ओउः कुरा ङ्‌हाम्‌ती ‘नाङ्‌पाय् परमेस्‍वर्‌कोः लयःकोः जय्‌कुमःत मुओ चाक्‌लेःतेः खेःतेःनाः’ त ङीइ तय्‍ह्‌ती चीःनाङःसु” त दाय्‍ह्‌ती पत्रुस् त्‍याङ्आ।

युहना 6:69 ပူးပေါင်းရင်းမြစ်များ

मत्ती 16:16

“नाङ्‌पाय् परमेस्‍वर्‌इ तोती गम्ओ ख्रीस् लेःतेःआः ओउः दोङ् जीङः नाःओ परमेस्‍वर्‌कोः चोःलेः” त दाय्‍ह्‌ती पत्रुस् त्‍याङ्आ।

मर्‌कस् 1:1

येसु ख्रीस् त तोओकोः पेओ समचार्‌कोः तुङः इलेःआः। ओउः येसु ख्रीस् त तोओपाय् परमेस्‍वर्‌कोः गोय्‌चोःचोःलेः खेःनाः बा।

मर्‌कस् 1:24

ओउःखेइ गोःती “अ नाङ् नासरेत्‌कोः येसुय। नाङ्इ ङीकायः दोह् हायःलाङ् वाङ्‌तेःआ। ङीकायः ह्र्योङःताक्‌लाङ् वाङ्ओतेःआः यादो। लौ नाङ्‌कायः ङाइ तय्‍ह्‌लेःआनाङः बा। नाङ्‌जा परमेस्‍वर्‌कोः जय्‌कुमःत मुओ चाक् लेःतेःआः बा” त दाय्‍ह्‌ती तोथातो।

मर्‌कस् 8:29

“लौ नीङ्‌खेइ गततेः तोतेःनानी” त दाय्‍ह्‌ती येसुइ व्‍हत्‌थासतो “नाङ्‌पाय् परमेस्‍वर्‌इ तोती गम्ओ ख्रीस् लेःतेःआः” त दाय्‍ह्‌ती पत्रुस् त्‍याङ्आ।

लुका 9:20

“नीङ्‌खेपाय् गततेः नोःतेःनै” त दाय्‍ह्‌ती येसुइ व्‍हत्आथास “नाङ्‌पाय् परमेस्‍वर्‌इ तोती गम्ओ ख्रीस् लेःतेःआः” त दाय्‍ह्‌ती पत्रुस् त्‍याङ्आ।

युहना 1:29

ओहाङःसैको उनम्‌कोः स्‍याङ्‌ह्‌लोहाङः येसु वाङ्‌धै वाङ्ओलेः युहनाइ च्‍यवःआकान् “लौ इपाय् ल्‍हाव्‍ह्‌दैबाङ्‌कोः मान्‍ताकायः रेव्ओ काम् क्‍युम्‍ह्‌ताक्‌सा चाक् लेःआः। ओउःपाय् परमेस्‍वर्‌कायः ल्‍हाती सात्‌सा भेदाकोः चोःलो लेखा लेःआः।

युहना 1:41

येसुकुस् मुआक्‌तीको अन्‍द्रीयस् त तोओइ ङ्‌हा लयःकोः हौ बोङःलाङ् आल्आ। हौकायः बोङःती क्रुस्आक्‌तीको “लौ हौय नीचीइ ओउः वाङ्‌सा खेःओ मासी त तोओ च्‍यवःआलाङःचु” त दाय्‍ह्‌ती तोआथै। ओउः “मासी” त तोसापाय् ओउः वाङ्‌सा खेःओ ख्रीस् लेःआः। एत तोआक्‌तीको अन्‍द्रीयस्इ लयःकोः हौकायः येसुकःताङ् वानःआथै।

युहना 10:36

ओउःत झ्‍यान्‍ते ङा परमेस्‍वर्‌इ छ्युङ्‌ह्‌ती ल्‍हाव्‍ह्‌दैबाङ्‌ताङ् ल्‍होक्ओ चाक्‌खेइ ‘ङा परमेस्‍वर्‌कोः चोः लेःआः ङ’ त तोसा स्‍याव्‌नाङः। ङाकायःपाय् दोह् हायःतीतेः ‘लौ नाङ्इ परमेस्‍वर्‌कायः रेव्‌तोलेः तोतेःनौ’ त नीङ्इ गाल्‌तुम्‌ती नोःनेःनाङ्‌स।

युहना 11:27

“माः रैस ओउः ल्‍हाव्‍ह्‌दैबाङ्‌हाङः वाङ्‌सा खेःओ ख्रीस्‌लेः परमेस्‍वर्‌कोः चोः लेःतेःआः इत तोओ ङाइ ङ्‌हाम्‌नेःनाङ्” त दाय्‍ह्‌ती मार्‌था त्‍याङ्आ।

युहना 20:28

“लौ ङाकोः प्रभुय ङाकोः परमेस्‍वर्‌य” त दाय्‍ह्‌ती थोमा दाय्‍ह्आ।

युहना 20:31

दोह् दोह् इहाङः लेखती मुनाः “येसुपाय् ओउः वाङ्‌सा खेःओ ख्रीस् लेःआः परमेस्‍वर्‌कोः चोः” त छ्यानःती नीङ्‌कायः ङ्‌हाम्‌ताक्‌साकायः लेखओ मुनाः। ओहाङःसैको ङ्‌हाम्आक्‌तीको रौ जीङःतेः दोःतेःनै।

खबरदुत 8:36

ओहाङःसैको एत स्‍यान्‌ती नोःतोक्‌हाङःपाय् ल्‍याम्‌हाङः आल्‌दा आल्‌दा तीःहाङः दाह्आकाच। तीःहाङः दाह्‌ती “लौ इहाङः तीः मुनाः। ङाकायः बाप्‍तीस्‍मा जाङ्‌ह्‌सा स्‍याव्‌नाः यादो” त दाय्‍ह्‌ती ओउः मन्‍तरी दाय्‍ह्आ।

रोमी 1:3

ओउः पेओ नोःराय्‌पाय् ङीकोः प्रभु येसु ख्रीस्‌कोः कुरा लेःआः। येसु ख्रीस्‌त तोओपाय् परमेस्‍वर्‌कोः चोः लेःआः। ओहाङःसैको ओउःपाय् मान्‍ता स्‍याव्‌ती दावुद् राजाकोः प्‍लोमःदाने त तोओ खेःतो।

एफेसस् 4:13

ओहाङःसै ङी सबै ब्राङ्‌तोलेः परमेस्‍वर्‌कोः चोःकायः ङ्‌हाम्‌तीमा तय्‍ह्‌तीमा लोने ओउःलो लेखालेः ल्‍हुङ्‌तुक् चोक्‌तो स्‍याव्‌नाःतय्‍ही।

१ युहना 4:16

ओहाङःसैको “ङीकायः परमेस्‍वर्‌इ राप्‌नाःतय्‍ही” त चीःती ङ्‌हाम्‌नाःतय्‍ह्‌नी। परमेस्‍वर्‌कोः ल्‍हुङ् जुगाङ् राप्ओ ल्‍हुङ् लेःआः बा। फेरी अरुकायः राप्ओचाक्‌कुस्‌लेः परमेस्‍वर्‌ मुनाः ओउःलेः परमेस्‍वर्‌कुस् मुनै।

१ युहना 5:1

“येसुपाय् ओउः वाङ्‌सा खेःओ ख्रीस् लेःआः” त दाय्‍ह्‌ती ङ्‌हाम्ओलम् झुङ्आले परमेस्‍वर्‌कोः चोःलम् स्‍याव्‌नै। फेरी सुसुइ आपाकायः राप्‌नानी ओउःइलेः आपाकोः चोःलम्‌कायःमा राप्‌नाःथास।

१ युहना 5:20

फेरी परमेस्‍वर्‌कोः चोः वाङ्‌ती ङीकायः व्‍हाय्‌ताक्आतय्‍ही ओहाङःसै ङीइ दोङ् परमेस्‍वर्‌कायः तय्‍ह्‌सा खाय्‌नाःतय्‍ह्‌नी। ओउःतलेः चीःनाःतय्‍ह्‌नी फेरी ङीपाय् ओउः दोङ् परमेस्‍वर्‌कुस्‌लेः ओउःकोः चोः येसु ख्रीस्‌कुस् मुनाःतय्‍ही। ओउःपाय् दोङ् परमेस्‍वर्‌ लेःआः ओउःइ गलमा द्युम्‌मालो रौ जीङः बयःनौ बा।