युहना 6:46 - चेपाङ

⁴⁶ आपाकायः सुइमा च्‍यवःआक्‌नीली परमेस्‍वर्‌इ ल्‍होक्ओचाक् ह ओउःइलेः च्‍यवःआकान्।

युहना 6:46 ပူးပေါင်းရင်းမြစ်များ

मत्ती 11:27

ङाकोः परमेस्‍वर्‌ आपाइ सबै कुरालेः स्‍यान्‌साकायःमा जाङ्‌ह्‌साकायःमा बयःआताङः। चोःकायःपाय् आपाइ ह तय्‍ह्‌नाःथै चोःइमा ह आपाकायः तय्‍ह्‌नौ। अरुइ आपाकायःमा चोःकायःमा तय्‍ह्‌नीली सुसुखेकायः चोःइ छ्यानःआथै ओउः मान्‍ताइ ह परमेस्‍वर्‌ आपाकायः तय्‍ह्‌नानी।

लुका 10:22

ङाकोः परमेस्‍वर्‌ आपाइ सबै कुरालेः स्‍यान्‌साकायःमा जाङ्‌ह्‌साकायःमा बयःआताङः। चोःकायः आपाइ ह तय्‍ह्‌नाःथै ओउः चोःइ ह परमेस्‍वर्‌ आपाकायः तय्‍ह्‌नौ। अरुइ आपाकायःमा चोःकायःमा तय्‍ह्‌नीली। सुसुखेकायः ओउः चोःइ लयः झाक्‌ती छ्यानःनाःथास ओउः मान्‍तालम्इ ह परमेस्‍वर्‌ आपाकायः तय्‍ह्‌नानी” त दाय्‍ह्‌ती येसु दाय्‍ह्आ।

युहना 1:18

परमेस्‍वर्‌कायः सुइमा च्‍यवःनीली ओउःकोः यातैज्‍योः गोय्‌चोःइलेः ह लयः आपाकुस् द्याङ्‌तो मुती ओउः आपाकायः मान्‍ताकःताङ् छ्यानःआथै।

युहना 14:7

लौ ङाकायः तय्‍ह्‌तेःचानाङ्‌स त खेःया ङाकोः आपाकायःमा तय्‍ह्‌तेःचानी खेःतेःइतो। द्याह्‌हाङःसै ओउःकायः तय्‍ह्‌तेःनानी ओउःकायः च्‍यवःतेःआकानी बा” त दाय्‍ह्‌ती येसुइ तोथासतो

युहना 15:24

ओउःमयःकायः ङाइ अरुइ जाङ्‌ह्‌सा खाय्‌मालो ग्‍याङ्‌ह्‌राय्‌लम् छ्यानःआलाङःसु ओउः च्‍यवःआक्‌तीको ङाकःमा ङाकोः आपाकःमा अह्र्धै मुधाङ्‌नै ओउःत झ्‍यान्‍ते ओउःमयःकायः गाल्‌तुम्‌ती तोसा स्‍याव्‌नाः। ओउः ग्‍याङ्‌ह्‌राय्‌लम् छ्यानःआक्‌ङुसुलु त खेःया ओउःमयःकायः गाल्‌तुम्‌ती तोसा स्‍याव्‌ल।

युहना 5:37

ओहाङःसै ङाकायः ल्‍होक्ओ परमेस्‍वर्‌ आपाइमा ङाकायः पाःती तोलेःनौ। ओउःकायः नीङ्इ गलकायःमा नोइ सायःतेःनीली ओउःकोः रुप्‌पाय् मीक्इ गलकायःमा च्‍यवःतेःनीली।

युहना 7:29

ङाखेपाय् ओउःकःसै वाङ्‌ती झ्‍यान्‍ते ओउःकायः तय्‍ह्‌ती चीःलेःनाङः” त दाय्‍ह्‌ती येसु मन्‍दीर्‌हाङः सबैकायः थोल्‍ह्‌ती तोआथास।

युहना 8:19

ओउःत सायःती “लौ नाङ्‌कोः आपा गाःताङ्” त दाय्‍ह्‌ती येसुकायः व्‍हत्‌थातो “नीङ्इपाय् ङाकायःमा तय्‍ह्‌तेःनाङ्‌सल ङाकोः आपाकायःमा तय्‍ह्‌तेःनीली। ङाकायः तय्‍ह्‌तेःचानाङ्‌स त खेःया ङाकोः आपाकायःमा तय्‍ह्‌तेःचानी खेःतो” त येसुइ दाय्‍ह्‌ती तोआथास।

युहना 8:55

खेःल ओउःकायः नीङ्‌खेइ गलकायःमा तय्‍ह्‌तेःनीली ङाखेइ तय्‍ह्‌नाङः। ओउःकायः ‘ङाइ तय्‍ह्‌ङल’ त ङाइ तोचेःनाङ्‌सतो त खेःया ङापाय् नीङ्‌लो लेखा माःरेव् स्‍याव्‌चाङः खेःतो। ओउःकायः ङाइ तय्‍ह्‌मानाङः ओउःकोः कुरा ग्‍यातीलेः सायःमानाङः।

कोलसी 1:15

ओउः ख्रीस्इपाय् ओउः च्‍यवःसा खाय्‌मालो परमेस्‍वर्‌लेः “गतलो खेःनाः” त छ्यानःनौ फेरी ओउः ख्रीस्‌पाय् सबैसै ङ्‌हा मुओआः सबैसै पुःलेःनाः।

१ तीमोथी 6:16

ओउःपाय् झुङ्आले गलकायःमा मुआ गलकायःमा मुलेःनाः ओउःच्‍युक् आङ्‌ग थाङ्‌ग त थोङ्ओहाङः मुती झ्‍यान्‍ते सुइमा ओउःकःताङ् वाङ्‌सा खाय्‌नीली। ओउःकायःपाय् सुइमा च्‍यवःआक्‌नीली सुइमा च्‍यवःसा खाय्‌नीली। ओउःपाय् जुगुलाङःहाङः एङःतोमा ग्‍वम् नाःओ स्‍याव्‌पाः माः ओउःतलेः स्‍याव्‌पाः।

१ युहना 4:12

परमेस्‍वर्‌कायः ङीपाय् सुइमा गलकायःमा मीक्इ च्‍यवःतय्‍ह्‌नीली। ङीइ अरुकायः राप्‌नाःतय्‍ह्‌नी त खेःया परमेस्‍वर्‌ ङीकुस् ब्राङ्‌तोलेः मुनाः ओहाङःसै ओउःकोः राप्ओ ल्‍हुङ् जुगाङ् पेतोलेः छ्यानःनाःतय्‍ह्‌नी।