युहना 6:27 - चेपाङ27 लौ इ ल्हाव्ह्दैबाङ्कोः जेःगालम् सय्ङ्ती ल्ह्योह्ती वाय्नाः ओउः जेःगाखेकायः केलःती काम् जाङ्ह्माःत ओउः गलमा द्योक्मालो रौ जीङः दोःताक्सा जेःगाखेकायः काम् जाङ्ह्नु। इ जेःगापाय् ङा मान्ताकोः चोः त तोओइ बयःनेःनाङ्स। एत हायःसाकायः ङाकोः परमेस्वर् आपाइ ङाकायः दोक्तीलेः गम्आताङः बा” त दाय्ह्ती येसुइ तोआकान्। အခန်းကိုကြည့်ပါ။ |
युहना 6:27
69 ပူးပေါင်းရင်းမြစ်များ
ओउःकायः बाप्तीस्मा बयःआक्तीको येसुइ परमेस्वर्कायः तोतोक्हाङः फेल्बाङ् वाक्ती फोल्आ ओहाङःसैको धुकुर्वाःकोः रुप्लो थाङ्ती परमेस्वर्कोः ग्वालामःलेः येसुकोः थाराय्सै ग्ल्युङ्ह्ती वाङ्आ “लौ नाङ्पाय् ङाकोः आन राप्ओ ल्हुङ्गोरे चोःलेःतेः खेःतेःनाः बा। नाङ्कः ङा आन म्रोलेःनाङः” त दाय्ह्ती लाङ्कासै यात्ज्योः हाव्नयः दाय्ह्आ।
ओउः दोङ् लाङ्कासै ग्ल्युङ्ह्ओ जेःगा ङा लेःआः। इकायः जेःआक्तीको मान्तापाय् गलमा द्योक्मालो जीङः दोःनै। ओउः जेःगापाय् उय्ह्लेकोः मन्न आम्ह् त तोओलो लेखालेः खेःबाय्ल ओउः मन्नकायः जेःओलम् द्युम्मालो जीङः दोःइली। जेःआक्तीको ओउःमयः सीइतो ङाखेकोः जेःआक्तीको मान्ता गलमा द्युम्मालो जीङः दोःआनै” त दाय्ह्ती येसुइ तोआथास।
लौ नीङ् इस्राएल्कोः मान्तालम्इ पेतो सायःनु दा। नीङ्कोः लयःकोः मीक्हाङःपाय् नासरेत् गाव्सै वाङ्ओ येसुकायःलेः परमेस्वर्इ आन ग्याङ्ह्राय् जाङ्ह्ताक्सा बयःआथै। इ येसु त तोओपाय् ‘परमेस्वर्कःसै वाङ्ओआः’ त नीङ्कायः चीःताक्साकायः परमेस्वर्इ येसुकायः ग्याङ्ह्राय् जाङ्ह्ताक्आथास। ओउःततेः चीःनानी।
ओउः पुन् तात्ओपाय् “लौ इत जवओ ङ्हासैलेः ङापाय् परमेस्वर्कोः मीक्हाङः पेतो स्याव्आलाङः” त अरुकायः छ्यानःसाकायः जाङ्ह्ओ खेःतो। ओहाङःसैको पुन् तात्ओ जवधाङ्मालो बेलाहाङःपाय् आब्राहाम् परमेस्वर्कोः मीक्हाङः पेतो स्याव्आ त झ्यान्तेलेः आब्राहाम्पाय् सबै परमेस्वर्कोः मीक्हाङः पेतो स्याव्ओ ङ्हाम्ओलम्कोः ताकुः लेःआः। ओउःपाय् पुन् तात्ओ जवमालो मान्तालम्कोः ताकुः लेःआः
फेरी “तुक् कोस्ताक्साकायः जेःगालेः स्याव्नाः” त दाय्ह्ओ लेखालेः यात्नीस्चाक् “आङ्कोः मोह्हाय्ओ द्युमःताक्साकायः ल्हास्या काम् जाङ्ह्सा स्याव्लेःनाः” त दाय्ह्नै यादो। ओउःत दाय्ह्सापाय् स्याव्ल दोह् हायःती दाय्ह्सा लोनेः परमेस्वर्इ तुक् जेःगाकोः कुरा सबै म्हीत्ताक्नौ। आने मान्ताकोः आङ्पाय् पेमालो काम् जाङ्ह्साकायः मुओ खेःल प्रभुकोः काम् जाङ्ह्साकायः मुलेःनाः। मान्ताकोः आङ्इ प्रभुकायः काम् जाङ्ह्लेःनौ मान्ताकोः आङ्कायः प्रभुइमा पेतोलेः जाङ्ह्मानौ।
ङापाय् प्रभु ख्रीस्इलेः छ्युङ्ह्ती ल्होक्ओ मान्ता एत यात्नीस् मान्ताइ ताःनीली यादो। ओउःमयःखेइ एत ताःनीतो नीङ्खेइ ङाकायःपाय् “प्रभुइ ल्होक्ओ मान्ता लेःआः” त चीःतेःनानी माःर दोह् हायःती दाय्ह्सा प्रभुइ ङाकायः नीङ्कःहाङः ल्होक्आक्तीको नीङ्इ ङ्हाम्तेःआकानी। ओउःत झ्यान्ते ङापाय् “ख्रीस्इ ल्होक्ओ मान्ता” त चीःसा खाय्ओ लेःआः।
यात्नीस्चाक्कायः ब्रःताक्ओ लेःआः बुरु दोह् दोह् परमेस्वर्इलेः लयः तोती गम्आकान् ओउःपाय् ग्रमःत मुओ तोस्बाङ्लो लेखा गलमा वाय्सा खाय्मालो लेःआः। ओउः बाङ्हाङः “लयःकोः मान्तालम्कायः प्रभुइ तय्ह्नाःथास” त दाय्ह्ओमा लेखती मुनाः। फेरी “सुसुइलो येसुकोः मीक्हाङः ओउःकायः ‘प्रभुय’ त दाय्ह्नै ओउःमयःइ रेव्ओ काम् जाङ्ह्ओकायः फेनानी” त दाय्ह्ओमा लेखती मुनाः।
ကြော်ငြာတွေ