युहना 6:24 - चेपाङ

²⁴ दोङ्‌गालम् दाह्आक्‌तीको “लौ येसुमा ओउःकुस् वाह्ओमयःमा इहाङः मुइली” त दाय्‍ह्‌ती ओउः हुम्ओ मान्‍तालम् दोङ्‌गाहाङः पोक्‌ती कफर्‌नाहुम्‌ताङ् त्‍यात्‌ती येसुकायः बोङःलाङ् आल्आकाय्।

युहना 6:24 ပူးပေါင်းရင်းမြစ်များ

मत्ती 14:34

ओहाङःसैको ओउःमयः दोङ्‌गाहाङः वाह्‌ती दुम्‌हान्‌कोः उःसै गनेसरेत् त तोओ देस्‌ताङ् दाह्आकाय्।

मर्‌कस् 1:37

ओउःमयःइ बोङःती गुल्‍ह्‌दा गुल्‍ह्‌दा येसुकायः च्‍यवःआथै। ओहाङःसैको येसुकायः च्‍यवःआक्‌तीको “लौ नाङ्‌कायः सबैइ बोङःतेःनाः” त दाय्‍ह्‌ती तोथातो

मर्‌कस् 6:53

ओहाङःसैको ओउःमयः दोङ्‌गाहाङः वाह्‌ती दुम्‌हान्‌कोः उःसै गनेसरेत् त तोओ देस्‌ताङ् दाह्‌ती ओउः दोङ्‌गापाय् पोत्ओ खील्‌ताङ् पेन्‍ह्‌ती गम्आकानी।

लुका 8:40

ओउः लान्इ फेओ मान्‍ताखेइ ओउः कुरा ओउःतलेः थोल्‍ह्‌ती तोआकान् ओहाङःसैको येसुखे तीःकोः उःसै त्‍यात्‌ती पाय्‍ह्‌ती वाङ्‌ती ओहाङः दाह्‌ती वाङ्‌तोक्‌हाङः नाःतो मान्‍तालम्इ येसुकायः रोम्‌सा थेङा हुम्‌ती ल्‍युङ्‌ह्‌ती मुओ खेःइतो।

युहना 20:15

येसुइमा “लौ हौद्याङ् दोह् हायःतीतेः र्‍याःतेःनाः सुकायःतेः बोङःतेःनौ” तमा दाय्‍ह्‌ती व्‍हत्‌थातो मरीयम्‌पाय् “ओउः मान्‍ता इहाङःकोः माली यादो” त म्‍हर्‌ती “अ पुःय ओउःकायः आलःतेःआकान् त खेःया गाःहाङः गम्‌तेःआकान् तोची दा। ओहाङःसै ङाइ ओउःकायः आलःनाङः” त दाय्‍ह्‌ती तोआकान्

युहना 6:17

ओहाङः आल्‌ती यात्‌ज्‍योः दोङ्‌गाहाङः पोक्‌ती कफर्‌नाहुम्‌ताङ् त्‍यात्‌सा बोङःआकानी। त्‍यात्‌सा बोङःतोक्‌हाङः न्‍याम् याह्ओ खेःतो येसुपाय् ओउःमयःकःताङ् द्यान्‍ह्‌ती वाङ्‌धाङ्इली।

युहना 6:23

ओउःत नोःकाय्‌तोक्‌हाङः तीबेरीयस् त तोओ सहर्‌सै अरु दोङ्‌गालम् वाङ्‌ती दाह्आ। ओउः दोङ्‌गालम् दाह्‌ती वाङ्ओ थाव्‌पाय् येसुइ ङ्‌हासै “च्‍युता” त तोती सबैकायः जेःगा बयःओहाङः द्याङ्‌तोलेः खेःतो।

युहना 6:26

“दोङ्‌सीलेः नीङ्इपाय् ङाइ बयःओ जेःगा कोस्‌तोलेः जेःतेःआकानी। फेरी जेःगा बोङःलाङ् वाङ्‌तेःआकाय्। ग्‍याङ्‌ह्‌राय् जाङ्‌ह्आक्‌तीको ङाकायःपाय् ‘सुलो’ त सायःसाकायः बोङःलाङ् वाङ्‌तेःइली।

युहना 6:59

इ स्‍यान्‌राय् येसुइ कफर्‌नाहुम्‌कोः थनःओ कीम्‌हाङः तोओ खेःतो।

युहना 7:11

येसुपाय् अरुइ चीःमाःत आल्‌तो ओउः यहुदीकोः ताङ्‌ह्ओ मान्‍तालम्इ ओउःकायः बोङःआकानी “गाःताङ्‌लो मुनाः” त दाय्‍ह्‌ती नोःआकाय्।