20 “लौ ङा लेःआः दाने रैलाम्” त दाय्ह्ती येसुइ तोआथास।
“लौ ताः ग्रीनःइली। ओउः ङ्हासै क्ल्याय्ओ सीङःहाङः सात्ओ नासरेत् गाव्कोः येसुकायः बोङःतेःनीतो ओउःपाय् इहाङःलेः मुल उह्ती च्योक्ओ लेःआः बा। लौ ओउःकायः एनःती गम्ओ थाव्पाय् द्याह् सोह् मुनाः त योनु दै” त दाय्ह्ती ओउः मान्ता तोती
ओउःमयः हीह्माकादे येसुपाय् “लौ ल्हुङ् धोमाय्तो रैमाःत मुन। ङा लेःआः बा” त दाय्ह्ती येसुइ तोआथास।
ओउः दोङ्गाकायः पास् कीलोमीतर् चलावआक्तीको ओउःमयःइ येसुपाय् तीःकोः माल्गहाङः वाह्ओ च्यवःआकानी। ओउःपाय् दोङ्गाकःताङ् वाङ्ओ च्यवःती येसुकुस् वाह्ओमयःपाय् आन रैआकाय्।
एत तोआक्तीको “ओउः येसुलेः” त चीःती ओउःकायः दोङ्गाहाङः त्याक्ती वानःसा ग्याआकाय्। दोङ्गाहाङः वानःआक्तीको ओउःमयः रेन्ह्तोलेः तीःकोः उःसै दाह्आकाय्।
