युहना 6:14 - चेपाङ

¹⁴ एत ग्‍याङ्‌ह्‌सीःओ च्‍यवःती “लौ दोङ्‌सीलेः इपाय् इहाङः वाङ्‌सा खेःओ परमेस्‍वर्‌कोः कुरा छ्यानःसा मान्‍ता लेःआः बा” त दाय्‍ह्‌ती हुम्ओ मान्‍तालम् नोःकाय्आकाय्।

युहना 6:14 ပူးပေါင်းရင်းမြစ်များ

मत्ती 11:3

ओउः नीस्‌चाक् येसुकःताङ् वाङ्‌ती “लौ ओउः परमेस्‍वर्‌इ तोती गम्ओ वाङ्‌सा खेःचाक्ओ नाङ्‌लेःतेः खेःतेःनाःया खेःतेःलया। खेःतेःल त खेःयाकायः ङी अरुकायः ल्‍युङ्‌ह्‌ती योसा खेःनाङी” त दाय्‍ह्‌ती व्‍हत्‌थातो

मत्ती 21:11

“लौ इपाय् येसुत तोओलेः। गालील अन्‍चल्‌कोः नासरेत् गाव्‌सै वाङ्ओ परमेस्‍वर्‌कोः कुरा छ्यानःओ मान्‍ता” त दाय्‍ह्‌ती तोआथास।

लुका 24:19

“दोह् कुरालो” त दाय्‍ह्‌ती येसुइ फेरी व्‍हत्आकान् “नासरेत् गाव्‌सै वाङ्ओ येसुत तोओकोः कुरालेः। ओउः येसुपाय् परमेस्‍वर्‌कोः कुरा पेतो चीःती परमेस्‍वर्‌कोः मीक्‌हाङःमा सबै मान्‍तालम्‌कोः मीक्‌हाङःमा ओउः कुरा छ्यानःतीलेः तोमाआकान् आन ताङ्‌ह्ओ ग्‍याङ्‌ह्‌राय्‌लम् जाङ्‌ह्‌माआकान्।

लुका 7:16

ओहाङःसैको ओउः ङ्‌हा सीओ मान्‍तापाय् च्‍योक्ओ लेःआः त च्‍यवःती एत च्‍यवःओ मान्‍तालम्इ आन रैती “दोङ्‌सीलेः ङीकःहाङः यात्‌चाक् आन ताङ्‌ह्ओ परमेस्‍वर्‌कोः कुरा छ्यानःओ मान्‍ता दाह्आबत्आतय्‍ही बा” त दाय्‍ह्‌तीमा “परमेस्‍वर्‌पाय् लयःकोः मान्‍तालम्‌कायः दल्‌ताक्‌लाङ् वाङ्ओ लेःआः बा” त दाय्‍ह्‌तीमा परमेस्‍वर्‌कायः लुङ्‌तीमा ताङ्‌ह्‌ताक्‌तीमा तोआकानी।

युहना 1:21

“ओउःत खेःया सुलोतेः खेःतेःनाः। नाङ् एलीयाया” “ओउःमा खेःङल” त युहनापाय् त्‍याङ्‌माआ “ओउः वाङ्‌सा खेःओ परमेस्‍वर्‌कोः कुरा छ्यानःसा चाक्‌या” त ओउःमयःइ फेरी व्‍हत्‌नीतो “खेःल” त युहना त्‍याङ्आ

युहना 11:27

“माः रैस ओउः ल्‍हाव्‍ह्‌दैबाङ्‌हाङः वाङ्‌सा खेःओ ख्रीस्‌लेः परमेस्‍वर्‌कोः चोः लेःतेःआः इत तोओ ङाइ ङ्‌हाम्‌नेःनाङ्” त दाय्‍ह्‌ती मार्‌था त्‍याङ्आ।

युहना 2:11

एत हायःतोक्‌हाङः येसुइ ङ्‌हाकोः ग्‍याङ्‌ह्‌राय् जाङ्‌ह्आकान् गालील अन्‍चल्‌कोः काना त तोओ गाव्‌हाङः। ओहाङः ओउःकोः आन ताङ्‌ह्ओ ग्‍वम् छ्यानःआथास। छ्यानःआक्‌तीको येसुकुस् वाह्ओमयःइ ओउःकायः पेतो ङ्‌हाम्आथै।

युहना 4:19

“अहै नाङ्‌पाय् यात्‌चाक् परमेस्‍वर्‌कोः कुरा छ्यानःओमयः लेःतेःआः बा।

युहना 4:25

“ओउः मासी त तोओ ख्रीस्‌पाय् ‘वाङ्आनाः’ त ङाइ चीःआलाङः। वाङ्‌तोक्‌हाङः ओउःइ सबै कुरा छ्यान्‍ह्‌नाःताङी” त दाय्‍ह्‌ती ओउः मोमःचोः दाय्‍ह्आ।

युहना 4:42

“लौ नाङ्‌कोः ल्‍हाक्‌राय् सायःओ खेःल ओउःकोः स्‍यान्ओ ङी लःलयः नोइ सायःआलाङःसु त झ्‍यान्‍ते ‘दोङ्‌सीलेः मान्‍ताकायः दल्‌ताक्‌लाङ् वाङ्‌सा चाक् इ लेःआः बा’ त चीःनाङःइसी ओहाङःसै ओउःकायः द्याह् ङ्‌हाम्‌नाङःसु” त दाय्‍ह्‌ती ओउः मोमःचोःकायः तोआकानी।

युहना 6:2

ओउः तीः त्‍यात्‌ती आल्‌तोक्‌हाङः नाःतो मान्‍तालम्इ ओउःकायः गुल्‍ह्आथै। ओउःमयःइ येसुकोः स्‍याक्‌ताक्ओ ग्‍याङ्‌ह्‌राय् च्‍यवःती झ्‍यान्‍ते येसुकायः गुल्‍ह्‌ती वाङ्आकाय्।

युहना 6:26

“दोङ्‌सीलेः नीङ्इपाय् ङाइ बयःओ जेःगा कोस्‌तोलेः जेःतेःआकानी। फेरी जेःगा बोङःलाङ् वाङ्‌तेःआकाय्। ग्‍याङ्‌ह्‌राय् जाङ्‌ह्आक्‌तीको ङाकायःपाय् ‘सुलो’ त सायःसाकायः बोङःलाङ् वाङ्‌तेःइली।

युहना 6:30

“ओउःत खेःओ नाङ्‌कोः कुरा ङ्‌हाम्‌ताक्‌साकायः ङीकायः दोह् दोह् ग्‍याङ्‌ह्‌राय् जाङ्‌ह्‌तेःनाःताङी।

युहना 7:40

ओहाङःसैको येसु तोओ कुरा सायःती यात्‌नीस् हुम्ओलम्‌खे “लौ इ मान्‍ता दोङ्‌सीलेः परमेस्‍वर्‌कोः कुरा छ्यानःसा मान्‍ता लेःआः बा” त दाय्‍ह्‌ती नोःआकाय्।

खबरदुत 7:37

फेरी ब्‍याह्‌ती वाह्‌तोक् बेलाहाङः इस्राएल्‌कोः मान्‍तालम्‌कायः ‘लौ लोन्‍ह्‌तेसै नीङ्‌कोः प्‍लोमःदाने मोमःदानेकःसै परमेस्‍वर्‌इ अरु यात्‌चाक् ङालो लेखा परमेस्‍वर्‌कोः कुरा छ्यानःओ मान्‍ताकायः छ्युङ्‌ह्आनौ’ त दाय्‍ह्‌ती इ मोसालेः तोआथास।