45 नीङ्कायःपाय् ङाखेइ परमेस्वर्कःताङ् गाल्तुम्ती तोसा परङल नीङ्इ ङ्हाम्सा ग्याओ मोसा त तोओखे ओउःइलेः गाल्तुम्तीलेः तोतेःनै बा
‘दोह् हायःती लाजरुस् आल्सा खेःतो। मोसाइमा परमेस्वर्कोः कुरा छ्यानःओमयःइ गानाक्ती तोओ कुरापाय् मुलेःनाः ओउःमयःइ तोओ कुरापाय् नाङ्कोः पुःचोङ्इ सायःसा खाय्नानी’ त दाय्ह्ती आब्राहाम् त्याङ्आ।
ङाकायः ङ्हामालो मान्ताकायःमा ङाकोः कुरा सायःसा ग्यामालो मान्ताकायःमा ओउः लोनेः वाङ्सा दीन्हाङः ङाइ तोओ कुराखेइ ओउःमयःकायः गाल्तुम्ती तोनौ बा।
लौ मोसा त तोओइ नीङ्कायः ऐन् बयःतेःइतो ओउः ऐन्कोः हुकुम् सुइमातेः जाङ्ह्तेःनीली। दोह् हायःतीतेः ङाकायः सात्सा बोङःतेःनानानाङ्स” त दाय्ह्ती येसुइ तोआथासतो
ओहाङःसैको ओउःकोः कुरा सायःती येसु खुङःती मुतोक्हाङः ओउः गाल्तुम्ती नोःलाङ् वाङ्ओलम् स्योत्ताङ् स्योत्ताङ् पाय्ह्आकाय् ङ्हासै पुःलम् लोन्ते हौलम् आल्ती सबै पाय्ह्आकाय्। पाय्ह्आक्तीको येसुमा ओउः मोमःचोःमा नीस्चाक् ह मुआकाच।
यहुदी खेःमालोलम्लो लेखालेः सुसुखेइ परमेस्वर्इ बयःओ ऐन् चीःमाःत रेव्ओ काम् जाङ्ह्नानी ओउःपाय् ऐन् चीःमाःत सीती वाय्नै। सुसुखेइ यहुदीलम्लो लेखालेः ऐन् चीःती रेव्ओ काम् जाङ्ह्नानी ओउःकायःपाय् ऐन्कोः कुरा पेतोलेः जाङ्ह्ओया जाङ्ह्मालोया त तय्छनःती योनाःथास।
ओउः ऐन् जाङ्ह्ओलम्खे पेमालो स्याव्नै दोह् हायःती दाय्ह्सा आखरःहाङः “सुसुइ ऐन् लेखओ कुरा जुगाङ् जाङ्ह्नीली ओउःपाय् प्रनःओ स्याव्नै” त दाय्ह्ओ लेखती मुनाः।