युहना 5:39 - चेपाङ39 परमेस्वर्कोः आखरःपाय् नीङ्इ ‘लौ इ आखरःपाय् पह्रती ङी रौ जीङः दोःनाःतय्ही बा’ त ताःती आन पह्रती मुतेःनै ओउः आखरःहाङः ङाकोः कुरा मुलेःनाः। အခန်းကိုကြည့်ပါ။ |
युहना 5:39
51 ပူးပေါင်းရင်းမြစ်များ
ओहाङःसैको फीलीप् आल्ती यात्चाक् नथानएल् त तोओकायः क्रुस्आकान्। नथानएल्कायः क्रुस्आक्तीको “लौ ङीइ ओउः वाङ्सा खेःआ चाक्कायः क्रुस्आलाङःसु। ओउःकायःपाय् मोसाइमा अरु परमेस्वर्कोः कुरा छ्यानःओमयःइमा कुरा लेखआकानी। ओउःपाय् नासरेत् गाव्हाङः याक्ती मुओ युसेफ्त तोओकोः चोः येसु लेःआः बा” त दाय्ह्ती फीलीप्इ ल्हाक्ती तोआकान्।
यरुसालेम्हाङः मुओ मान्तालम्मा ओउःमयःकोः ताङ्ह्ओ मान्तालम्इमा येसु त तोओपाय् ‘ङीकायः दल्ताक्साकायः वाङ्ओ ख्रीस् लेःआः’ त तय्ह्आक्नीली। सन्चर्बार् सन्चर्बार्हाङः परमेस्वर्कोः कुरा छ्यानःओ मान्ताइ लेखओ कुरा पह्रओ खेःतो ओउः कुरामा ओउःमयःइ तय्ह्आक्नीतो येसुकायः सात्ती झ्यान्ते ओउः परमेस्वर्कोः आखरःहाङः लेखओ कुरापाय् ताप्ताक्आकानी।
ओउः थेसालोनीकाकोः मान्तालम्सै बेरोयाकोः मान्तालम्कोः ल्हुङ् आय्ह्तो मुइतो ओउःत झ्यान्ते ओउःमयःइ पावुल्इ स्यान्ती तोओ कुरा पेतो यान्ततीलेः सायःती “इ कुरापाय् परमेस्वर्कोः आखरःहाङः लेखओ कुराकुस् ब्राङ्नाःया ब्राङ्लया द्याह् योनी” त म्हर्ती दीन्का दीन् ओउःमयःइ परमेस्वर्कोः आखरःहाङः पह्रआकाय्।
ओउःमयः ओउः ङ्हाहाङः फेओ देस्खेताङ् पाय्ह्इली ओउःसै पेओ लाङ्का देस्खेताङ् द्याह् आल्सा झाक्इतो ती ओउःत झ्यान्ते ओउःमयःइ परमेस्वर्कायः “लौ ङीकोः परमेस्वर् लेःआः” त दाय्ह्ती तोतोक्हाङः ओउःमयःकः परमेस्वर् अह्र्ल। ओउःपाय् अह्र्ल ओउः एत ङ्हाम्ओ लयःकोः मान्तालम्कायः याक्सा सहर्लेः जाङ्ह्आथास।
ओउःत सायःआक्तीको ङाइ ओउःकायः मानसाकायः ओउःकोः दोम्हाङः बाःती स्यवखयःङोतो “इत हायःलाम्। नाङ्कुस्मा नाङ्कोः येसुइ छ्यानःओ दोङ् कुराकायः ङ्हाम्ओ पुःचोङ् हौचोङ्लम्कुस्मा ङा परमेस्वर्कोः काम् जाङ्ह्ओचाक् लेःआः ङ। परमेस्वर्कायःलेः मानउ दा” त दाय्ह्ती तोआताङः। दोह् हायःती दाय्ह्सा येसुइ छ्यानःओ दोङ् कुरामा अरु परमेस्वर्कोः कुरा छ्यानःओलम्इ तोओ कुरामा यातैज्योः लेःआः बा।
ကြော်ငြာတွေ