युहना 5:26 - चेपाङ

²⁶ आपापाय् जीङःकोः सीलाङ् लेःआः बा ओउःत झ्‍यान्‍ते चोःकायःमा ओउःतलेः जीङः दोःताक्‌सा ग्‍वम्‌लेः बयःआकान्।

युहना 5:26 ပူးပေါင်းရင်းမြစ်များ

युहना 1:4

फेरी ओउः नोःराय्‌पाय् जीङः दोःताक्ओचाक् खेःतो। जीङः दोःआक्‌तीको मान्‍तालम् ल्‍हुङ् थोङ्‌तो वाह्‌सा खाय्‌नानी।

युहना 10:18

सुखेइमा ङाकायः सीताक्‌सा खाय्‌ताङःल ङा लयः झाक्ओ सीतोलेः स्‍याव्‌नाङः ह ङा लयः झाक्‌ती च्‍योक्‌नाङः। इत हायःसाकोः ग्‍वम्‌पाय् ङाकोः आपाइ तोती बयःआताङः बा” त दाय्‍ह्‌ती येसुइ तोआथास।

युहना 11:25

“लौ सीओकायः च्‍योक्‌ताक्‌सामा रौ जीङः बयःसामा ङालेः खेःनाङः बा।

युहना 11:26

सुसुइ ङाकायः ङ्‌हाम्‌ती रौ जीङः दोःनै ओउःपाय् दोङ् सीतोलेः स्‍याव्इली। लौ इ ङाइ तोओ कुरा ङ्‌हाम्‌तेःनौया ङ्‌हाम्‌तेःउलुया” त दाय्‍ह्‌ती येसुइ मार्‌थाकायः व्‍हत्‌थातो

युहना 14:19

अरु ल्‍हाव्‍ह्‌दैबाङ्‌कोः मान्‍तालम्‌खेइ ङाकायः यात् चीच्‍योक्‌कायः ह च्‍यवःधाङ्‌नाःताङः नीङ्‌खेइ ज्‍याङःतोकायः च्‍यवःतेःनेःनेःनाङ्‌स। ङा सीओसै उह्‌ती च्‍योक्‌नाङः त खेःया नीङ्‌मा च्‍योक्‌तेःनै।

युहना 14:6

“लौ ओउः ल्‍याम्‌पाय् ङा लेःआः। दोङ् स्‍यान्ओमा जीङः दोःताक्‌सामा ङा लेःआः ङ। ङाइ आःताः आलःमाःतो सुइमा ङाकोः आपाकःताङ् आल्‌सा दोःइली।

युहना 4:10

ओहाङःसैको “लौ दीदी परमेस्‍वर्‌इ दोह् बयःसा झाक्‌नाः त नाङ्इ चीःमातेःउलु। ङा तीः तेलाङ् वाङ्ओ सुलो त चीःमातेःउलु नाङ्इ चीःआ त खेःया ङाकः तेतेःचाः खेःतो। ओहाङःसै ङाइ रौ जीङः दोःताक्‌सा तीः बयःजेःचेःनाङ् खेःतो” त दाय्‍ह्‌ती येसुइ तोआकान्।

युहना 6:57

ङाकायःपाय् ओउः जीङः नाःओ आपाइ ल्‍होक्‌ती जीङः दोःताक्आताङः ओउःलो लेखा ङाकायः जेःओलम्‌पाय् ङाइ जीङः दोःताक्‌नाङःसु।

युहना 8:51

दोङ्‌सी दाय्‍ह्‌भनाङ् सुसुइ ङाइ तोओ कुराकः ग्‍याती मुचै ओउःलेः गलमा सीतो स्‍याव्इली” त दाय्‍ह्‌ती येसुइ तोआथास।

खबरदुत 17:25

ओउःखेइ ङी मान्‍तालम्‌कायः स्‍याक्‌ताक्‌सा सास्‌लम् दोह्‌लम् बयःनाःतय्‍ही ओउःत झ्‍यान्‍ते ङीखेइ ओउःकायः बयःसा खेःहाङ्‌ल।

१ कोरीन्‍थी 15:45

ओउः ङ्‌हा वाङ्ओ आदम् त तोओखे “जीङः दोःओ मान्‍ता खेःतो” त दाय्‍ह्ओ आखरःहाङः लेखती मुनाः ओउः लोनेःसै वाङ्ओ आदम्‌खे जीङः बयःसा ग्‍वालामः लेःआः।

१ तीमोथी 1:17

द्याह् ओउः गलमा सीमालो च्‍यवःसा खाय्‌मालो राजा त तोसा ओउः यातैज्‍योः परमेस्‍वर्‌लेः ओउःपाय् गलकायःमा ताङ्‌ह्ओमा एङःसीःओमा स्‍याव्‌पाः माः है ओउःतलेः स्‍याव्‌पाः।

१ तीमोथी 6:16

ओउःपाय् झुङ्आले गलकायःमा मुआ गलकायःमा मुलेःनाः ओउःच्‍युक् आङ्‌ग थाङ्‌ग त थोङ्ओहाङः मुती झ्‍यान्‍ते सुइमा ओउःकःताङ् वाङ्‌सा खाय्‌नीली। ओउःकायःपाय् सुइमा च्‍यवःआक्‌नीली सुइमा च्‍यवःसा खाय्‌नीली। ओउःपाय् जुगुलाङःहाङः एङःतोमा ग्‍वम् नाःओ स्‍याव्‌पाः माः ओउःतलेः स्‍याव्‌पाः।

हेब्रैनी 1:2

द्याह् इ लोनेकोः दीन्‌खेहाङः ओउःइ लयःकोः चोःकायःलेः ङीकायः तोसा थेङा ल्‍होक्आथै। ओउः चोःकुस्‌लेः परमेस्‍वर्‌इ सबै थोक् जापीनःती न्‍यास्आकान् लोनेः सबै थोक् ओउः चोःकोःलेः स्‍याव्‌नाः एत हायःसाकायः परमेस्‍वर्‌इ चोःकायः छ्युङ्‌ह्आथै।

प्रकाश 21:6

“लौ इपाय् स्‍याव्‌जेःआ बा। ङापाय् सबैसै ङ्‌हामा लेःआः ङ सबैसै लोनेःमा लेःआः ङ सबै कुराकोः तुङःमा सबै कुराकोः च्‍योःमा ङा लेःआः ङ। सुसु अप्‌लेःनै ओउःकायःलेः ङाइ ओउः जीङः नाःओ तीः सीगाङ्‌सै पैसा आःताः त्‍याक्‌माःत सोह्‌लेः तुङ्‌सा दोःताक्‌नाङःसु।

प्रकाश 22:1

ओहाङःसैको ओउः ल्‍होक्ओमयःइ ओउः जीङः बयःसा तीः खोला छ्यानःआताङः। ओउः तीःपाय् आन पेओ छेर्‌लीङ्‌त प्‍लीङ्‌ह्‌ती झेल्ओ तीःलेः खेःतो। परमेस्‍वर्‌कोःमा ओउः भेदाकोः चोःकोःमा च्‍युङःती मुओ थाव्‌सै ओउः तीः ग्‍ल्‍युङ्‌ह्‌ती वाङ्‌ती

प्रकाश 22:17

ओहाङःसैको परमेस्‍वर्‌कोः ग्‍वालामःमा ओउः भेदाकोः चोःकोः कमामा “लौ वाङ्अ दा” त दाय्‍ह्‌ती तोनाःचु। ओउः कुरा सायःओलम्‌मा “माः है वाङ्‌चाक्अ दै” तमा सबैइ तोपानी। ओहाङःसै सुसुमा अप्‌लेःनै ओउःपाय् ग्‍यातीलेः वाङ्‌ती ओउः पैसा आःताः त्‍याक्‌माःत सोह् बयःओ जीङः बयःसा तीः त्‍याक्‌पानी।

प्रकाश 7:17

दोह् हायःती दाय्‍ह्‌सा ओउः राजाकोः थाव्‌कोः माझहाङः मुओ भेदाकोः चोःइपाय् ओउःमयःकायः ह्रामःओ मान्‍तालो लेखालेः स्‍याव्‌नाः। ओउःमयःकायः ओउःइ जीङः बयःसा तीः कावःराङ्‌ताङ् दाक्‌नाःथास। ओहाङःसैको क्रेस्‌ती र्‍याःतोक्‌हाङः परमेस्‍वर्‌इलेः ओउःमयःकोः मीक्‌क्‍लीः सबै थ्‍युर्‌नाःथास” त दाय्‍ह्‌ती ओउः थालवःपाइ छ्यानःती तोआताङः।