युहना 5:22 - चेपाङ

²² ओहाङःसै मान्‍ताकायः तय्‌छनःती योसा काम्‌पाय् आपाइ लयः जाङ्‌ह्उलु ओउः काम्‌पाय् चोःकायः सबै जाङ्‌ह्‌साकायः नाती बयःआथै।

युहना 5:22 ပူးပေါင်းရင်းမြစ်များ

मत्ती 11:27

ङाकोः परमेस्‍वर्‌ आपाइ सबै कुरालेः स्‍यान्‌साकायःमा जाङ्‌ह्‌साकायःमा बयःआताङः। चोःकायःपाय् आपाइ ह तय्‍ह्‌नाःथै चोःइमा ह आपाकायः तय्‍ह्‌नौ। अरुइ आपाकायःमा चोःकायःमा तय्‍ह्‌नीली सुसुखेकायः चोःइ छ्यानःआथै ओउः मान्‍ताइ ह परमेस्‍वर्‌ आपाकायः तय्‍ह्‌नानी।

मत्ती 16:27

ओउः वाङ्‌सा खेःओ दीन्‌हाङः ओउः मान्‍ताकोः चोः त तोओपाय् परमेस्‍वर्‌ आपालो लेखा अङ्‌ग थङ्‌ग त ताङ्‌ह्‌तोलेः ल्‍होक्ओमयःकुस् वाङ्‌नै। वाङ्आक्‌तीको मान्‍ता मान्‍ताकायः पेपेओ जाङ्‌ह्ओलम्‌खेकायः पेतो जाङ्‌ह्‌झ्‍याङ्‌कायः बयःनौ रेव्ओ जाङ्‌ह्ओलम्‌खेकायः पेमालो बयःनौ

मत्ती 28:18

फेरी येसु वाङ्‌ती “लौ द्याह्‌पाय् लाङ्‌काहाङःमा ल्‍हाव्‍ह्‌दैबाङ्‌हाङःमा सबै जाङ्‌ह्‌सा खाय्ओ ग्‍वम्‌पाय् ङाकायः बयःओ लेःआः।

युहना 17:2

नाङ्‌कोः चोःकायःपाय् सबै मान्‍तालम् रौ जीङः दोःताक्‌सा ग्‍वम् बयःतेःआकान्। ओहाङःसै सुसु चोःकायः बयःतेःआकान् ओउःकायःलेः ओउःइ रौ जीङः दोःताक्‌नाःथास।

युहना 3:35

परमेस्‍वर्‌ आपाइ लयःकोः चोः राप्‌ती झ्‍यान्‍ते ओउःकायः जाङ्‌ह्‌सा ग्‍वम्‌मा दोह्‌मा सबै बयःआकान्।

युहना 5:27

ओहाङःसै ओउःकोः चोःपाय् ‘मान्‍ताकोः चोः’ त तोओ लेःआः ओउःत खेःओ ओउःकायः सबै तय्‌छनःती योसा ग्‍वम् बयःआथै।

युहना 9:39

“लौ मान्‍ताकायः तय्‌छनःसा थेङा ङा इ ल्‍हाव्‍ह्‌दैबाङ्‌ताङ् वाङ्ओआः ङ ओहाङःसै च्‍यवःसा खाय्‌मालोलम्‌खेकायः च्‍यवःताक्‌सामा च्‍यवःसा खाय्ओखेकायः च्‍यवःताक्‌माःसामा ओउःत हायःसाकायः वाङ्आलाङः” त दाय्‍ह्‌ती येसुइ तोआकान्।

खबरदुत 10:42

ओहाङःसैको ‘लौ ङाकोः पेओ कुरा सबैलम्‌कायः तोनु दा’ त ङीकायः येसुइ तोआताङी। ‘ओउः येसुपाय् सबै सीओ मान्‍ताकायःमा सेलः मुओ मान्‍ताकायःमा सु पेओ खेःतो सु पेमालो खेःतो त कुरा तय्‌छनःती सायःसाकायःमा तात्‌साकायःमा इ येसुकायःलेः परमेस्‍वर्‌इ छ्युङ्‌ह्आथै’ त ङीइ तोसा खेःनाङी।

खबरदुत 17:31

लोन्‍तेखेहाङः परमेस्‍वर्‌इ ङ्‌हा तोती गम्ओ दीन्‌हाङः यात्‌ज्‍योः परमेस्‍वर्‌इ छीङ्‌ह्ओचाक्इलेः सबै मान्‍तालम्‌कायः मान्‍ता मान्‍ताकोः कुरा सायःती सुसु ‘पेनाः’ सुसु ‘पेमालो’ त तय्‌छनःतीलेः तोनौ। इ कुरापाय् दोङ्‌सी लेःआः त सबैकायः छ्यानःसाकायः इ परमेस्‍वर्‌इ छीङ्‌ह्ओ चाक्‌कायः सीआक्‌तीको परमेस्‍वर्‌इ च्‍योक्‌ताक्आथै” त दाय्‍ह्‌ती पावुल्इ सायःलाङ् हुम्ओ मान्‍तालम्‌कायः तोआथास।

रोमी 2:16

“लौ परमेस्‍वर्‌इ मान्‍तालम्‌कोः ल्‍हुङ्‌तुक् तय्‌छनःती योसा दीन्‌हाङः ओउःतलेः स्‍याव्‌नाः” त दाय्‍ह्‌ती ङाइ परमेस्‍वर्‌कोः पेओ नोःराय् थोल्‍ह्‌ती तोलेःनाङः।

२ कोरीन्‍थी 5:10

ङीकोः काम् तय्‌छनःती योसाकायः यात्‌नम् दीन्‌हाङः ङी सबै ख्रीस्‌कःहाङः चीङ्‌लाङ् आल्‌सा परनाःतय्‍ही ओहाङःसैको ल्‍हाव्‍ह्‌दैबाङ्‌हाङःकोः मुतोक्‌हाङः ङी पेतो जाङ्‌ह्आतय्‍ह्‌नी त खेःया लोने पेओलेः दोःनाःतय्‍ही। खेःल ङी पेमालो जाङ्‌ह्आतय्‍ह्‌नी त खेःया पेमालोलेः दोःनाःतय्‍ही।

२ तीमोथी 4:1

सीओलम्‌कायःमा स्‍याक्‌ती मुओलम्‌कायःमा सबै मान्‍तालम्‌कायः तय्‌छनःती योलाङ् वाङ्‌सा येसु ख्रीस् लेःआः बा। ओउःकोः मीक्‌हाङःमा परमेस्‍वर्‌कोः मीक्‌हाङःमा ङाइ द्याह् इ कुरा दोङ्‌ह्‌ती तोनेःनाङ् बा। येसु ख्रीस्‌मा ओउःकोः राजीमा वाङ्‌नाः त झ्‍यान्‍ते

१ पत्रुस् 4:5

ओउःमयःइ तेन्‌छ्याङ्‌खे हेला क्‍लाःतेःइतो लोन्‍तेखे ओउः सबैकायः तय्‌छनःती योसा परमेस्‍वर्‌कोः मीक्‌हाङः ओउःमयःइ लयः जाङ्‌ह्ओ रेव्ओ काम्‌लम्‌पाय् घोसा खेःलेःनै। ओउः बेलाहाङः सेलः मुओलम्‌कायःमा सीओलम्‌कायःमा सबैकायः परमेस्‍वर्‌इ तय्‌छनःती योनाःथास।