युहना 5:18 - चेपाङ

¹⁸ एत सायःआक्‌तीको ओउःमयः न्‍हाङ्‌तीलेः ल्‍हुङ् मल्‍ह्‌तो स्‍याव्‌ती “लौ इपाय् ङीकोः धोओ दीन्‌हाङः स्‍याक्‌ताक्‌माआकान् परमेस्‍वर्‌कायः ‘ङाकोः आपा’ त दाय्‍ह्‌ती लयःकायः तोती ‘परमेस्‍वर्‌च्‍युक् ताङ्‌ह्ओ लेःआः ङ’ त ताःमाआकास रैस” त नोःकाय्‌ती ओउः यहुदीलम्इ येसुकायः सात्‌सालेः बोङःआकानी।

युहना 5:18 ပူးပေါင်းရင်းမြစ်များ

मत्ती 12:5

फेरी धोओ दीन्‌लम्‌हाङः ओउः पुरोहीत्‌लम्इ मन्‍दीर्‌हाङः काम् जाङ्‌ह्‌लेःनानी। काम् जाङ्‌ह्‌सापाय् जाङ्‌ह्‌नानी ओउःत हायःसा स्‍याव्‌लेःनाः त परमेस्‍वर्‌कोः आखरःहाङः लेखती मुलेःनाः। इमा पह्रती चीःतेःनीलीया।

युहना 1:19

ओहाङःसैको यात्‌दीन्‌हाङः यहुदीलम्इ यरुसालेम्‌सै पुरोहीत्‌लम्‌मा लेवीत तोओ मन्‍दीर्‌हाङः काम् जाङ्‌ह्ओमयःमा ल्‍होक्आथास “इ युहना त तोओ ‘सुखेलो’ ” त लयः चीःताक्‌सा थेङा ओउःकःताङ् सायःती योसाकायः ल्‍होक्आथास। ओउः ल्‍होक्‌ती वाङ्ओलम्‌पाय् युहनाकःहाङः दाह्‌ती “लौ नाङ् सुलोतेः खेःतेःनाः” त व्‍हत्‌थातो

युहना 10:30

ओहाङःसै ङामा ङाकोः आपामा यातैज्‍योः लेःआः ङच” त दाय्‍ह्‌ती येसुइ तोआथास।

युहना 10:33

“पेओ काम् जाङ्‌ह्‌साकायः आप्‌नेःनाङ्‌सुलु। नाङ्इ परमेस्‍वर्‌कायः रेव्‌तोलेः तोओकायः नाङ्‌पाय् मान्‍ता झुङ्आले ‘ङागार्‌ परमेस्‍वर्‌गार्‌’ ततेः ताःती तोतेःनौ ओउःत हायःओकायः बाङ्इ सात्‌सा बोङःनेःनाङ्‌सु” त दाय्‍ह्‌ती त्‍याङ्आकाय्।

युहना 14:23

“लौ सुसुइ ङाकायः राप्‌नाःताङः ओउःइलेः ङाइ तोआ कुरा ग्‍याती जाङ्‌ह्‌नानी। ओउःकायः ङाकोः आपाइ राप्‌ती नीची नीस् आपाचाः ओउःकःताङ् मुलाङ् वाङ्‌नाङःच।

युहना 14:9

“लौ फीलीप्‌य नीङ्‌कुस् ङा इच्‍युक् ज्‍याङःतोलेः मुङोतो ङाकायःतेः तय्‍ह्‌तेःधाङ्‌चीली र। ङाकायः च्‍यवःओ मान्‍ताइ ङाकोः आपाकायःमा च्‍यवःओ लेःआः खेःनाः। नाङ्इ उया दोह् हायःतीतेः ‘लौ नाङ्‌कोः आपा छ्यानःताङी’ ततेः तोतेःनाःची।

युहना 19:7

“ओउःपाय् ‘ङा परमेस्‍वर्‌कोः चोः लेःआः ङ’ त तोआकास। ङीकोः ऐन्‌हाङः ओउःत तोओ मान्‍ताकायः ‘सात्‌साआः’ त जवनाङःसु” त दाय्‍ह्‌ती ओउः यहुदीलम् दाय्‍ह्आकाय्।

युहना 5:15

ओहाङःसैको ओउःत तोआक्‌तीको ओउः मान्‍ता यहुदीलम्‌कःताङ् द्यान्‍ह्‌ती वाङ्‌ती “लौ ङाकायः स्‍याक्‌ताक्ओपाय् ‘येसु’ त तोओ लेःआः बा” त दाय्‍ह्‌ती छ्यानःआकान्।

युहना 5:16

ओउःत चीःती ओउः यहुदीकोः ताङ्‌ह्ओ मान्‍तालम्इ येसुकायः लीह्‌सीःओ बयःआकानी “ओउःइ यात्‌चाक्‌कायः धोओ दीन्‌हाङः स्‍याक्‌ताक्आकान्” त दाय्‍ह्‌ती ओउःकायः लीह्‌सीःओ बयःनीतो

युहना 5:17

“लौ ङाकोः परमेस्‍वर्‌ आपाइ गलकायःमा पेओ काम् जाङ्‌ह्‌ती मुबाय्‌नाः ङाइमा ओउःतलेः हायःसा खेःनाङः” त दाय्‍ह्‌ती येसु त्‍याङ्आ।

युहना 5:23

बयःआक्‌तीको आपालो लेखा एङःतो चोःकायःमा एङःतोलेः स्‍याव्‌नाः। सुसुइ चोःकायः एङःथाल ओउःइलेः चोः ल्‍होक्ओ आपाकायःमा एङःथाल।

युहना 7:1

ओहाङःसैको एत तोआक्‌तीको येसु गालील अन्‍चल्‌हाङः ब्‍याह्‌ती वाह्आकाय्। यहुदीलम्इ ओउःकायः सात्‌सा बोङःओ खेःइतो ओउःत झ्‍यान्‍ते यहुदीया देस्‌ताङ् आल्‌सा ग्‍याआक्‌ल।

युहना 7:19

लौ मोसा त तोओइ नीङ्‌कायः ऐन् बयःतेःइतो ओउः ऐन्‌कोः हुकुम् सुइमातेः जाङ्‌ह्‌तेःनीली। दोह् हायःतीतेः ङाकायः सात्‌सा बोङःतेःनानानाङ्‌स” त दाय्‍ह्‌ती येसुइ तोआथासतो

युहना 8:54

“लौ ङाइ लयःकायः लुङ्‌ती ताङ्‌ह्‌ताक्‌चाङःस त खेःया ओउःत हायःसापाय् आह्रे लेःआः। ङाकायः ताङ्‌ह्‌ताक्ओपाय् ङाकोः आपा लेःआः। ओउःकायःपाय् ‘लौ ङीकोः परमेस्‍वर्‌ लेःआः’ त दाय्‍ह्‌तेःनै।

युहना 8:58

“दोङ्‌सी दाय्‍ह्‌भनाङ् आब्राहाम् ओत्‌धाङ्‌माःखाहाङः ङालेः ङ्‌हाकोः खेःनाङः बा” त दाय्‍ह्‌ती येसु दाय्‍ह्आ।

फीलीपी 2:6

ओउःपाय् परमेस्‍वर्‌लो खेःतो “ङा परमेस्‍वर्‌कायः छुलेःनाङः” त म्‍हर्‌माःत

प्रकाश 22:1

ओहाङःसैको ओउः ल्‍होक्ओमयःइ ओउः जीङः बयःसा तीः खोला छ्यानःआताङः। ओउः तीःपाय् आन पेओ छेर्‌लीङ्‌त प्‍लीङ्‌ह्‌ती झेल्ओ तीःलेः खेःतो। परमेस्‍वर्‌कोःमा ओउः भेदाकोः चोःकोःमा च्‍युङःती मुओ थाव्‌सै ओउः तीः ग्‍ल्‍युङ्‌ह्‌ती वाङ्‌ती

प्रकाश 22:3

ओहाङःसैको ओउः सहर्‌हाङःपाय् परमेस्‍वर्‌इ प्रनःओपाय् दोह्‌मा नाःल। ओहाङः परमेस्‍वर्‌कोःमा ओउः भेदाकोः चोःकोः च्‍युङःती मुओ थाव् मुलेःनाः। परमेस्‍वर्‌कायः ओउःकोः काम् जाङ्‌ह्ओलम्इ माननानी।