युहना 4:6 - चेपाङ

⁶ ओउः इनार्‌ तीः मुओ राङ् उय्‍ह्‌ले याकुब् त तोओकोः खेःतो। ओउः राङ्‌पाय् ओउःइ लयःकोः युसेफ् त तोओ चोःकायः बयःआकान्। ओहाङःसैको ओउः इनार्‌ तीःताङ् दाह्‌ती वाङ्‌ती येसु वाह्ओइ ह्र्याम्आ त झ्‍यान्‍ते ओउः तीःकोः छेव्‌हाङः न्‍यास्‌लेःआ।

युहना 4:6 ပူးပေါင်းရင်းမြစ်များ

मत्ती 27:45

ओहाङःसैको बार बजे न्‍याम् तोकोतोय्‍ह्‌हाङःसै लोने तीन् बजे न्‍याम् योहोरीच्‍युक्‌हाङःकायः ओउः देस्‌हाङःपाय् जुगाङ् च्‍याक्‌तो स्‍याव्आ।

मत्ती 4:2

ओहाङःसैको चालीस् दीन्‌च्‍युक्‌कायः येसुइ दोह्‌मा जेःमाःत उपाङ् काःती मुआ। ओःनम् दीन् पुत्आक्‌तीको ओउःपाय् आन योङ्‌क्राय्ओ खेःतो।

मत्ती 8:24

ओहाङःसैको आल्‌तोक्‌हाङः जोक्‌तो गाय्‌ध वाङ्‌ती मारुःइ तीः आन ल्‍यङःकर्‌ताक्‌ती ओउः दोङ्‌गाहाङः तीः पोक्‌ती वाङ्‌तो स्‍याव्आ। येसुपाय् म्‍होतय्‍क्‌त एनःबुस्‌तीलेः एनःती मुओ खेःतो।

लुका 2:7

ओउः जेथा चोः दोःतोक्‌हाङः नीस् पय्‍क्‌चाःकायः कीम्‌कोः कोथाहाङः एनःसा दोःचल आमाखेइ चोःकायः नाय्इ पोतोलःती स्‍याःकोः खोल्‌माहाङः पोस्‌ती गम्आकान्।

लुका 9:58

“लौ स्‍याल्‌खेकायः ल्‍हाङ्‌मा मुलेःनाः वाःखेकायःमा न्‍यास्‌सा छ्युत्‌मा मुनाः ङा मान्‍ताकोः चोः त तोओखेकायःमा लयःकोः एनःसा थाव्‌मा दोह्‌मा नाःङल बा” त दाय्‍ह्‌ती येसु त्‍याङ्आ।

युहना 11:9

“लौ न्‍हीदीङ्‌हाङः काम् पेतो जाङ्‌ह्‌साकायः बार घन्‍ता मुनाः। फेरी न्‍हीदीङ्‌हाङः ल्‍हाव्‍ह्‌दैबाङ्‌हाङः न्‍याम् थोङ्‌ताक्‌ती सबै च्‍यवःताक्‌ती झ्‍यान्‍ते न्‍हीदीङ्‌हाङः वाह्ओ चाक् तोन्इली।

युहना 4:12

ङीकोः तोकानः याकुब् त तोओइ इ इनार्‌पाय् जाङ्‌ह्‌ताङःआकान्। जाङ्‌ह्आक्‌तीको ओउःमा ओउःकोः चोःलम्इमा स्‍याःलम्इमा इकोः तीः तुङ्आकानी। ओउःकोः इनार्‌कोः तीःसै नाङ्इ बयःसा तीः पेनाः त खेःया दोङ्‌सी नाङ्‌पाय् याकुब्‌सै ताङ्‌ह्‌तोतेः खेःतेःचाः” त दाय्‍ह्‌ती ओउः मोमःचोः दाय्‍ह्आ।

युहना 4:5

च्‍योल्‌ती वाह्‌तोक्‌हाङः सीखार्‌ त तोओ गाव् द्याङ्ओ इनार्‌ तीःहाङः दाह्आकाय्।

युहना 4:7

ओहाङःसैको न्‍याम् दोपारे बेलाहाङः ओउःकुस् वाह्ओमयः बजार्‌ताङ् जेःगा लेःलाङ् आल्इतो येसु लयः झुङ्आले मुओ। ओहाङः न्‍यास्‌ती मुतोक्‌हाङः यात्‌चाक् समारीया देस्‌कोः मोमःचोः तीः हक्‌लाङ् वाङ्आ। ओउः मोमःचोः वाङ्आक्‌तीको “लौ ङाकायः तीः बयःची दा आन तीः अप्आलाङः” त दाय्‍ह्‌ती येसु दाय्‍ह्आ।

२ कोरीन्‍थी 8:9

ङीकोः प्रभु येसु ख्रीस्‌लेः आन योनःओ ल्‍हुङ् खेःतो त चीःतेःनानी। ओउःपाय् ङ्‌हालेः आन नाःतो नाःओ खेःतो। नाःसापाय् नाःओलेः खेःतो नीङ्‌कायः नाःतो नाःताक्‌साकायः येसुपाय् ह्र्यात् स्‍याव्‌ताक्आकास।

हेब्रैनी 2:17

ओउःत झ्‍यान्‍ते येसुपाय् लयःकोः हौलम्‌लो लेखालेः यातैज्‍याङ्‌लेः घार्‌तोलेः स्‍याव्‌सा खेःओ खेःतो। ओहाङःसैको परमेस्‍वर्‌कायः ताङ्‌ह्ओ पुरोहीत्‌कोः काम् पेतो जाङ्‌ह्‌ती येसुइ मान्‍तालम्‌कायः योनःती योती “लौ इमयःकोः रेव्ओ काम् जाङ्‌ह्‌झ्‍याङ्‌कोः क्‍युम्‍ह्‌ती वाय्‌पाःथास” त परमेस्‍वर्‌कः तेती तोसा खाय्‌नौ।

हेब्रैनी 4:15

ङीकोः प्रधान् पुरोहीत् येसुकायःपाय् गतलो ङीकायः ल्‍हुङ्‌तुक् थ्‍योन्‍ह्‌ती योओ खेःतो ओउःतलेः थ्‍योन्‍ह्ओ खेःतो ओउःइपाय् रेव्ओ काम् दोह्‌मा जाङ्‌ह्उलु। ओउःइ ङीकायः लयः धेःती झ्‍यान्‍ते ङीकायः थ्‍योन्‍ह्ओ चीःती आन योनःतीलेः योसा खाय्‌नाःतय्‍ही।