युहना 4:39 - चेपाङ

³⁹ ओहाङःसैको ओउः मोमःचोः “ङाइ जाङ्‌ह्ओ कुरा यात्‌चाक्इ सबै छ्यानःती तोआबत्‌ताङः” त दाय्‍ह्ओ ल्‍हाक्‌राय् सायःती नाःतो ओउः गाव्‌कोः मान्‍तालम्इ येसुकायः ङ्‌हाम्आथै।

युहना 4:39 ပူးပေါင်းရင်းမြစ်များ

मत्ती 10:5

इ बारजनकायः येसुइ ल्‍होक्आथास “लौ यहुदी खेःमालो मान्‍तालम्‌कःगनमा आल्‌लाम्। समारीया मान्‍तालम्‌कोः सहर्‌लम्‌हाङःमा पोक्‌लाम्।

युहना 1:37

ओउःइ तोओ कुरा सायःती ओउःकुस् मुओ नीस्‌चाक्इ येसुकायः गुल्‍ह्आकाचु।

युहना 11:45

ओहाङःसैको येसुइ जाङ्‌ह्ओ कुरा च्‍यवःआक्‌तीको नाःतो ओउः मरीयम्‌कुस् वाङ्ओ यहुदीलम्इ येसुकायः ङ्‌हाम्आकानी। येसुकायः कोय्‌खेइ ङ्‌हाम्‌नीतो

युहना 4:29

“लौ योलाङ् वाङ्‌न दै। ङाइ जाङ्‌ह्ओ कुरा यात्‌चाक्इ सबै छ्यानःती तोआबत्‌ताङः बा। ओउःपाय् ओउः वाङ्‌सा खेःओ ख्रीस् त तोओलेः यादो” त दाय्‍ह्‌ती ओउः मोमःचोः गाव्‌कोः मान्‍तालम्‌कायः ल्‍हाक्‌ती तोआथास।

युहना 4:30

एत सायःआक्‌तीको ओउः गाव्‌कोः मान्‍तालम् आल्‌ती येसुकःताङ् योलाङ् वाङ्आकाय्।

युहना 4:38

दोह् हायःती दाय्‍ह्‌सा नीङ्‌कोः लयः वार्‌ओ राङ्‌लम् त्‍युम्‍ह्‌साकायः ल्‍होक्‌नेःनाङ्‌सल। अरुइ जाङ्‌ह्ओ काम्‌कोः जाङ्‌ह्‌झ्‍याङ्‌कोः नीङ्‌कायःमा दोःबत्‌तेःनै” त दाय्‍ह्‌ती येसुइ स्‍यान्आथास।

युहना 4:40

ओहाङःसै ओउःकःताङ् वाङ्‌ती “लौ ङीकुस् मुअ” त दाय्‍ह्‌ती ब्रीङ्‌ह्‌ती थुनओ कुरा तोनीतो ती ओउःत ब्रीङ्‌ह्‌ती तोआक्‌तीको येसु ओउःमयःकोः गाव्‌हाङः नीस्‌दीन्‌कायः मुआकाय्।

युहना 4:42

“लौ नाङ्‌कोः ल्‍हाक्‌राय् सायःओ खेःल ओउःकोः स्‍यान्ओ ङी लःलयः नोइ सायःआलाङःसु त झ्‍यान्‍ते ‘दोङ्‌सीलेः मान्‍ताकायः दल्‌ताक्‌लाङ् वाङ्‌सा चाक् इ लेःआः बा’ त चीःनाङःइसी ओहाङःसै ओउःकायः द्याह् ङ्‌हाम्‌नाङःसु” त दाय्‍ह्‌ती ओउः मोमःचोःकायः तोआकानी।

युहना 4:5

च्‍योल्‌ती वाह्‌तोक्‌हाङः सीखार्‌ त तोओ गाव् द्याङ्ओ इनार्‌ तीःहाङः दाह्आकाय्।