युहना 4:25 - चेपाङ

²⁵ “ओउः मासी त तोओ ख्रीस्‌पाय् ‘वाङ्आनाः’ त ङाइ चीःआलाङः। वाङ्‌तोक्‌हाङः ओउःइ सबै कुरा छ्यान्‍ह्‌नाःताङी” त दाय्‍ह्‌ती ओउः मोमःचोः दाय्‍ह्आ।

युहना 4:25 ပူးပေါင်းရင်းမြစ်များ

मत्ती 1:16

याकुब्‌कोः युसेफ्। युसेफ् त तोओपाय् मरीयम्‌कोः बुधा खेःतो। फेरी मरीयम् त तोओपाय् येसुकोः आमा खेःतो। येसुपाय् परमेस्‍वर्‌कःसै वाङ्‌सा खेःओ ख्रीस् त तोओ लेःआः।

मत्ती 27:17

ओउःत झ्‍यान्‍ते ओउः यहुदीलम् पीलातस्‌कोः दर्‌बाल्‌हाङः हुम्‌ती वाङ्आक्‌तीको पीलातस्‌पाय् ओउःमयःकःताङ् आल्‌ती “लौ ङाइ सुकायः फेन्‌सा झाक्‌तेःनै बरबाखे फेन्‌चाङःया ओउः ख्रीस् त तोओ येसुखे फेचाङःया” त दाय्‍ह्‌ती व्‍हत्आथास

मत्ती 27:22

“ओउःत झ्‍यान्‍ते इ ख्रीस् त तोओ येसुकायः दोह् हायःचाङः” त दाय्‍ह्‌ती पीलातस्इ फेरीलेः व्‍हत्‌थासतो “ओउःकायः क्‍ल्‍याय्ओ सीङःहाङः योकोःती सात्‌पाःथै” त दाय्‍ह्‌ती त्‍याङ्आकाय्।

लुका 2:11

लौ दावुद् राजाकोः लयः दोःओ गाव्‌हाङः तेन्‌पाय् यात्‌ज्‍योः गोय्‌चोःचोः ओत्ओ लेःआः। ओउःइ मान्‍तालम्‌कायः ओउःमयःकोः रेव्‌झ्‍याङ्‌कःसै दल्‌ताक्‌लाङ्‌लेः वाङ्ओआः बा। ओउःपाय् परमेस्‍वर्‌इ तोती गम्ओ वाङ्‌सा खेःओ प्रभु ख्रीस् त तोसालेः।

युहना 1:49

“अहै गुरुय नाङ्‌पाय् परमेस्‍वर्‌कोः चोः लेःतेःआः बा इस्राएल्‌कोः राजालेः” त दाय्‍ह्‌ती नथानएल् दाय्‍ह्आ।

युहना 4:29

“लौ योलाङ् वाङ्‌न दै। ङाइ जाङ्‌ह्ओ कुरा यात्‌चाक्इ सबै छ्यानःती तोआबत्‌ताङः बा। ओउःपाय् ओउः वाङ्‌सा खेःओ ख्रीस् त तोओलेः यादो” त दाय्‍ह्‌ती ओउः मोमःचोः गाव्‌कोः मान्‍तालम्‌कायः ल्‍हाक्‌ती तोआथास।

युहना 4:39

ओहाङःसैको ओउः मोमःचोः “ङाइ जाङ्‌ह्ओ कुरा यात्‌चाक्इ सबै छ्यानःती तोआबत्‌ताङः” त दाय्‍ह्ओ ल्‍हाक्‌राय् सायःती नाःतो ओउः गाव्‌कोः मान्‍तालम्इ येसुकायः ङ्‌हाम्आथै।

युहना 4:42

“लौ नाङ्‌कोः ल्‍हाक्‌राय् सायःओ खेःल ओउःकोः स्‍यान्ओ ङी लःलयः नोइ सायःआलाङःसु त झ्‍यान्‍ते ‘दोङ्‌सीलेः मान्‍ताकायः दल्‌ताक्‌लाङ् वाङ्‌सा चाक् इ लेःआः बा’ त चीःनाङःइसी ओहाङःसै ओउःकायः द्याह् ङ्‌हाम्‌नाङःसु” त दाय्‍ह्‌ती ओउः मोमःचोःकायः तोआकानी।