17 “ङापाय् बुधा नाःबाय्ङल” त दाय्ह्ती ओउः मोमःचोः त्याङ्आ।
“लौ उया द्याह् पाय्ह्अ नाङ्कोः बुधा गोत्ती वानःउ दा” त येसुइ दाय्ह्ती तोउतो
“माः रैस ‘ङा बुधा नाःङल’ त दाय्ह्ती दाय्ह्ओ दोङ् कुरा लेःआः बा। नाङ्कोः बुधापाय् पोङाज्योः खेःइतो ओउः नाङ्कुस् तेन्छ्याङ् याक्ओ गोय्चोःपाय् नाङ्कोः बुधा खेःबाय्ल। नाङ् दोङ्सीलेः त्याङ्तेःआची” त दाय्ह्ती येसु त्याङ्आ।
“लौ योलाङ् वाङ्न दै। ङाइ जाङ्ह्ओ कुरा यात्चाक्इ सबै छ्यानःती तोआबत्ताङः बा। ओउःपाय् ओउः वाङ्सा खेःओ ख्रीस् त तोओलेः यादो” त दाय्ह्ती ओउः मोमःचोः गाव्कोः मान्तालम्कायः ल्हाक्ती तोआथास।
ओउः दोङ् कुरालेः खेःसापाय् खेःनाः ओउःमयःखेइ ङ्हाम्नीली त खेःओ वाय्तोलेः स्याव्आकाय् नीङ्खेइ ङ्हाम्तेःआकानी त खेःओकायः च्योतोती गम्तेःनै। ओउःत स्याव्सापाय् स्याव्तो लयःकोः नेह्रो ओर्ताक्माःत एङःती मुन
