युहना 4:11 - चेपाङ

¹¹ “अ साहीप्‌य ओउः इनार्‌कोः घाङ्‌पाय् आन झ्‍युम्‍ह्‌लेःनाः बा गत हायःती इ पेओ तीः बयःसा खाय्‌तेःचौ। नाङ्‌कोः हक्‌सा थोक् नाःबाय्‌ल।

युहना 4:11 ပူးပေါင်းရင်းမြစ်များ

युहना 3:4

“ताङ्‌ह्ओ मान्‍तापाय् गत हायःती रौ जीङः दोःचाःनाः र। लयः आमाकोः तुक्‌हाङः द्यान्‍ह्‌ती पोक्आक्‌तीको फेरी ओत्‌सा गलमा खाय्‌बाय्उलु” त दाय्‍ह्‌ती नीकोदेमस् ग्‍याङ्‌ह्‌ती नोःआ।

युहना 4:14

सुसुइ ङाइ बयःसा तीः तुङ्‌नौ ओउःखे गलमा द्योक्‌मालो रौ जीङः दोःती अरु तुङ्‌सा परल। इ रौ जीङः दोःताक्‌सा तीःपाय् ङाकःसै गलमा लय्‍ङ्‌तीलेः वाङ्‌नाः” त दाय्‍ह्‌ती येसु त्‍याङ्आ।

युहना 7:37

एत नोःकाय्‌तोक्‌हाङः ओउः छ्यात्‌कोः द्युम्ओमा ताङ्‌ह्ओ दीन् पुत्आ। ओहाङःसै येसु चीङ्‌ती सबैकायः थोल्‍ह्‌ती तोती “लौ सुसुलो अप्‌चानाः ओउःपाय् ङाकःताङ् तुङ्‌लाङ् वाङ्अ दा।

खबरदुत 10:14

इत सायःआक्‌तीको “खेःल प्रभु इलो खेःओ ऐन्इ जेःसा ताक्‌मालो जात्‌लम्‌पाय् ङाइ गलमा जवती झ्‍यान्‍ते जेःङल” त दाय्‍ह्‌ती त्‍याङ्आ।

१ कोरीन्‍थी 2:14

फेरी इ परमेस्‍वर्‌इ बयःओ कुरापाय् परमेस्‍वर्‌कोः ग्‍वालामः दोःओलम्‌खेकायः ह चीःसा खाय्‌लेःनानी। ओउःकोः ग्‍वालामः दोःमालोलम्‌खेइ इ कुरा सायःसा ग्‍याइली “इपाय् भ्‍यामःती नोःओ” त म्‍हर्‌ती सायःनीली ओउः कुरा चीःसा खाय्‌नीली।

प्रकाश 21:6

“लौ इपाय् स्‍याव्‌जेःआ बा। ङापाय् सबैसै ङ्‌हामा लेःआः ङ सबैसै लोनेःमा लेःआः ङ सबै कुराकोः तुङःमा सबै कुराकोः च्‍योःमा ङा लेःआः ङ। सुसु अप्‌लेःनै ओउःकायःलेः ङाइ ओउः जीङः नाःओ तीः सीगाङ्‌सै पैसा आःताः त्‍याक्‌माःत सोह्‌लेः तुङ्‌सा दोःताक्‌नाङःसु।

प्रकाश 22:1

ओहाङःसैको ओउः ल्‍होक्ओमयःइ ओउः जीङः बयःसा तीः खोला छ्यानःआताङः। ओउः तीःपाय् आन पेओ छेर्‌लीङ्‌त प्‍लीङ्‌ह्‌ती झेल्ओ तीःलेः खेःतो। परमेस्‍वर्‌कोःमा ओउः भेदाकोः चोःकोःमा च्‍युङःती मुओ थाव्‌सै ओउः तीः ग्‍ल्‍युङ्‌ह्‌ती वाङ्‌ती

प्रकाश 22:17

ओहाङःसैको परमेस्‍वर्‌कोः ग्‍वालामःमा ओउः भेदाकोः चोःकोः कमामा “लौ वाङ्अ दा” त दाय्‍ह्‌ती तोनाःचु। ओउः कुरा सायःओलम्‌मा “माः है वाङ्‌चाक्अ दै” तमा सबैइ तोपानी। ओहाङःसै सुसुमा अप्‌लेःनै ओउःपाय् ग्‍यातीलेः वाङ्‌ती ओउः पैसा आःताः त्‍याक्‌माःत सोह् बयःओ जीङः बयःसा तीः त्‍याक्‌पानी।

प्रकाश 7:17

दोह् हायःती दाय्‍ह्‌सा ओउः राजाकोः थाव्‌कोः माझहाङः मुओ भेदाकोः चोःइपाय् ओउःमयःकायः ह्रामःओ मान्‍तालो लेखालेः स्‍याव्‌नाः। ओउःमयःकायः ओउःइ जीङः बयःसा तीः कावःराङ्‌ताङ् दाक्‌नाःथास। ओहाङःसैको क्रेस्‌ती र्‍याःतोक्‌हाङः परमेस्‍वर्‌इलेः ओउःमयःकोः मीक्‌क्‍लीः सबै थ्‍युर्‌नाःथास” त दाय्‍ह्‌ती ओउः थालवःपाइ छ्यानःती तोआताङः।