युहना 3:19 - चेपाङ

¹⁹ ओउः गाल्‌तुम्‌ती नोःओ कुरा इलेःआः ल्‍हाव्‍ह्‌दैबाङ्‌ताङ् पेओ काम् जाङ्‌ह्‌साकायः थोङ्‌ताक्‌लाङ् वाङ्‌तो ओउः थोङ्ओसै ल्‍हाव्‍ह्‌दैबाङ्‌कोः मान्‍तालम् न्‍हाङ्‌तोलेः च्‍याक्ओहाङः मुसा झाक्‌लेःनै लयःकोः रेव्ओ काम् जाङ्‌ह्‌सा थेङा। इत हायःओकायः परमेस्‍वर्‌इ गाल्‌तुम्‌ती नोःनाःथास।

युहना 3:19 ပူးပေါင်းရင်းမြစ်များ

लुका 12:47

सुसु नोकरीखेइ काम् जाङ्‌ह्‌सा चीःउतो बुरु ओउः काम् पेतो जाङ्‌ह्‌नीली ओउःकायःलेः मालीक्इ जोक्‌तोलेः न्‍युम्‍ह्‌ताक्‌नाःथास

लुका 16:14

ओउःत स्‍यान्‌तोक् बेलाहाङः येसुइ तोओ कुरापाय् फरीसीलम्इ सायःती मुओ खेःतो। ओउःमयःपाय् पैसा क्‍युसालेः आन झाक्‌नै ओउःत झ्‍यान्‍ते ओउःमयःइ येसुइ स्‍यान्ओ कुरापाय् ङ्‌हाम्‌माःत ओउःकायः ङीःआथै।

युहना 1:4

फेरी ओउः नोःराय्‌पाय् जीङः दोःताक्ओचाक् खेःतो। जीङः दोःआक्‌तीको मान्‍तालम् ल्‍हुङ् थोङ्‌तो वाह्‌सा खाय्‌नानी।

युहना 1:5

च्‍याक्ओहाङः थोङ्‌तो स्‍याव्आक्‌तीको च्‍याक्ओइ क्‍लीमःसा गलमा खाय्उलु।

युहना 12:31

लौ इ ल्‍हाव्‍ह्‌दैबाङ्‌कोः मान्‍तालम्‌कायः तय्‌छनःती योसा बेला वाङ्आ। ओउःमयःकोः सैतान् राजाखे द्याह् क्‍लाःती ल्‍होक्‌नाःथै।

युहना 12:43

ओउःमयःपाय् परमेस्‍वर्‌कोः लुङ्‌ती नोःओसै मान्‍ताकोः लुङ्‌ती नोःओ कुरा सायःसा झाक्आकाय्।

युहना 12:46

ङापाय् सबै थोङ्‌ताक्‌साकायः इ ल्‍हाव्‍ह्‌दैबाङ्‌ताङ् वाङ्ओआः ङ। ओहाङःसैको सुसुइ ङाकायः ङ्‌हाम्‌चानानी ओउःलेः च्‍याक्ओहाङः मुइली।

युहना 5:44

लयःमयःइ लुङ्‌ती तोओ कुराखे नीङ् झाक्‌तेःनै ओउः यातैज्‍योः मुओ परमेस्‍वर्‌इ लुङ्‌ती तोओ कुराखे नीङ् झाक्‌तेःइली ओउःत झ्‍यान्‍ते ङाकायःपाय् ङ्‌हाम्‌तेःनाङ्‌सल।

युहना 7:17

सुसुइ परमेस्‍वर्‌कोः काम् जाङ्‌ह्‌सा ग्‍यानै ओउःलेः ङाइ स्‍यान्ओ कुराकायः ‘लौ ओउः कुरापाय् परमेस्‍वर्‌कःसै लेःआः लयःकःसै खेःल बा’ त चीःनानी।

युहना 7:7

ल्‍हाव्‍ह्‌दैबाङ्‌कोः मान्‍तालम् नीङ्‌खेकः अह्र्इली ङाखेकः आन अह्र्लेःनै। दोह् हायःती दाय्‍ह्‌सा ओउःमयःकायः ‘लौ नीङ्इ जाङ्‌ह्ओ काम्‌लम्‌पाय् आन रेव्ओलेः’ त ङाइ तोधैलेः मुनाङः।

युहना 8:12

ओहाङःसैको येसुइ फेरी मन्‍दीर्‌हाङः हुम्ओ मान्‍तालम्‌कायः स्‍यान्‌ती तोआथास “लौ इ ल्‍हाव्‍ह्‌दैबाङ् थोङ्‌ताक्ओपाय् ङा लेःआः बा। सुसु ङाकुस् वाह्‌नै ओउःलेः च्‍याक्ओहाङः गलमा वाह्इली थोङ्ओहाङः रौ जीङः दोःती वाह्‌नै” त दाय्‍ह्‌ती येसु दाय्‍ह्आ।

युहना 9:5

इ ल्‍हाव्‍ह्‌दैबाङ् मुतोक्‌हाङः ङापाय् ओउःकोः थोङ्‌ताक्ओ लेःआः ङ” त दाय्‍ह्‌ती येसु दाय्‍ह्आ।

रोमी 1:32

एत हायःओलम्‌कायःपाय् “मीह्‌ती ह्र्योक्‌ती वाय्‌सा खेःतो” त परमेस्‍वर्‌इ तोउतो ओउःत तोओ इ रेव्ओ मान्‍तालम्इ चीःसापाय् चीःआकानी रेव्ओ काम् लयः फेमाःत मुनै अरु रेव्‌तो जाङ्‌ह्ओलम्‌कायः लुङ्‌तीलेः तोनानी।

रोमी 2:8

सुसु मान्‍तालम्‌खेइ लयःकोः ल्‍हुङ्‌हाङः झाक्ओ कुरा ह बोङःती दोङ् पेओ काम् ग्‍यामाःत रेव्ओ काम्‌लम् जाङ्‌ह्‌धै मुनै ओउःमयःकायः परमेस्‍वर्‌इ ल्‍हुङ् मल्‍ह्‌ती न्‍युम्‍ह्‌ताक्‌नाःथास।

२ थेसलोनिकि 2:12

ओउःत झ्‍यान्‍ते ओउः दोङ् कुरा ङ्‌हाम्‌माःत रेव्ओ काम् जाङ्‌ह्‌सा झाक्ओलम्इपाय् लोने न्‍युम्‍ह्‌नानी।

१ पत्रुस् 2:8

फेरी इ अरु कुरामा लेखओआः परमेस्‍वर्‌कोः कुरा ङ्‌हाम्‌मालो मान्‍तालम्‌कायः “लौ ओउःपाय् दोम् त्‍योक्‌सा बाङ् स्‍याव्‌नाः ओउःहाङः मान्‍ता क्‍वेन्‍ह्‌ती तोन्‌नै” एत हायःसा ङ्‌हाहाङःसै रय्‍ह्ओलेः खेःतो ओउःमयःखेपाय् ङ्‌हाम्‌नीली त खेःया वाह्‌तोक्‌हाङः तोन्आकाय्।

२ पत्रुस् 3:3

ल्‍हाव्‍ह्‌दैबाङ्‌कोः द्युम्‌खेःओ दीन्‌लम्‌हाङः लयःकोः ल्‍हुङ्‌कोः रेव्‌तो मोह्‌हाय्ओ काम् जाङ्‌ह्ओलम् थानै त नीङ्इ ङ्‌हालेः चीःसा खेःतो। ओउः मान्‍तालम्इ ङ्‌हाम्ओलम्‌कायः हेला क्‍लाःती