युहना 3:15 - चेपाङ15 ओहाङःसैको सुसुइ ङाकायः ङ्हाम्चाःताङः ओउःकायःलेः गलमा द्योक्मालो जीङः दोःनै बा” त दाय्ह्ती येसु दाय्ह्आ। အခန်းကိုကြည့်ပါ။ |
लौ इ ल्हाव्ह्दैबाङ्कोः जेःगालम् सय्ङ्ती ल्ह्योह्ती वाय्नाः ओउः जेःगाखेकायः केलःती काम् जाङ्ह्माःत ओउः गलमा द्योक्मालो रौ जीङः दोःताक्सा जेःगाखेकायः काम् जाङ्ह्नु। इ जेःगापाय् ङा मान्ताकोः चोः त तोओइ बयःनेःनाङ्स। एत हायःसाकायः ङाकोः परमेस्वर् आपाइ ङाकायः दोक्तीलेः गम्आताङः बा” त दाय्ह्ती येसुइ तोआकान्।
‘लौ नीङ् गाक्ती मुओलम्य नीङ्इ ग्याङ्ह्सीःओ काम् ङ्हाम्माःत योती सीतेःपै। इ ङाइ जाङ्ह्खेःओ ग्याङ्ह्राय्कोः कुरा अरुइ नीङ्कायः स्यान्ती थ्योन्ह्थासतो नीङ्इ ङ्हाम्तेःनीली ओउःत झ्यान्ते नीङ् वाय्तोलेः स्याव्तेःनै’ त दाय्ह्ती परमेस्वर्कोः कुरा उय्ह्लेहाङःसै लेखती मुनाः। इलो लेखा ह्र्योक्ती वाय्ओ नीङ्मा धेःतेःचाःइसी” त दाय्ह्ती ओउः थनःओ कीम्कोः मान्तालम्कायः पावुल्इ तोआथास।
दोह् हायःती दाय्ह्सा सीती वाय्सा खेःओ मान्तालम्खे ख्रीस्पाय् ङीकायः क्ल्याय्ओ सीङःहाङः सीओ कुरापाय् सायःसा ग्याइली “भ्यामःती नोःओ कुरा लेःआः” त दाय्ह्ती नोःनानी। ङी ख्रीस्इ दल्ताक्ओ मान्तालम्खेइ ओउः कुरा सायःती “लौ इपाय् परमेस्वर्कोः दल्ताक्सा कुरा लेःआः” त दाय्ह्ती ग्याती तोनाःतय्ह्नी।
ओउःतलेः खेःनाःतय्ही ऐन्कोः कुरा जाङ्ह्ती परमेस्वर्कोः मीक्हाङः सुइमा जुगाङ् पेतोलेः स्याव्सा खाय्तय्ह्नीली। येसु ख्रीस्कोः कुरा ङ्हाम्आक्तीको ह पेतो छय्ङ्तोलेः स्याव्नाःतय्ही। एत चीःती ङी यहुदीलम्इमा परमेस्वर्कोः मीक्हाङः पेतो स्याव्साकायः येसु ख्रीस्कोः कुरा ङ्हाम्नाःतय्ह्नी ऐन्कोः कुरा जाङ्ह्तय्ह्नीली दोह् हायःती दाय्ह्सा ऐन्कोः कुरा जाङ्ह्ती परमेस्वर्कोः मीक्हाङः सुमा पेतो स्याव्इली।